متى اجهز؟؟ وانا عرفت جنس المولود

[كوارين]

بلشي من الشهر السادس احسن بعدين تثقلين مالج خلق شي

 

[الحلوه الأموره]

السلام عليكم ...

أنا بلشت شريت ملابس البيبي وأغراضه بس احس للحين ناقصني أشياء وايد حق البيبي ...
وقاعده اشوفلي مكان حق كفر الاستقبال والحلويات واسجل ... والورد ... وشفت المستشفيات وغرف الاستقبال
وبعدين بزهب حق روحي حق الاربعين من الالف الى الياء ...

بصراحه شغل وايد والله يعينا

لازم تبلشين من الحين .. لأن راح تنسين وايد شغلات

وفي شغلات يعني لازم تشترينها حزة الحزة مثل البامبرز مال الياهل ويفضل ان يكون حق البشره الحساسه (لأنج ماتدرين شنو نوعية بشرة بيبيج ... ومالازم تغامرين ... والسودو كريم اخذيه بحزته يكووون يديد )

يعني رتبي أولوياتج بورقه

وااااي السوووق كله حق البنات الله يهنيج ويتمم عليج يارب وعلى كل الحمل

وعلى فكرة برنامج النفاس اخذية بآخر الثامن ... أو عالاقل زهبيه بورقه علشان سبحان الله صار ماصار تطرشين احد اييبلج الاغراض

والله يعينا يارب

 

[oum^zozo]

جنه تو الناس!!

انا برايي تجهزين بآخر الشهر السابع أول الثامن
تكونين عديتي مرحلة الخطر ويكون البيبي ثابت في بطنج

ومهنا تسوق ومنها رياضه للولاده

نفس الراي :n2006107:

 

[mrs_pilot]

انتي اسم الله عليج يمكن تقدرين تمشين بالثامن و التاسع .. بس انا خايفه اني اتعب علشان جذي متردده ما ودي انطر لما اتحرول

 

[ام زين العابدين]

حبيبتي انا الحين باخر السادس وخلصت تجهيز كل شي لي وللبيبي وما بقى الا الككاو لانه الصراحه ثقلت وصايره اتعب ابسرعه وابي بس ارتاح وانام ف نصيحه خلصي من الحين خصوصا تنزيلات وفكي نفسج قبل لا تتعبين وتتطرين اتطرشين احد يجهز لج

 

[mrs_pilot]

انا باقيلي اسبوع وادش السادس ..

 

[غزيل الفله]

السلام عليكم ،،
انا عرفت شنو فيني .. الحمدلله والله اعلم
والحين انا 19 اسبوع يعني بالشهر الخامس .. باقيلي اسبوع واخلصه
مادري متى ابدي اجهز .. وشنو اشتري اول شي ؟
مع اني بسوي استقبال .. ما ادري اجهز اغراض الاستقبال اول والا اغراضي واغراض البيبي.؟

حياتى انا اجهز من السادس حق البيى والسابع حقى والتاسع حق الاستقبال

 

[Emanova]

انا من ناحيتي احسن شيء آخر الخامس و اول السادس و مثل ما قالت ايوله لسته و انتي بالسوق تشوفين كل شيء

 

[mrs_pilot]

اي انا الحين باقيلي شوي واخلص الخامس .. وكل ما رحت السوق مادري شنو اشتري بس جذي احووس واطلع استغفر الله .. من كثر الحنننة ههههههه
بس ببدي اخذ ملابس للبيبي اول شي انشاء الله القا اللي ابيه

 

[درابيله]

جهزي من الإسبوع 22 وتوكلى على الله

 

[بنت بحرينية]

انا ماجهزت ولاشي افكر هالشهر اجهز بادش السابع

 

[mrs_pilot]

بنت بحرينيه .. بتسوين استقبال ؟

 

[om_nasser]

ابدي من الحين احسلج قبل لا تثقلين

 

[mrs_pilot]

انا اللي قاعده احاتيه .. اغراض الاستقبال .. والا غراض البيبي هينين .. لانه عندي وايد اشياء .. ملوت ولدي الاول .. اسم الله عليه .. ما استعملتهم وايد .. يدد باالكراتين ..
والسرير موجود .. بس ملابس ابي واغراض سباحه واغراض جمعيه .. وحقي ابي قمصان المستشفى وبجامات البيت..
واغلب الاغراض حق الاستقبال .. قاعدين انحوس عليهم ..

