متى المفروض ينزل الراس بالحوض ؟؟

[لوكي 22]

السلام عليكم


متى المفروض ينزل الراس بالحوض للبجر ؟؟
اي اسبوع اخر زياره قالي الدكتور للحين الراس مانزل بالحوض

واذا نزل تكون الولاده قريبه حيل ولا ينطر اسابيع ؟؟


وسؤال ثاني انا فيني التهابات مهبليه ولي شهر ماستخدمت التحاميل
ويوم استخدمت وحده امس حرررني حيييل يحرقني وللحين في حراره خفيفه ويقولون مو زينه تحاميل بلاشهر
لاخيره صج ؟؟

 

[([عطر رومانسي])]

لوكي جكيتج تسألين من ورانا هههههه


شوفي بالنسبه للراس ينزل بالتاسع >> هذا الي اعرفه


والتحاميل حطيهم اصلا مو زين اذا ماحطيتيهم وماعالجتي الالتهابات

 

[ام الحلوه والمزيون]

رفع

 

[احلى ـآ وحده]

اللي اعرفه الراس ينزل من الشهر الثامن

وعن الالتهابات موزينه خصوصا بالولاده انا جاتني ووصوفلي الدكتور تحاميل هاذي اللي جنها بيض الصعو اتهببببببببببببل ..
ووصفولي غسول نصيحه لا تسكتين عن نفسج روحي راجعي

 

[حلمي اكون ام Q8]

انا كنت بالاسبوع 36 وقالت لي الدكتوره الراس بالحوض
وورا مراجعتي بيوم نزل ماي الجنين دفعه وحده وعلى طول للمستشفى وعلى ماحاولوو اولد طبيعي عقب يوم
ارتفع الجنين لفوق وولدت قيصري الحمدلله والسبب الماي نشف كله

 

[سموره 87]

انا نزل بالثامن

 

[شيخه الحلى]

انا اول ما دخلت التاسع رحت راجعت وقالتلي الدكتوره راس البيبي بالحوض
ولادتي كانت اسبوعين من التاسع يعني ما خلصت التاسع

وبالنسبه للتحاميل
إذا الدكتوره اهي اللي واصفتلج التحاميل عيل اكيد مافي ضرر منهم لأنها دكتوره واهيا ادرى بشغلها
ويا عمري لازم تعالجين الإلتهاب قبل لا تولدين
لأن الإلتهاب مع الولاده مو زين يمكن يسبب عمى للبيبي
وانصحج تشربين عصير التوت البري من كي دي دي
انا الدكتوره وصفته لي لما فيني إلتهاب والحمد الله راح من العصير
اشتري كرتون وحطيه بالثلاجه وشربيه على طووووول وادعيلي :hjy5jewf:

 

[دلوعه^عسل]

رد : متى المفروض ينزل الراس بالحوض ؟؟

انا من الثامن نازل وعادي دكتورتي قالت في ناس يتم البيبي نازل شهر كامل لين يي وقته ويطلع مو شرط اذا نزل ولاده يعني والالتهابات اهم شي تكثرين شرب ماي وتغسلين بغسول كل يوم

 

[آجمل نسآء آلدنيآ]

رد : متى المفروض ينزل الراس بالحوض ؟؟

عــآدي قلبــووو آلمفـروض بنهـآية آلثـآمن يكـون رآس آلبيبـي تحـت ..
يتهيـآآآ حـق آلطلـعه ..

وبـآلنسبـه للآلتهـآبـآت .. دكتـورتج آدرآآ بمصلحتــج و عشـآن تتطمنيـن
آكثـر .. رآآآجعي و آن شـآءآللـه خيـر ..

آللـه يسهـل عليــج
​

 

[لوكي 22]

لووول عطور صدتيني هاا منوره ام النور

ام الحلوه ماقصرتي عالرفع

احلى وحده ايه نفس تحاميلي جذي شكلهم بس بدون غسول

حلمي اكون ام حبيبتي ماقصرتي عالمشاركه وربي يخليلج البيبي وتيبين له اخوان

سموره , مشكووره عالمشاركه الحلوه وان شاءالله ينزل

شيخة الحلى ان شاءالله بشتري العصير وربي يخليلج شيوخه ويوفقج ان شاءالله

دلوعه . ان شاءلله .. يعطيج العافيه

اجمل نساء ماقصرتي عالدعوه ولج بالمثل يارب

يعطيكم الف عافيه

 

