متى تشتغلين على نفسج ؟ قبل الولادة ولا بعد النفاس ؟؟

[بشه المنفشه]

الله يعطيكم العافيه حبيبات قلبي

حبيبتي ناتشوز اللي أعرفه إن الحامل تقدر بس ما اتطول بالبخار لأنه يسبب دوخة وطبعاً الفرك ما يكون صوب بطنها وظهرها

 

[ناتشوو]

الله يعطيكم العافيه حبيبات قلبي

حبيبتي ناتشوز اللي أعرفه إن الحامل تقدر بس ما اتطول بالبخار لأنه يسبب دوخة وطبعاً الفرك ما يكون صوب بطنها وظهرها

مشكورة على الرد

طول عمري
حاطة ف بالي انه مو زين البخار في الحمام المغربي للحامل

 

[بشه المنفشه]

اي البخار مو زين لازم ما اتطول فيه لأنه يدوووخ .. حتى بالسبوح العادي بالبيت إذا كان الماي حار لازم تنتبه وإذا تقدر اتطرف الباب شوي عشان ما تنتقمت ويحوشها هبوط لا سمح الله

 

[passion.666]

شلونكم يا بنات الموضوع يه بوكته ومشكوره على الموضوع الحلو للأخت اللي طرحته
طبعا انا ولادتي قيصريه وانا الحين آخر 7 والدكتور قالي راح اولدج اول التاسع فبرنامجي راح يكون 4\7 اول يوم دخولي الثامن عندي شهر و10 ايام على ولادتي البرنامج كلأتي:
حمام مغربي وجهاز البخار موجود عندي +السنفره المشمش+الخلطه الصابونيه مالت مزيونه وبعدها ادهن جسمي بزيت اللوز المر
للبشره الماسكات وخلطة البطاط والحليب البودره ونشا
الشعر لازم اصبغه لون واحد لأن الشيب من جدام مخرب شعري وشكلي
طبعا غير البدكير والمنكير والشيره وحف الوجه
الصراحه انا مليت وزوجي بعد فشله كفايه فترة الحمل عفستنا عفاس على الأقل لما يكون عندي في المستشفى يحس التغيير وبالحيويه
اعطيه الشعور اني رجعت مثل اول صالونات واصباع ولبس وحتى وانا حامل لما البس واتسنع الصراحه جامده مافي حيويه مالي خلق جني مغصوبه خلي نعطيه اشويه حافز

 

[أم شواقه]

بحمالي بالبجر بعد النفاس سويت كل شي ،، اما الحامل وبالتاسع مادري ما احس لها خلق

 

[ام _خلودي]

لالازم اشيل قبل وبعد

 

[بشه المنفشه]

passion.666

ماشاء الله تبارك الرحمن ربي يعطيج الصحة والعافية
أنا والله مافيني حيل مادري صج ولا دلع


أم شواقه

أنا هذا اللي في بالي بعد


ام _خلودي

يسلموووووو

 

[msmshasnsn]

انا بالتاسع اشيل شيره واحف ويهي واذا كنت صابغه شعري من قبل وانزلت الصبغه ارد عليها بس لون واحد
وبعد النفاس ارد اشيل شيره واحف وابلش حمام مغربي واحاول اسوي نيولوك من قص وصبغ وسلامتكم:eh_s(6):

 

[Love \ Hate]

نوووو بالعكس ..

عيل انا مااسوي ولاااااااااا شي .. مجرد امور النظامه من شيره وبديكير ومنكير وحف بالتاسع ..

وبعدين اتم شهرييين ماادش الصالون إلا لما اوصل يوم 35 من النفاس ..

طبعا الاماكن الحساسه دايما اشيلها بالبيت .. لكن ايدي ؟؟ ريلي ؟؟ حف حواجب ؟؟ ويه ؟؟ نووو واااي ..

اخليهم يطلعوون عددددددل ومااحط ولا شي بويهي طول فترة النفاس وارفع شعري بعد وماافكر اسشوره " اصلا انا ضعري ناعم الحمدالله"

كله رافعته بوني تيل وبس .. عشان بعدييين ؟؟؟؟؟؟ يوم 35 اروح واسوي نيووو لووووووووك ..

صبغ وقصات وحواجب وعفسه واطلع عروووسه والكل ينصدم ابيييه تغيرتي @@ واولهم زوجي

 

[++The DuchesS++]

انا قبل ولادتي مع اني ولدت مبجر جني حاسه
حفيت وكل شي ولا سويت كيراتين وصبغ ما احب اقعد جدام الناس وانا
مو راضيه عن نفسي
وبعد النفاس هم رديت سويت لوك ثاني عادي ما في مشكله
صبغه غييير عن الاوليه غيرتني تماما مع قصه وبس
انا من النوع اللي ما استحمل كلش تصير فيني كأبه اذا تميت بدون حف
وصبغ فتره فما بالكم بالنفاس ابو الكأبه والكدر لووول

 

[++The DuchesS++]

اي بضيف شغله
تحسفت اني ما سويت تفريك مع شويه بخار قبل الولاده
لانه خصوصا القيصريه تعفن عدل بالنفاس بسبه الخياط
ما تقدر بعد الولاده الا يمكن بشهرين او 6 شهور يعني فتره طويله
وبالنفاس متغطيه ومتدفيه تحسين بالقرف

 

[سلمى وسارا]

المفروض من السابع الوحده تحط زيوت على جسمها وشعرها عشان الخرايط تنمحي اثارها وعشان شعرها مع الولاده الله يعين بعد الولاده والهرمونات شوي بيتغير وبيتساقط وبالاربعين حوفري بعمرك كريمات وماسكات وحفي باخر اسبوع عشان تروحي لزوجك عرووووووووووووووس جديده ولايحس باي تغير وينسى فترة الحمل وشلون صار شكلك

 

[أمنيــــــــــه]

بصرراحه تحهيز الدراريع الحلوووه وحف كامل للجسم لان ورانا خياااس اربعين يووم الله يعين

بس ما انصح بالقص والصبغ ورا النفاس احسن

 

[غلا ماجد]

سمعت البخار مو زين بس انا ان شا الله ببلش سنفرات و خلطات طبيعية و كريمات و مغربي لما اخلص الصيفي و يقولون زيت الزيتون زين تدهنينن جسمج قبل السبوح بساعة

 

[أم مرايم]

الوحده عقب النفاس تحورف بروحها

طبعا تهتم بشكلها قدام الناس بس مولدرجة قص وصبغ وحفاف

ليه بطلع سيقاني ويدي للحريم انا

خله اخر النفاس احلى

 

[كوكولالا]

الحمام المغربي عادي تسويه الحامل؟​

​

نفس السؤال؟؟؟؟؟؟؟؟؟؟؟؟؟؟؟احس نفسي بختنق فيه

 

[الرنا]

احسن شي التغيير كله بعد الولاده...