متى تنتهي صلاحية المكياج ؟؟؟

[قلبي القرآن]

السلام عليكم ورحمة الله وبركاتة

شلونكم بنات وشلونكم مع المكياج اللي مايخلص ولا نتوب من التشري:eh_s(4):


حبيت أسألكم متى ينتهي المكياج لأن عندي شكثر مكياج جنطة كبيره مثل مالت الصالونات متروسه
ومو عارفه اذا انتهت ولا لا لأن في بعضهم صارله سنه وسنتين وما عليهم انتهاء الصلاحية وكله ماركات
وغالي قليل ما اشتري من الهنود شلون اعرف انهم انتهوا بعضهم بكراتينهم ومستحرمة اقطهم فشلون اعرف انهم انتهوا ؟؟؟


فيدوني بنات بهالموضوع الله يجزاكم خير

 

[لولوه 87]

حبيبتي يحطون ورا او بالعلبة شكل علبة مفتوحه و مبين عليها تاريخ هذا يبين تاريخ الاستخدام لمده الاستخدام

 

[شيهانه بحريه]

انا اللي اعرفه انه لازم يكون عليهم تاريخ انتهاء
وبعضهم يحطون 6 شهور من الفتح او 12 شهر او 24 شهر..

 

[قلبي القرآن]

اهاااا انزين أنا مو حاطيلي أرقام حاطيلي جذي 6m او 30m يعني شنو ??
وفي بعضهم ما عليهم هالعلبة المفتوحة ؟؟

 

[قلبي القرآن]

الله يجزاكم خير على الرد
بس في مكياج عندي ماعليه شي لاعلبة مفتوحه ولا تاريخ ولا شي وخصوصا حمر ماك
والبودرات يعني شنو هذا ؟؟؟

 

[ما كو اسم]

اهاااا انزين أنا مو حاطيلي أرقام حاطيلي جذي 6m او 30m يعني شنو ??
وفي بعضهم ما عليهم هالعلبة المفتوحة ؟؟

6m = 6 months (ستة شهور)

 

[غلاي عزوزي]

مكتوب. تحت بخط صغير نفس الصندوق المفتوح12mيعني سنه والله انا ماقمت اكثر مكياج كلش من يخلص شي اشتري والحمر ب٣ الوان رئيسيه بيج لحمي وردي احبهم وبسسسسسس لانه انصدمت انه عندي مكياج من١٠ سنين ايام الكليه لووووووووول

 

[قلبي القرآن]

ههههههه عندج وعندنا خير بس أنا ما أتوب شكثر الحين قاعده اقط وقلبي يعورني أخاف ربي يعاقبني لو متصدقه بهالفلوس ابرك
انزين بس في بعضهم ما عليهم شي لا تاريخ ولا شكل علبة اقطهم ولا اخليهم ؟؟
واممممم واللي بكراتينهم ماتبطلو اخليهم صح ؟؟

 

[بوغاتي88]

6m = 6 months (ستة شهور)

 

[بنت الاحلام]

والله شوفي انا مرات نفسج تجيني هبه واشتري مكياج ولما اشوف التاريخ كلهم 6 شهور او سنه ينتهي


والحين حتي مكياج عرسي ما كثرت خفت ينتهي وانا بستعمله بروحي مو مع خواتي
بس قبل لا اتزوج وزعت كل شي ما استعمله وعطيته بنات يستعملون احسن ما يظل جذي وينتهي

واخرته بالزباله حرام

خل مسلم يستفيد منهم افضل

انا اسوي جذي دايم بكل اغراضي

انصحج وزعي ع خواتج واهلج

 

[منو انت]

احسن حل الشي اللي تحسين انه من زمان على طولي بالزباله انا اقول احذف احسن من ان بشرتي تتعب باجر وانجبر اعالج بمبلغ وقدره اهم شي الصحه والبشره