[tmtmt]

هلا هلا بلوولوو

سمعي وفتحي اذانيج عدل مدل
ينزل الراس من الثامن وفي بالتاسع
يعني لا تحاتين وتفكرين عادي
بنت خالتي اخر مراجعه لها كان فوق الراس وحددولها بعد يومين قيصريه
راحت ولا سبحان الله نازل راس البيبي

ثاني شي الالتهاااابااات موووو زينه
مابي اخرعج بس لااااازم تراجعين مو على كيفج تاخذين تحميله ولا غسول
الي الدكتور يوصفلج ياه
اسم الله عليج وعلى البيبي
اذا ولدت الوحده وفيها التهابات يسبب عمى حق البيبي ديري بالج

انا يوم فيني التهاب اول خذوا مني مسحه وشافوا شنو بعدين وصفتلي تحاميل بس كنت باول الشهور
روحي راجعي وان شاااااءالله خير

 

[لوكي 22]

هلا وغلا بتمتووم فدييتج استانست شفتج راده علي لج وحشه

عالالتهابات بخليهم ياخذون مسحه بس بعد التحميله لان المفروض من زمان مستعملته
وان شاءالله يارب تروح مني لالتهابات

 

[_Pure_]

اذا مو بجر عاطي يتاخر الراس علما ينزل مو شرط من التاسع ممكن من نفس يوم الولاده او قبلها بجم يوم

و الالتهابات وايد خطرة عالبيبي لازم تعالجين لان ممكن لاقدر الله تنتقل حق البيبي مع الولاده و تحوش عيونه هذا كلام دكتورتي
لازم تراجعين الدكتور يغيرلج التحاميل دام تحرج

 

[sona2003]

نفس كلام البنات وزياده انا صارن عندي التهابات في ولادتي البكريه للشهر التاسع وماراحو حتي بالعلاج وتعبو معايا الدكاتره في الخياط قالولي من الاتهابات كان صعب الخياط وضليت فتره طويله بعد الولاده تعبانه منهم فاحسن تحاولي تعالجيهم قبل الولاده

 

[~ الــــزيــــن ~]

لوكي حياتي الراس ينزل من الشهر الثامن يتهيأ للولاده بس لاتحاتين في بعضهم ينزل بالتاسع وبعضهم لي قبل الولاده كل شي بيد الله حياتي

اما الالتهابات روحي راجعي لاتسكتين خليهم ياخذون لج عينه وتقولج اذا عادي تحميله بالتاسع او لا
روحي لسكينه ممتازه بالالتهابات وعن تجربه والله

والله يشفيج من الالتهابات وتولدين بسلامه طبيعي يارب

 

[ام حمني@@]

اي صح حتى انا من اول مادخلت الثامن قالتلي الدكتورة راس الياهال تحت بس هم تو الناس معني والله قاعده احس بطلوق الله يستر عسى مااولد قبل لا ادخل شهري

 

[لهفة المشتاقه]

انا اخر مره رحت لدكتورتي قالت بالشهر السابع ينزل الراس يوسع الحوض
بنات خوفتوني يعني اذا نازل راس البيبي قربت الولاده
انا بالشهر الثامن باول اسبوع الحين وراس البييبي بالحوض
فهموني ولي سلمكم

 

[*وردة نرجيسية*]

انا اخر مره رحت لدكتورتي قالت بالشهر السابع ينزل الراس يوسع الحوض
بنات خوفتوني يعني اذا نازل راس البيبي قربت الولاده
انا بالشهر الثامن باول اسبوع الحين وراس البييبي بالحوض
فهموني ولي سلمكم

مافي خوف ان شاء الله شي طبيعي من السابع راسة تحت احمدي ربج

 

[لوكي 22]

بيور - sona - الزين - ورده ... يعطيكم العافيه حبايبي بس صج خرعتوني وانا متهاونه لي شهر يالله سترك

ام حمني ان شاءالله ماتولدين الا بشهرج

لهفه الحمدلله هذا طبيعي والله يسهل ان شاءالله

 

[يبيلك قلب مايتعب]

حبيبتي أنا قعدت لتاسع مانزل راس البيبي واخر اسبوع لي من التاسع نزل

وأختي نفس الطريقه البيبي مانزل وسبحان الله كاتبين لها عمليه بس حزة الولاده افتر ونزل راسه بالحوض وولدت طبيعي التساهيل من الله أدعي والله كريم والله يهون عليج