متى تعلمين انج حامل ؟ والسبب لان يمكن عبالنا الناس تحب الخش والدس تعالو

[راحيل العبدلي]

انا حملت بعد عرسي بثلاث شهور
و خالتي علمت الكل ..
والحمدلله الامور تمام .. وهم علمت بجنس البيبي ..
لكن الي حولي ما يعلمون يخشون جن ببطنهم سياره ولا ذهب
مو طفل الكل يحمل بطفل مو شي جديد يعني وهم الجنس بعد يقولون مو مبين
ولا باخر الحمل يقولون ..
اهي صح خصوصيتهم بس لا تحشرون نفسكم بخصوصيات الغير
صح انا الي علمت وهم خالتي
بس احيانا يتطفلون يسالون زوجي هل انا متوحمه والعيون لازم ع البطن لووووول


وان شاء الله لي حملت ماراح اعلم لي الرابع ولا الخامس و البيبي ماراح اقول

 

[ام الحلوااات]

وااايــــــد حــــريـــم حـــولـــي يــحــمــلـــون ومــا يــعــلــمــون ومــا نـــدرري عـنــهــم
الا لــمــا كــروووشــهــم تـــفــضــحــهـــم
والــمـــفـــروض الـــوحــــد مــن تــحــمــــل مـــا تــعـــلــــم احــــد
ابـــدآآ ابــدآآ وش عــلــى الــنـــاس مــنــي حـمــلـت ولا قــعــدت ؟؟
لــيــش هـــم اللــي بــيــشــلــوون تــعــب حــمـــااالـــي !!؟؟
ولا بــيــشــااركــوونــي الآلآم الـــولادة؟؟!!
مـــو لاقــيــه مــنــهـــم الا الــقــيــل والــقــااال
وعـــيــووون تــخـــز ولــســـان مـــا يــذكـــر اللـــه
خـــل يـــوولـــووون اصـــرررف لــهــم مـــالــهـــم عــنـــدنـــا شـــــــــي​

 

[عروسه حلوه]

اي والله الحريم مايطالعون روحهم تلاقين وحده يايبه 8 والا 9 من تسمع بوحده حملت سيده تقول ما مداها توها متزوجه يعني حرام عليها وحلال عليج وااي لو نفتك من الغيره شوي انا اول ماتزوجت حملت عقب شهر بس قتلهم بالشهر الثالث وثاني يوم كان عندي مراجعه والا تقولي البيبي مافي نبض صج انها كتبت ربي بس لازم نتحفظ وندير بالنا والعين حق والحين انا بعد سنه توني احمل ادعولي يابنات انه يثبته وافرح بشوفته سليم معافى يااارب وانا الحين بالثالث ربي يتمم علي وعلى كل الحوامل

 

[ام عجمية]

بالنسبه لي اول مااحلل اجري اتصالاتي
للي اعرفه وموباقي الا انشر بالجرايد هههههه

 

[ReEm Q6R]

انا اول ماحللت علمت امي واختي وام ريلي بسس..
ويوم كنت فالثالث علمت الباقي من هلي ،.

وانا اول حملي نزل علي دم كم مره ورحت الطوارئ ولا الدكتوره الهنديه تقولي يمكن حملج يطيح .. احتريت عليها وقعدت اصيح
وعقب قلت حق دكتورتي قالت اسم الله عليج لا ان شاءالله كل شي زين الحمدلله ،.



قلبك صخر : اعجبتني انا ماحملت منهم... خخخ اي والله صج .

 

[ReEm Q6R]

حبيبتي خوخه ،. الله يتمم لج على خير ان شاءالله والله يفرحج بشوفه بيبج في حضنج يارب ..


والله يتمم حق كل الحوامل وتقر عينكم بشوفه بيبياتكم ان شاءالله ..

 

[الزيـــــ^^ـــــن]

خوش موضوع

انا اول ماحملت علمت اهلي وحماتي الكبيره وخالاتي ويدتي لان هذيلا صج يفرحووولي
وبعد ماكملت ثلاث شهور علمت الباقي اللي يسأل بس .. كنت ابي اطمن عالبيبي وخصوصا اني متاخره بالحمل خايفه عالبيبي
وهم ماسلمت طلع فيني سكر حمل من عيونهم ،، واللي تتربصلي وتعدلي بالضبط متى ولادتي الله يكافينا شرهم .. وبالنسبه للنوع علمت قرايبنا بس الغرب لا.. صج البلا من القرايب ،، ان شالله ربي يحفظنااااا
ويارب يتمم علينا ويرزقنا باطفال كاملين الخلق والخُلق..

