متى تشتغلين على نفسج ؟ قبل الولادة ولا بعد النفاس ؟؟

[بشه المنفشه]

السلام عليكم ورحمة الله وبركاته





مروا علي نوعين من الحريم وبقولكم شسوون

في حريم من تدخل التاسع تروح الصالون تشيل جسمها كله وتسويلها حمامات مغربية وتهتم بشعرها وتقصه ويمكن تصبغه بعد .. تسويلها برنامج كااامل عشان بس تولد يكون شكلها مرتب حق الناس اللي بيونها وجدام زوجها بعد لأن بعد الولادة ماراح يكون عندها وقت اتسوي أي شي


وفي حريم ترتاح بالتاسع حتى ما تشيل جسمها ( ما عدا أهم منطقتين ) على أساس إنها بتظل لابسة طويل وكله متدفية ومحد بيشوف منها شي وهالموضوع له ميزة عشان لما تشيله عقب هالفترة يكون طالع كله وتضمن النعومة والنظافة .. وصحيح تهتم بنفسها لكن بشكل بسيط يعني اتسشور شعرها وتلبس ملابس حلوة ومرتبة واتعطر واتزين واتخلي كل شي حق طلعتها من النفاس .. تروح الصالون واتسويلها برنامج طويل عريض تطلع منه عروس



وإنتي شنو تسوين ؟ بالنسبة لي حبيت الطريقة الثانية

 

[super pink]

بالعكس بالتاسع اذا الوحدة حست انه ولادتها قربت اتشيل شيرة واتقص وجذيه طبعا هالسوالف الشهرية واذا اطلعت من الاربعين عاد ذيك الساعة تصبغ وجذيه
الصراحة انا وحدة ما اعرف اقعد وجسمي فيه شعر بعد بروحة النفاس اغلقة هم بعد جسمي يضيق الخلق
عاد على اتخلص الاربعين الا طالع الشهر مرة ثاني وكل شي

يعطيج العافية على الموضوع

 

[^^ ريان^^]

طبعا الطريقه الاولي بس بدون قص وصبغ وبدون حمامات مغربيه

 

[UNfaithful]

شوفوا حلو الوحده تهتم بكل الوق
يعني انا مفكره

اشيل جسمي كله بالتاسع ومن اولد النفاس 40 يوم كافي يطلع الشعر وينشال مره ثانيه

بس مو اني اقعد مزرعه @@

اخر 10 ايام اقص واصبغ واسنفر واخذ حمامات مغربيه وباخر يومين احف كمل يمديه الشعر يطلع

 

[سحابه صيف]

الطريقه الثانيه انا اهي اللي بسويها اذا الله قومني بالسلامه انشاءالله

 

[بناتي سكر نباتي]

والله انا من ادش التاسع احف ( المنطقتين) واخلي الباجي ريولي وايدي ليما اطلع من الاربعين واحورث بعمري حتى ايدج وريلج تكون غير لماتحفيها

 

[ثلجة باردة]

أنا احس الطريقه االاولى احسن لان الشعر راح يمديه يطلع عادي

 

[ناتشوو]

لا اسوي الشيرة بالتاسع
فشلة من اللي بتولدني!
(تفكير بعيد)
حتى حواجبي صبغ وتشقير
حتى بنص النفاس
لأنها تغير الشكل والنفسية بعد
بس الصبغ والقص ماجربت
بس جربت صبغ لون واحد بنفسي
كان عندنا مناسبة
الحين انا بالخامس
وناوية قصة جديدة وصبغة بعد جديدة
والنيو لوك بعد النفاس
لاحقة عليه ان شاء الله

 

[Al-Farasha]

الوحده تشيل بالتاسع بس قص و صبغ ...............الخ
اخر يوم بالنفاس

 

[مراسي الحب]

آخر التاسع شلت المناطق المهمة وحواجبي .. طول النفاس اشتغلت على نفسي سنفرة وماسكات اللي حتى ما احتجت حمام مغربي .. واخر النفاس قص وصبغ وفل شيرة

 

[بشه المنفشه]

يسلمووو بنااااات على المشاركة

 

[al.dalo3a88]

طبعا انا افضل الطريقة الثانية
لان الناس مو مهمين عندي كثر ريلي
اكون راح استقبلهم وشكلي طبيعي جدا
ويكون التغيير الكبير حق حبيب القلب
والتغيير من اخر يومين طبعا
انا صارلي اسبوع والده وبشتغل على نفسي انشالله من الاسبوع الجاي
خلطات وكريمات وقص وصبغ وشيره وكله
وبطلع حق ريلي عروس ..لا واحسن من اول يوم شافني فيه

وبس

:ggdw:​

 

[بشه المنفشه]

ماشاء الله الله يتمم عليج والحمدلله على سلامتج

 

[بشه المنفشه]

up up

 

[Emanova]

انا شلت شيره اول التاسع لاني كنت ملغومه ما يندرى عني متى راح اولد و مرده راح يطلع الشعر ...بس على آخر الثامن من النفسيه التعبانه قصيت شعري ...علشان على ما اخلص الاربعين الا القصه مترتبه

و طول فتره الحمال الله يخلي مزيزنه و شقره و خلطتها الصابونيه

و الحين ناطره اكمل 15 يوم علشان ابلش على روحي الماسكات و السوالف لاني والده قيصريه ....و ان شاء الله آخر 10 ايام راح يكون شغل مكثف و حنه لاني ما اصبغ ....

و طبعا لازم اروح الصالون اسوي شعري علشان طلعتي من الاربعين فالاهتمام يكون قبل و بعد بس المكثف عقب الولاده علشان تحاولين تمحين آثار الحمال

 

[Om-BmbOSha]

انا راايي انه اول مادش الوحده شهرها التاسع اتحف بس ... بدون قص وصبغ

ولمن تلد بلسلامه في فترة الاربعين عقب ما ترتفع تبدي اتحط خلطات وكريما وزيوت عشان اتصلح اللي اخترب في فترة الحمل

وقبل ما تطلع من الاربعين باسبوع عاد اتبلش اتروح صالون اتسوي حمامات مغربيه وحمامات تبيض وهلسوالف وقبل ماتطلع بجم يوم من الاربعين اتروح اتقص وتصبغ

انا هذا راايي

 

[الهتون]

مررررحبا... بالنسبه لي من ثالث شهر وأنا اسوي حمام مغربي واحف بس بآخر السابع سافر ابونا ونطرت قبل مايرد بيوم رحت سويت كل شي حمام مغربي وشيره وحواجبي وشوووووووووواربي وبدكير ومنكير وانا بالشهر التاسع صارلي اسبوعين . انا عندي الافضل التنظيفات تسوينها كل شهر مو علشان زوجج او الضيوف علشان نفسج وراحتج النفسيه اما القص والصبغ قبل الطلعة من الاربعين بسلامتج تسوينها

 

[Om _ Almona]

الاولى صحيحه حق الاستقبال (بس من غير صبغ وقص) على شان تظل فرش ونظيفه جدام زوجها بفترة النفاس
وماكو مانع ان بعد النفاس تروح وتتعدل مره ثانية وبطريقه غير وتقص وتصبغ شعرها للتغيير

 

[@سيدة نفسي@]

آنا عن نفسي لااااااااااااازم أحف قبل الولادة حف كامل وأرتب حواجبي صبغ وتشقير بس ماأصبغ شعري ولاأقص إلا قبل الأربعين مع طبعا الحمامات المغربية وهالسوالف

 

[ناتشوو]

الحمام المغربي عادي تسويه الحامل؟​

​