متى اجهز؟؟ وانا عرفت جنس المولود

[mrs_pilot]

السلام عليكم ،،
انا عرفت شنو فيني .. الحمدلله والله اعلم
والحين انا 19 اسبوع يعني بالشهر الخامس .. باقيلي اسبوع واخلصه
مادري متى ابدي اجهز .. وشنو اشتري اول شي ؟
مع اني بسوي استقبال .. ما ادري اجهز اغراض الاستقبال اول والا اغراضي واغراض البيبي.؟

 

[lailalaila]

لازم اتبلشين من اللحين عشان لا تسين شي اول شي بلشي حطي لسته مقسمه احتياجات البيبي و احتياجاتج و احتياجات الاستقبال و حددي 3 ايم بالاسبوع او يومين للسوق اتخلصين اشيء معينه و تشطبينها عشان تمشي معاج الميزانيه صح و بنفس الوقت ما تنسين شي

 

[أحلى عقربة]

انا اقول دام السوق كله تنزيلات لاتطوفين روحي وخلصي ...

 

[بريد لولو]

اتكلى على الله بلشى

 

[mrs_pilot]

انا بروحي متشوقه اروح من اول ما حملت .. وريلي كله يقولي توه الناس نطري ونطري .. لين برد الحماس اشوي مللني ..
الحين متردده كله احس انه مبجر .. مادري متى اجهز
وددي اشتري نفانيف .. لانه فيني بنوته .. على قولة الدكتورة حجية عنونه .. الله يحفضها يارب وتطلع على اخوها ..
بس هم اقول اخاف اشتري نفانيف ويطلع ولد

 

[شمسة 1983]

انا من رايي لي خلصتي الاسبوع 25 جهزي

 

[أم الطيب]

مثل ماقالو البنات

وتقومين بالسلاامة

 

[mrs_pilot]

خمسة وعشرين اخاف ماقدر امشي ؟ هههههههه
انا من الحين متكسرة .. ما قلتلكم .. زلقت قبل جم يوم .. بالحمام وانتو بكرامه وبسطت على الارض

 

[fatma]

حبيبتي ابتدي من الحين احسنلج

 

[أحلى عقربة]

دام انج خايفة انا اقول اشتري سرير بدون كفر واشتري حقج واغراض الجمعية والحسو والاعشاب حقج وشوفي شكثر يطولون عقبها سوي سونار بعد ...

الله يسهل عليج حبيبتي ...

 

[Coffee-Girl]

ابدي الحين لان بشهر رمضان راح تدخلين شهرج وحدج ماراح اتكونين فاظيه هذا من غير الثقل الي راح اتحسين فيه

انا نفس شهرج وبديت من امس اجهز وسويتلي جدول ان كل شهر اروح اشتري جزء من الاغراض بحيث ما اوصل السابع او الثامن الا وانا خالصه كل اغراضي وبحيث ان بشهر رمضان ارتاح واتفضى بس حق المساير وطلاعات :eh_s(6): وطبعا بالاول العباده لانه شهر فضيل

 

[ام عواشه]

حبيبتي اشتري الاشياء الاساسيه للبيبي اول و اختاريهم الوان محايده و الشهر الياي بلشي باغراض الاستقبال لانج بالسابع رابح تبدين تثقلين و اذا تأكدتي انها بنوته يبيلها اللي بخاطرج بس النفانيف تو الناس لان ياهل الاربعين كله لافينه و منخش بالسرير يعني ان شاءالله لى طلعتي من الاربعين اشتريلها نفانيف ... و الله يقومج بالسلامه :*

 

[بنت الارسنال]

جهزي من الحين استانسي انا انشاءلله الشهر اياي بجهز

 

[سحابه صيف]

بلشي من الحين احسن لج

 

[ZajiL]

انا بديت من السابع حطي قائمه بالي تحتاجينه والله يهون عليج يارب

 

[um_yoyo]

وييي انا من اعرف اني حامل ابدي اتشرى

 

[opera]

من الحين جهزي لانج بالاشهر الاخيره بتثقلين ومالج خلق شي

 

[سعودية شرقاوية]

انا مثلك حبيبتي

بالخامس بس خلصت 20 اسبوع

وتوني امس ابتديت اجهز ابتديت بملابس البيبي

وقلت بوقف هالفترة وببتدي في السرير وفراشه

وبعدين بكمل اغراض البيبي واغراضي

لاني ابي على نهاية السابع اكون مخلصة تجهيز

 

[mrs_pilot]

خلاص انشاء الله من اليوم .. راح ابدي اجهز لانه وايد منكم قالولي ابلش والصراحه .. انا مقتنعه اني اجهز .. وقاعده افكر بأغراض الاستقبال .. بروحهم يبيلهم شغل ..الله يكون بالعون ..

ههههههه قاعده وناطرة احد يدقني سلف...........

 

[Om _ Almona]

جنه تو الناس!!

انا برايي تجهزين بآخر الشهر السابع أول الثامن
تكونين عديتي مرحلة الخطر ويكون البيبي ثابت في بطنج

ومهنا تسوق ومنها رياضه للولاده