 

[ابدا يالغالي مانساك]

عن نفسي من حملت حللت مني

انشررت الخبر منيه والا النزيف موقف
وزوجي زفني زف السنه بسااعه
حقد علي ذيكك الاياام لوووول وانا رايحه للطواري والوااتسااب والاتصالات مسكتت شغاله ومقدر ارد عليهم

اقولهم مشغوله وهم عبالهم اشتغل وانا اعابل
بالهنزيف الي صابني من نشرت الخبر


فيه حريم ومنهم مرت حماي يوصووون لتااسع مشالله ومايقولوون
الله يارب تعوضني بالحمل وترزقني

قلبي يااخوخه يالباااكك ويالباا مواضيعكك
ربي يسهل عليكك ويقومكك بالسلامه

 

[عبره]

.
.
صح العين حق بس برضو القضاء والقدر حق
انا لما حملت ماقلت الا لامي وخواتي وام زوجي واخته الكبيره
بس ماربي كتب واجهضت
لان ربي ماكتب يتم
معاكم حق الواحد لازم يكتم الخبر شوي
بس ماحب اعيش برعب من عيون الناس
الاذكار تحمينا بعد الله
اللي مايقول الاذكار اكيد بتجيه عيون الناس
والله يحفظنا جميعا ويعوضنا خير

 

[You FOR Me Only]

انا بحمالي علمت ولمن اجهضت اكتشفت في ناس من الاهل بيصكون الثلاثين وماعلمونا بحملهم مع اني من حملت علمتهم

وخلاص من اليوم ورايح مو قايله لحد النفوس تغيرت

 

[أم سم سوم]

الله يتمم عليج ويثبته انشاء الله ​

 

[اخت خالتهم]

حبـايبي حيـاكم الله


عروسه يارب يا كريم يثبته ويتمم عليج وتفرحين فيه


ابد يا الغالي .. فديتج انتي والله وعسى ربي يرزقج عاجلا وليس ااجلا ياكريم


عجبتني ردودكم وطريقة تفكيركم

حياكم الله

 

[joorey]

اهلاا
الموضوع حلو
انا اول ما حملت علمت امي وابوي وخالتي وعمي
واهما ما علمو احد لان كنت توني شهر
بس الناس صادوني لما صرت شهر ونص
كنت كلا بالمستشفى

وبصراحة تضايقت لما عرفو لان اهما يخشون حمالهم ما يقولون الا بالرابع
والحين ميتين قهر يبون يعرفون شنو فيني بخليهم بقهرهم مو كفو يعرفون

انا افضل بالثالث اعلن

 

[كويتية بروما]

انا ملاحظه اغلب اللي مايتهم عين عادي يعلمون بس الله لايقول لو تصيبها عين وتتعب منها صدقيني بتغير رايها

 

[ام دليار]

أنا من قبل احمل الناس بتعرف ههههههه
لأنو بعمل طفل أنابيب بلأردن كلها بتفقدني مشان هيك ما بقدر اخبي
الله يرزقني مابدي أخبي على حدا

 

[كتالونيه]

بالنسبه لي أنا
بحمالي بعيالي ماأعلم أحد والحمدالله يتم كل شي على خير
واول ماحملت وعلمت على طول طاح
أنا انصح كل وحده ماتعلم الا اذا كملت الثالث
لانه نفوس الناس تغيرت

 

[مذهــلــه]

أنا علمت امي بس وخالتي ريلي قالها عقب ماحللت باسبوعين وافضختني ليش ماتقولين وليش ماتقولين قلتلها استحي شنو اقولج المفروض الزوج يقول مو المرة هذا المتعارف عليه

وكل مااروحلهم لازم اسئلة بخصوص النسات والحمال طبعا خالتي وحمواتي مايقصرون

حسيت كل خوفهم ان يكون فيني ولد .. مايبوني أبجر بولد استغفر الله حتى لو حق ولدهم

مادري ليش مع ان مو ناقصهم يحمولون ويولدون

بس عينهم على اللي بايد غيرهم

والحمدلله على كل حال ..الله ماقسم واجهضت بالخامس من عيونهم واسألتهم

عاد هم مااقدر الحمل الياي مااقول عيب وفشلة

بس ممكن اللي بعد الاول مااقول ... الله يسهل

 

[اخت خالتهم]

مذهله و كويتية وكتالونية و ام دليار يارب الله يعوضكم ويرزقكم حاسة فيكم



جوري حياتي ربي يتمم عليج

 

[فـراوله]

بحمالي الاول والثاني ما علمت الا بالثالث

بس أمي درت بحمالي الاول من حللت كنت عروس ومادري شالطبخه

بحمالي الثاني أنا ما دريت اني حامل الا بالشهر الثاني كنت مو متوقعه حمل نهائي

وطبعا في ناس ما دروا الا بالخامس او السادس او السابع وفي ناس يوم ولدت دروا

ما راح أمشي وأقول أنا حامل وأدقدق وأعلم اني حامل للي تسأل بقول غير جذي لا




​

 

[gorgeous lady]

الي تسأل راح اقوللها بس انا ماراح اقول من نفسي،وماح اقوللهم بنت او ولد لما اولد راح يعرفو،وبعدين الحمل شي خاص مو لازم كل الناس تعرف الي يعرف يعرف والي يقول ليش ماقلتي ويزعل مع نفسه،اهم شي ربي يرزقني بالطفل السليم المعافى وتكون صحتي كويسة،ومشكوورة عالموضوع