واللي متفرغ علينا صار عندنا عرس.. وقاعده ادورلي بدله حق العرس بعد

والادهى والامر انة تاريخ ولادتي .. 23/9 يعني اخر رمضان .لانه رمضان بيينه انشاء الله 22/8 .و يمكن اولد يوم العيد .. فما ودي اطلع برمضان ودي اقعد في البيت واصوم رمضان كله .. والله يقدرني انشاء الله
وعندي ولد يبي قرقيعان .. ويبي بدله حق العيد .. الله يسهل يارب ..بس الحمدلله كل شي قاعده اتذكره اكتبة بورقة على طول علشان لا انساه

 

[مغرورة بنت ابوها]

نفس الراي :n2006107:

انا بعد نفس الرأي ..احسن الانه اعرف وحدة جهز ولد وطلع بنت وحدة الله يثبت حملهاا بحملهاا الاول دخلت شهرها ثامن قالولها انه الجااهل مات والسبب انه اختنق من الحبل السري انا ماودي اخرعج بس جد تحسفت على الاغرااض وكل ماتشووفها تبجي وهي الحين حامل الله ثبت حملهااا والله يثبت حملج انتي والخواات وانا بعد معااكم بالشهر الخامس اسبوع 21 وللحين ماشريت شيء بس انا كل بنااتي اشتري من الساابع والثامن اخلص ..صج تعب بس والله منها ريااضه وترى شنو ملابس الجااهل والله كل شهر وانتي خاالصه ملابس الجاهل وملاابسج ملابس الجاهل معروفه في امااكن تروحين وكل شيء موجوود وتخلصين وملاابس حقج تلقينها في محلاات قمصاان نووم وتخلصين يعني مايحتااج من الحين تبلشين ..هذي نصيحتي لج ..وانتي على رااحتج ..واسفه على الاطااله​

 

[oum^zozo]

انا بعد نفس الرأي ..احسن الانه اعرف وحدة جهز ولد وطلع بنت وحدة الله يثبت حملهاا بحملهاا الاول دخلت شهرها ثامن قالولها انه الجااهل مات والسبب انه اختنق من الحبل السري انا ماودي اخرعج بس جد تحسفت على الاغرااض وكل ماتشووفها تبجي وهي الحين حامل الله ثبت حملهااا والله يثبت حملج انتي والخواات وانا بعد معااكم بالشهر الخامس اسبوع 21 وللحين ماشريت شيء بس انا كل بنااتي اشتري من الساابع والثامن اخلص ..صج تعب بس والله منها ريااضه وترى شنو ملابس الجااهل والله كل شهر وانتي خاالصه ملابس الجاهل وملاابسج ملابس الجاهل معروفه في امااكن تروحين وكل شيء موجوود وتخلصين وملاابس حقج تلقينها في محلاات قمصاان نووم وتخلصين يعني مايحتااج من الحين تبلشين ..هذي نصيحتي لج ..وانتي على رااحتج ..واسفه على الاطااله​

صح انا من جذي مابي اجهز امبجر اخاف يصير شي لاسمح الله و نتحبط انا و ريلي فا ليما الله يتمم على خير بالسابع اشوفه زين مناسب حتى اول الثامن
الله يتمم علينا كلنا يا رب

 

[الشيخه فطامي]

حبيبتي ما دام السوق تنزيلات بعد فرصه اخذيلج عل الاقل الجهزه الكهربائيه

 

[da7doo7y]

انا اقولج بلشي عشان لا تثقلين

 

[mrs_pilot]

انا شريت ملابس حق البيبي وشريتلي قمصان حق البيت .. وطلبت اشياء من الانترنت حق الاستقبال .. وشريت الكفر .. وباقيلي .. اشياء .. شويه بعد .. انشاء الله ما انسى شي

 

[mrs_pilot]

ناطرة اسوي سوناري الثاني .. اتطمن على البيبي ,, واكمل اغراضي