متى حملتي بعد عرسج ؟؟؟ تعالوا كلياتكن

[راقيه وجذابه]

انا من عرايس شهر 9

لاتشوفيني لمن تزوجت ميته ميته بس ابي احمل

وادور خلطات واعشاب وخرابيط وعقب 5 شهور حملت

الحمدلله رب العالمين

والله الحين اقول لو ترد الايام والله اكل حبوب لي سنتين جدام والله العظيم

من حملت شكلي غللللللللط ومرت حماي العروس الثانيه الي كانت وياي بنفس اليوم

تلبس وتكشخ وتتمكيج وانا وجهي مصوفر وتعبانه ومبين علي التعب حيل

وحتى مع زوجج وناسه طلعات سفرات وتروحون وتردون ماتحاتون شي بس انتي وياه

لاتبلشين عمرج تكفين

كنا بنسافر النمسا هالصيف بس قالي لا عشان الحمل

الحمدلله رب العالمين

هذا مو معناته اني متحسفه لا هذي نعمه من رب العالمين وشعور حلو ماينوصف

بس استانسي او ع الاقل سنه

موفقه حبيبتي

 

["*آآآنؤؤؤقهـ*"]

حبيبتي طبيعي لاتحاتيييين

بتحملين ان شاااءالله .. عني انا حملت بعد سنه وشهرين بالضبط

شي طبيعي لين سنه تحاتين عقب السنه ...



الله يفرح قلبج بالحمل القريب

 

[أبكاني ذنبي]

توج عرووس استااانسي لاحقه خير ان شاء الله

انا حملت بعد 4 شهوور

 

[غرومه غنوجه]

انا من نفس الليله حملت
بس يات لي خلال شهرين الدوره اربع مرات وماكنت ادري اني حامل
يوم رحت حللت طلعت حامل ومادري شصاير معاي الي كان ينزل دم
وعطوني حبوب وهل سوالف وسلامتج

بس تحليل المنزلي مايبين ترا
المضمون تحليل الطبيب

 

[حكآية قلب]

انا حملت بعد الدورة الاولى

وووووصصصصج لوووووعه

الحمل و انتي عروس 


بس الحممدالله الحين ماعلي


الله يرزقج يارب

 

[أحلام العمر]

فالك مو فالي حملت بعد 6 سنوات زواج

 

[سارة ة]

انا حملت عقب 6 شهوور


بس نصيحه اذا ودج تحملين شيلي فكرة الحمال من بالج

 

[الـخـشـفـ الـنـداويـ]

بالعكس احلا شي الحمااال ليش البننات يقولون شيلي من بالج

والله اتا وزوجي كل شي سويناه وانا حامل طلعات روحات وحتى السفر و كشخه ووناسه و كعب شطوووله وعطورات و حياة طبيعيه

 

[سوزي الشرقية]

احساس فينانبي نصيرامهات الله يرزقش اني حملت بعدسنتين وشهرين

 

[~رحيل~]

عادي لا تستعجلين ولا تروحين حق المستشفيات يلعبون فيج ..ومواعيد على الفاضي

انا حملت بعد سنه ونص ..
وبعد السسنه رحت ارجع من مستشفى الى مستشفى ومن مستوصف الى مستوصف ..
وفي الاخير ما استفدت منهم شي وقلت خلاص مابي اروح
والحمدلله الله رزقني بالحمل من غير ادويه ولا علاجات ولا شي

وبعدين انتي توج عروووس استانسي بحياتج لاحقه على الشقه

 

[عشق المطر]

حملت بعد3 شهور واجهضت مره ومرتين و3 واربع يعني بلعربي صارت حياتي كلها حمل من بعد3 شهور من زواجي للحين نصيحة استانسي في احلا ايامك ولاحقه عالحمل

 

[[[ عيون جابر ]]]

انا حملت عقب 4 شهور من عرسي
ولا تخافين ولاتفكرين بالحمال انسيه وراح تحملين لان التوتر وكثرة لتفكير يأخر الحمل

 

[ELFAD3Ah]

انا وريلي كنا محددين بعد 4 شهور والحمدالله الله رزقني الحمل وبعدها
بس ترا تو الناس ليلحين بعد سنه الوحده تحاتي
الله يرزقج

 

[عازفه القلوب]

انا الحين دخلت 7 شهور وما حملت لان بدايه عرسي الدوره ملخبطه والحين صارت هالشهرين تتقدم عندي
الله يرزقنا بالذريه الصالحه ويرزق كل اللي يتمنى

 

[عـسـلـهـمـ..]

اولااا الله يرزقج عااجل غير اجل ياارب
ثاااااانيا البناات اللي يقولوون تحسفناا وندمناااا استغفرووو ربكم واحمدددو الله على النعمه اللي عطاااكم ايااهااا والله لوو ربي اخر حملكم شووي جاان حاالتكم حاااله وبس تفكرووون
الصراااحه بعض البناات رفعوو ضغطي
وشكراااا

 

[المملكه غير]

تو الناس لاتحاتيين

 

[أنفاسي دخون]

توش عروس استانسي وتهني حبيبتي لاحقه على الشقا

 

[بولندية]

أنا حملت عقب 3 شهور و ساعات اقول ياليتني ناطرة سنة. بس الحمدالله رزقني ربي بولدي

 

[ليمونة وزيتونه]

انا عقب سنه ونص لان كان معاي تكيس لان رحت لدكتوره بعد 3 من زواجي قلت بعد انطري سنه
والله حملت بس والله مسؤليه وتعب

 

[تبطي عظم!]

الله يرزقج بالذريه الصالحه تو النااس لا تخاتيين عادي

انا حملت بعد ثاني دوره من زواجي فرحت بالحمل وطرت فييه بس منعني من واجد اموور الكعب المشي بالمجمعات كنت اتعب حييل واضطر ارجع

بالعربي عرووس وتعبااانه وبعد الولااده مسؤوليه كبييره صدقيني استانسي باياامج وبتحملين ان شاء الله بس خلييها على رب العاالميين