اي وسيت اقولج تاكلينه مع خبز
او عيش كيفج
واذا تبينه مع عيش وتبين العيش يكون وااااو
قصصي بصل صغاااار وحمسيه بالجدر مع الزيت طبعا
وعمسي معاه صنوبر واذا ماتبين عادي
وحمسي معاه شعريه
طبعا تحمسين البصل قبل من يصير اشقر غااامج حطي الشعريه وقصري النار
عقب تكونين غاسله العيش ومنقعته المهم
تكتين العيش فوق البصل بدون ماي وانتبهي على كلامي بدوووون ماي
وحطي عليه دارسين ناعم وشويييييييييييييييييييييييييية فلفل اسود نتفه كلش
واذا عندج نعناع مجفف حطي وانا افضل الحبق واذا ماعندج لا هذا ولا ذاك مولازم عادي
وحمسي العيش مع البصل والدارسين والفلفل الاسود ولا تنسين الملح شويه بعد وقلبييييه
لين تشوفين لونه صار بني تقريبا تكونين مجهزة الماي يمج واذا كان مغلي احسن واحسنين
وتصبينه شوي شوي على العيش لين ماتشوفين الماي غطى العيش بس غطاه مازاد عنه
شتسوين؟؟؟ عشان تعرفين ان الماي كميته مناسبه؟؟؟؟؟
تاخذين قفشه وسط ............. وحطيها بنص الجدر بشكل عامودي
اذا وقفت القفشه وماطاحت يعني الماي 100% مضبوط
واذا لا زيدي الماي شويييييي شوي لين توقف
وبجذي نكون خلصنا العيش
واذا كنتي تبين طبختج تكون وااااااو ولا يعلى عليها شتسوين؟
تروحين الجمعيه ... روحي صوب الزيوت والسمنه وهالسوالف ... تلاقين سمنه اسمها روابي
لونها ازرق ... هذي تخلي العيش صج صج صج ماينشبع منه ........... شلون نستخدمها؟؟؟؟
عقب ماتشوفين ماي العيش خلاص بدا يخلص يعني يكون العيش خالص 95%
تاخذين قفشه عوده م روابي وتمسحينها على العيش من فوق بس وسكري الغطا وحطي حديده تحت الجدر
والنار قصيره وغطي الجدر وخليه
واللي تجرب طريقتي تدعي لي ان الله يرزقني بمحمد وينترس حضني بياهل يملي علي دنيتي
وتفرح امي بأنها صارت يده
