متى تبدون تجهزون حق البيبي؟

[Miss-_-Fl0wer]

انا جهزت من اول ماعرفت جنس البيبي وليلحين ما خلصت

 

[_Pure_]

احسن شي و من تجربه خلي تجهيزاتج تكون بين الشهر الخامس و السابع تكونين خالصه كلشي
من ملابس و اثاث و ادوات نظافه و جذي

اما حقج من الحين ممكن تبتدين اغراض حق استقبال مواعين مثلااو كفر او قمصان نوم و ملابس رضاعه

انا بهالحمال غلطت اني بديت تجهيز بالسابع للبيبي و ماخلصت تجهيزاتي حق نفسي الا بدخلتي التاسع و وايد وايد تعبت لاني كنت احاتي اولد قبل لا يكتمل تجهيزي و اتوهق بس الله ستر

 

[bubble.gum]

رد : متى تبدون تجهزون حق البيبي؟

اما انا عن نفسي باول السابع وما جهزت ولا شي حق البيبي لانه اتوقع تو الناس
وعموما ملابس البيبي عااادي لو امي او اختي تروووح اتجهزهم اذا بدا دوامي بالجامعه
اما المهم :: انا و تجهيزاتي
الحمد لله فصلت الكفر والقميص .
شريت مواعين تقديم وجاي وقهوة والصواني.
وقاعدة اشتغل بعلب ككاو البيبي لان هاند ميد ، وقلت اسويهم دامنا بالعطله قبل الدوام .
وحطيت عيني على استاند للككاو يمكن هالايام اشتريه .

وعلى فكرة لا تكثرين من ملابس البيبي بعمر 0-3 اشهر لانه بسرعة يكبر
ونصيحة حتى لو عرفتي شنو نوع البيبي اشتري الوان تصلح للاثنين اصفر - اخضر - ابيض - بيج -برتقالي -بني ، يعني جذي علشان تستفيدين منهم بعدين .
احسج حامل بجر ، صـــــــــــــح ؟؟

اييي بجر توني :wqedqw:

 

[Om-saloo7]

انا بنهاية الثالث بلشت

 

[Om-saloo7]

خفت تتراكم علي المصااااريف

 

[Meeesh]

بعد مااعرف جنس البيبي ان شاء الله

 

[جـــواهر]

انا بعيالي كنت ابلش من الخامس وافتك لاني اخر الاشهر زين اروح الحمام
ومااالي خلق عبالة التجهيز

 

[ELFAD3Ah]

انا جهزت بالسادس وخلصت بالثامن

 

[ام اغلى الناس]

احسن من السادس
بولدي بجري جهزت من السابع



طبعا ودي من اعرف بحملي اجهز بس احسن تجهزين وانتي عارفه ومتاكده من الجنس

 

[yoyo"s mam]

والله انا بالسابع وتوني بديت تجهيز

 

[••غـلآًهْـم••]

والله تني فرررحت لج الف الف الف مبروووووك الله يتمم لج علي خير يارب
ياكثر ماشفت نكج ودعيت لج والله الحمدلله ياربي الله يرزق كل بنات تأخر الانجاب


نصييييييييحه اتركي عنج الفراره لاحقه

والله كنت اطلع واتمشي علخفيف موواجد ولاشريت شي اصلن واسم الله عليج نزلت عندي المشيمه حييل ادعي لي الله يتممه


فنصيحه ارتاااااااااااحي لحد الخامس علاقل