متوهقة

[noonaa-thn]

سلام اشلونكم يا امهات ويا حوامل
ابي مساعدتكم :yaaaaaarb:
انا الحمد لله ولدت صار لي شهرين بس عندي مشكله
بنتي ولدتها خدج وطلعت بعد اسبوعين والحليب من صدري قليل جدا
بس اطلعت حاولت معها ولحد الحين قاعده احاول اني ارضعها من صدري
لحد ما قمت انظم نفسي والحمد لله مشى الحال
المشكله
برجع دوامي باجر
واحاول اشفط حليب لها بس ما يطلع شي ؟؟؟:eh_s(16):
يعني طلع شي قليل 20 مل وما يكفي
1- شنو اسوي ما خليت شي ما شربته حلب وشاي شمر وعصاير
2- هل اقدر اعطيها شاي اعشاب مال الاطفال اذا اقدر شنو نوعه او شنو الطريقه

سامحوني ادري مخربط الموضوع بس اكيد فهمتوني
ياليت تشورون علي شنو اسوي ​

 

[انوثة من حرير]

رد : متوهقة

ما فهمت قصدج تبين شي يدر الحليب عندج الحلبة وحليب الصويا وان كان على بنتج ماترضع عدل رضعيها كل ساعة لين تشتهي اختي الظنى اهم من الدوام اخذي اجازة علشان ما تحاسبين عنها

 

[أم عبود 2011]

رد : متوهقة

والله البنوته أهم من الدوام حاولي تاخذين إجازة ولو إني ما أعرف ظروفج بس الأفضل ما تداومين إلا لما تتأكدين إنها تاخذ غذاها عدل والله يعينج

 

[big heart]

نفس كلام العضوات

بس اذا تبين جاي اعشاب ميلوبا

 

[أأأميرة الورد]

رد : متوهقة

اخذي تاخير من الدوام لج ساعتين للرضاعة

 

[@ام يوسف@]

رد : متوهقة

اب للرفع

 

[noonaa-thn]

مشكورين يا بنات انا تقريبا ارضعها كل ساعه ونص ومرات كل ساعه لانه تاخذ شي بسيط
وقلبي متقطع اكيد بنتي اهم بس والله مضطره غصب عني لازم اداوم
ابي شي يزيد الحليب عشان يكون سهل اني اعطيها وبنفس الوقت اشفط لها حق اليوم الي بعده
وعلى شاي ملوبا شنو نوعه وعادي اعطيها من عمر شهرين لان وايد قالو مو زين تعطينها الحين