متى حملتي بعد عرسج ؟؟؟ تعالوا كلياتكن

[عروسة فوشيآ]

السلام عليكم

شلونكم ي حلوات

بنات ابي اسألكم سؤال انا الحين مرت علي 4 دورات من بعد عرسي ولالحين ماحملت يحق لي احاتي والا عادي هالشي طبيعي ؟؟؟؟؟

مع ان انا الحمدلله دورتي منتظمة كل 28 يوم واهي نازلة


ويالله كل وحدة تقول متى حملت بعد عرسها يعني جم دورة مرت عليها وبعدين حملت ؟؟؟؟

ابي اعرف في بنات حملوا بعد شهور يعني عادي


وشكرا جزيلا

 

[ٱستۆطنت خٱفقهْ]

هلا وغلا


تو الناسس توج عروسس

انا حملت عقب ٩ شهور وسقطت وعقب ٤ شهور حملت الحمدلله


موفقه يالغاليه


واذا تحاتين روحي سوي تحاليل وفحوصصات

لان انا اللي اخر حمالي قرحة بالرحم من سويت كي حملت




=)

 

[أملي بعد الله]

لا حبيبتي طبيعي جداً توج 4 أشهر حتى لو رحتي للطبيبة رح تقولج نفس الكلام وتعطيج سنة كاملة تالي تروحين تراجعين وتشيكين

أنا الحمدلله حملت طبيعي جداً عقب سنة .. والحمدلله كنا مستانسين بهالسنة رحنا ويينا وخلصت دراستي وأستقرينا وتالي ربي رزقنا والحمدلله

بالعكس انتي الحين استانسي لأن الحمل نسـاة تتغير فيها نفسيتج وتكرهين نفسج .. وبتشوفين أشيا وايد صارت ممنوعة عليج وأنتي توج ماتهنيتي فيها وانتي عروس مثل السفر والطلعات الوايد وحتى الجماع خوفاً ع الجنين رح تخففون وايد وانتوا بعدكم عرسان ماتهنيتوا

وسعي سدددددرج لاحقة ع الشقا إن شا الله وبيي اليوم اللي بتصيرين فيه ماما إن شا الله

 

[الـخـشـفـ الـنـداويـ]

عادي شي طبيعي مني لي سنه مجرد وقت

انا حملت من اول دوره الحمدلله


لا تحاتين بس ادعي ربج يالذريه الصالحه*

 

[عروسة فوشيآ]

واااااي بنات ريحتوني

الله يريحكم ويسعدكم



مشكووووييين

 

[ضحاوي الديره]

عااااااااادي على شنو مستعجله
انا حملت عقب سنه بس كنت اكل حبوووب مانع
والحين عقب البيبي ومسئوليته نددددمت اني خليت حبوبي لان بعدني ماشبعت من الحرررريه
استانسي يختي باجر يجي بيبي يررربطج ويقيدج لاحقه ع الشقاااا

 

[روح الأحزان]

حبيبتي شي طبيعي لي سنة بعد السنة يحق لج تحاتين وتروحين تسوين تحاليل
انه حملت بعد دورتين

 

[حآلية الذوق ~]

حبيبتي عادي
انا حملت عقب ٩ اششهر
الحمدلله

استانسي واذا تبين تتاكدين سوي التحاليل عقب ست اشهر مو الحين عشان تتطمنين بس شرط اثنينكم تسوونها

 

[أكذب عليك]

انا حملت بعد 8 شهور ومادري شلون البنات يتلهفون ع الحمال من اول شهور
جد انتي عروس استانسي بنفسج مع زوجج وتجهيزج.الحمال والنساة تعب حيييييييل
الحمداله انا فرحت بحمالي والله يفرحني بشوفة ضناي بس جد لو حمل من الشهور الاولى
جان كرهت الزواج بدري

خليهاا ع ربج والله يرزقج يارب..وعادي انا بدايه زواجي تخربط اول كم شهر بعدهااا انتضمت باليوم بعد

 

[@ام يوسف@]

انا حملت عقب شهرين بس اجهضت والله عوضني والله يرزقج الذريه الصالحه

 

[ام الحلوااات]

مـــنــي للــســـنـــه طــبــيــعـــي الـــوضـــع اســتــانــســـي بــعــمــرج لاحــقـــه عــــــلــى الــشــقـــاء​

انـــا حــمــلــت عــقـــب 7 شــهــور وســقــطـــت وحــمــلــت بــعــدهـــا بــ 7 شــهــــور​

 

[ام ساره 4]

حبيبتي بعد السنه إذا ماصار حمل راجعي الطبيب وانتي تقولين اربع شهور يعني تو الناس والنفسيه تلعب دور أهم شي لا تفكرين بالحمل وان شاء الله تحملين

 

[متوترة]

شتبين بالحمل الحين استانسي
اناحملت عقب خمسه شهور عسى الله يعين
والله كرهت نفسي من الوحام والتعب ,,

نصيحه من الحين البسي كل الي عندج واكشخي واستانسي
لانج اذا حملتي بتكرهين حتى التكشخ واللبس
عسى الله ياجرنا

 

[أبله شقحه]

تو الناس لتحاتين

 

[om_3azoz]

توه الناس ياقلبي لاتحاتين توج عروس ,,
انا حملت بعد 6 شهور تقريبا

 

[moon 15]

شوفي حبيبتي اذا انتي خاطرك بلحمل ادعي ربي بين الاذان والاقامه وفي الثلث الاخير من الليل وبتشوفين خير ان شاء الله

 

[بيادر أمل]

.
.
ياحيااتي عسى الله يتمم لج بالخير انت وزوجج ويجعل اياامكم كلها سعادة وفرح
ويتوج فرحتكم بيبي عنوني يملي عليكم حيااتكم ان شااء الله
.
.
عني حملت بعد شهر من عرسي والحمدلله الله رزقني ببنت لاعبه بحسبتي لعب لووووووول نااسية نفسي والسبب هي اذا نزلت السوق اذا طلعت اذا بغيت اسوي شي ياعمري ابديها ع نفسي عسى يبلغج هالشعور ^^
وبعدها بسنة رزقني الله باخ لها ان شااء الله يكون لها عون وسند في هذه الدنيا ^^
.
.
لا تحااتين ولا تفكرين توج عرووس تهني وافرحي وعيشي حيااتج والمكتوب والمقدر لج بتشوفينه وبتصير احلى واحسن ام ان شااء الله ^^
ولا تخلين الشيطاان يوسوس لج ويزرع في باالج اي فكرة او اي طااري من انه لا سمح الله فيج مشااكل تمنعج من الحمل ...
.
.
ادري قرقرت عليج بس حسيت انج تبين احد يطمنج ويبشرج انه وضعج طبيعي^^
.
.

 

[عالمي المجنون]

أنا حملت من ليلتي

و كاهو ولدي بعد عمري بعد شهرين يكمل السنة

بس توج ترا ما راح تستانسين اذا حملتي مبجر

 

[عالمي المجنون]

ما شا الله الي فوقي جنها أنا

أنا راح يكون بينهم سنة و ٥ شهور اذا الله تمم علي حملي

وفعلا دايم ابدي ولدي علي معاشي طاير عليه و ناسية نفسي

 

[روحي رتوجه]

انا حملت بعد سنه من عرسي

انتي توناس توج عروس لاتستعجلين