متى النهايه واشلون

[ملكه الحطب]

يابنات احس المنطقه الحساسه خلاص بتنفجر مااقدر انام ولا اتقلب او اقعد من عوارها والدكتوره تقول خلاص واصل يطلع ياربي لي شهر على هالحال بس الحين زايد واللي جذي تتسهل الولاده ويطلع بسرعه والا تطول وخايفه من حجم الراس وشسوي عشان يطلع دام البيبي نازل
مشي كل يوم امشي وساكنه دور ثالث على طول انزل واصعد شربت دارسين وازعتر والجماع ابو الشباب يقول انسييي ماكو فايده وبقى لي 4 ايام واخلص شهري

 

[Aloe Vera]

اذكر كل ما الدكتورة تقولي خلاص الراس نازل كلش اولد بعد اسبوع بالضبط
حتى انا من كلامها كنت اتوقع اني بولد باجر بس هم اقعد اسبوع و اولد
و الحمدلله ولاداتي الثنتين كانو سهلين و سريعين لان الراس نازل حيل و الرحم فاتح ٣ سانتي بدون طلق و هالشي حيل يساعد و يسهل
ان شاء الله كلام دكتورتج يبشر بالخير تحملي مابقى شي
و انا اعتقد المفروض الحين تريحين من المشي وراج ولادة
و دام الراس نزل خلاص ارتاحي و تطمني

 

[ملكه الحطب]

ياحياتي الله يبشرج بالخير ان شاء الله ويسهل عليج امورج يااااااارب

يكفيني انج رديتي علي وماطنشتي ولي اسبوعين الراس نازل تحت والله كريم

 

[جذابه بنت ذيابه]

يوميا امشي ساعه عالبحر و عسا ربي يسهل عليج وكثرري من التمررر. و اشتغلي بالبيت .. الشغل يحمي الطلق سبحان الله

و نصيحه لا تفكرين واجد تتعبين التساهيل من ربي ويومه مكتوب له متا يطلع

 

[أشبـاهـ المطـر]

لازم جماع ونقعي رجولج بماي حار
والله يسهل عليج يارب وتولدين بالسلامه
وتشوفين البيبي بصحه وعافيه ...​

 

[حرمه المصون]

الله يهون عليج وعلينا حبيبتي

 

[كويتية تكفي مية]

متى ماربج كتب يطلع بيطلع ،، مشي وجماع كله مايسوي شي آنـا جربت وانا بجر كليت اسبوع من العاشر وانبط الماي وسانتي مع طلق صناعي وتوسيع ولدت الحمدالله

 

[joyful]

امشي بعد خلاص راح تولدين ..متى موعد ولادتج ؟؟

 

[latkt7as]

الله يهون عليج يارب

اكلي تمرر

وامشششي كثر ماتقدرين

واذا خلصتي مشي اخذي شووور دافي

واقعدي شوي تحت الدش

وهم الجماع مفيد لان فيه ماده تسهل الولاده

وعادي حبيبتي انا ولدت اول يوم بالعاشر

الله يتمم عليج ويسهل ولادتج

 

[أحلى عروس 2012]

الله يعينج

 

[ملكه الحطب]

قاعده امشي والجماع انسي لانه زوجي مو مقتنع بالمره بهالشغله شكلي بروح يبطون الماي وطلق صناعي ماكو الا هالحل واخر موعد لي ٥/٢٦

 

[الأميرة جوري]

تحملي كلها ايام وربي يسهل عليج

 

[أأأميرة الورد]

الله يسهل عليج وتولدين بالسلامه

 

[انا لحبيبي .]

الله يسهل عليكي يارب العالمين

 

[Aloe Vera]

لا تروحين طلق صناعي ليش تعذبين روحج خليج عالطبيعي وايد اسهل خصوصاً ان الراس نازل خليها عالله اهو راح يسهلها يبيلج شوي صبر

 

[احساس نادر]

نفس الحاااااله متى النهااايه انا صارلي يومين بالعاشر مو راضيه اولد بدون اعراض ولاده لحد الحين المشي والجماع والدارسين والخروع كله مانفع معاي الله يعين ويصبرلنا لين نولد بسلامه تعبت نفسيا وجسديا

 

[ملكه الحطب]

يااااارب انك تهونها وتسهل علينا ياااارب

 

[bent babaty]

الله يسهل عليكم ياارب

 

[اريـ الكويت ـاف]

شوفي ياعمري انا الراس ينزل عندي من الثامن و اكل شهري و العاشر يالله اولد و الله ما اخلي دارسين و لا مشي طول هالفترة بس الجماع اقلله لان بصراحة حيل يتعبني يعني ثاني يوم احس بعوار بظهري و بطني و ما اقدر امشي و اتحرك بصعوبة بس الحمد الله تسهل و نصيحتي مهما تطولين لا تروحين المستشفى انا كلت عشرين يوم من بعد اخر موعد ولادة بعدها ياني الطلق و ربك سهل و الله يسهل عليك و تولدين بالسلامة