متهاوشين وماني عارفه شلون أراضيه !!

[»βαzεя«]

السلام عليكم بناات ,,​

,,​

الله يشهد انكم عزيزين علي واحبكمممم حدي .. وحيل حيل واثقه فيكم وباسلوبكم وحكمتكم --->> طولتيييهاااا :eh_s(4):​

المهم ادش بالموضوع على طوول --->> ما بغيتي :eh_s(4):​

,,​

الله يسلمكم يا طويلات العمر انا متهاوشه مع .. مع .. مع ..... مع ابوي هوووشه حيل حيل قويه .. واحنا الاثنين غلطانين ..​

عموما صارلي من شهر 3 اللي طاف (( بيصيرلي سنه بعد شهر وشوي :eh_s(16)) ,,​

وكل ما ابي اتراضه معاه وانوي شي يردني .. وحييييل حيييل تعبانه من هالموضوع بس اكابر جدام الكل !!!​

,,​

بنات ابي طريقه بلييييييييييز اتراضه معاه بدون ما انحط بموقف بايخ او ابطها بجيه !! ​

طريقه تحفظلي كرامتي (( مشكلتي كرامتي !!! :eh_s(6): اللي موديتني بداهيه ))​

ودعواتكم .. والله يخليكم لي :eh_s(17):​

 

[Tom ♥ Jerry]

,


وعليكم السلآم و رحمه الله و بركآته .!


انا اقول لا تخلين الشيطآن يلعب بـ مخج آكثر !
كرآمه مآ كرامه :| الكرآمه مع الكل بس مو مع أمج و ابوج
لو ينومونج بـ طراق و يقعدونج بـ طراق لآزم تبوسين رآسهم و تحترمينهم و تبرينهم !

واي شلون لج قلب مآ تكلمين آبوج سنه كآمله و الله حرآم عليج !
روحي تسامحي منه .. غيرج يتمنى أبوه يكون موجود وياه عشان يبوس رآسه و يتسآمح منه
تعوذي من ابليس و روحي تسامحي منه .. حتى لو آهوة الغلطآن !

آنتي بنته و انتي الصغيره و آنتي الي تتسامحين و تتنآزلين مو العكس .!
و خلي هالتفكير الغلط عنج

 

[روح مغليهاM]

حبوووبه روحي راااضي ابوك وبوسي راسه
شنو كرااامه ماكرااامه
هذا ابووووك
تعرفين شنو يعني ابوووك؟؟
قال سبحانه وتعالى(وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا)


تعوذي من الشيطااان وراااضيه
الله يهديك ويسخره لك

 

[»βαzεя«]

والله ادري ان مع الابو والام مافي شي اسمه كرامه .. بس هذا اللي صار .. فيدوني علموني شلووون ابدي .. كل ما اخطي خطوة ارد 10 خطوااات !!

 

[قطريه من عسل]

((أأبــوج ..))

حبيبتي لازم تحاولين ب اي طريقـه مثلا اكتبي له ف ورقه واعتذري له اذا انتي لهل درجه تشوفين كرامتج ما تسمح بس بقولج يا قلبي الا الابو والام مالج حد غيرهم مادري شلون صبرتي كل هل مده مافيها شي لو اعتذررتي له حتى لو هو الغلطان لان مهما كان هذا ابو وما بيشوفج من باب كرامه ما كرامه .. الا بتكبرين بعينه بيقول اكي جات بنتي واعتذرت مني وبيرحب فيج .. واللي بيساعد مثل ما اتقولين ان انتو الاثنين غلطانين .. تووكلـي على الله وشلي سالفـه الكرامـه خلج قويـه للحظه وشوفي شلون بتكون رده فعله .. ممكن يعاتب بالبدايه بس اذا عاتب دليل على انه بقلبه رحمه دليل عى انه يحبج لانه عاتبج .. الله يصلح بينكم ياررب ..ونصيحـه اعتذري لا تتنظرين اي شي قوي قلبج ..ومرر ع السالفه شهور وايام اكيد برررد من داخله ابدي انتي لانج انتي بنته .. والله يخليه لج اررب ..​

 

[دلوعة صلوح]

حبيبتى مافى شئ اسمة كرامة بين الابو وبنتة هذا ابوج وحتن لو اهو الغلطان المفروض

ماتزعلين على والله وايد سنة حرام والله حرام ترا الدنيا تسوا وهذا ابوج مو رفيجتج.

 

[Tulips]

اي كرامه هذي اللي مجلبه فيها جدام ابوج

!!!!

تبيني اخرعج ؟؟

بشنو راح اتفيدج ( كرامتج ) اذا ـ الله لا يقوله ان شالله وبعد عمر طويل يارب ـ اذا قعدتي الصبح ولقيتي ابوج الله خذا امانته واهو مو راضي عليج ؟؟

حزتها راح اتعيشين عمرج كله بدموع و ندم

روحي طيحي على راس ابوج وتسامحي منه وبوسي ايده و ريوله بعد ..

اسمحيلي بس صج نرفزتيني على سالفة كرامتج وانتي مزاعله ابوج جريب السنه !!

ترا هذا عقوق !!

الله يهديج غصبا عليج !!

 

[* Snow White *]

الله يهديج، كل واحد مايحب ينزل نفسه صح بس مو مع الوالدين =/
روحي كسري الشر وبوسي راسه وسولفي وضحكي وياه امبيه عفيه قلب سنه ماتحاجينه الله يهديج
ماقصرو البنات، اختي لازم تبادرين انتي .. لج حسنات وابوج بيستانس عليج .. لازم تتاسفين وتبادرين وتبوسين راسه

 

[*السكب*]

يقول عليه الصلاة والسلام وهو حديث صحيح، يقول: (كل الذنوب يؤخر الله منها ما شاء إلى يوم القيامة إلا عقوق الوالدين فإنه يعجل لصاحبه). ...... يعني العاق ياخذ جزاه بالدنيا غير اللي ينتظرة بالاخرة ادعي بالثلث الاخير من الليل ان الله ييسر لك وتنتهي المشكلة باسرع وقت ترى انت الخسرانة ومافية احد يحبك كثر امك وابوك واكيد هو مشتاق لك ولسوالفك حتى لو مابين .. الله يفرجها عليك اللهم آمين :yaaaaaarb:​

 

[q8dvd2000]

من شهر 3 اللي فااااااات ما كلمتي ابوووج ؟ الله يهداااااج بس

مر علينا شهر رمضان وعيد الفطر وعيد الاضحى وراس السنه الهجريه والميلاديه وكل هالمناااااسبات وما فكرتي تكلمين ابوووج والا تعايدينه ؟؟؟؟؟؟؟؟؟؟؟؟؟؟؟


غلطانه يا قلبي
روحي وبوووسي راسه وابجي جداااامه يمكن يسامحج الله يهداج بس والله انصدمت شلون قلبج طاوعج

مادري يتراوالي لو زوجج جان ما صبرتي شهر بدون لا تراضينه

 

[DaLoo3t BaBaTii]

،




كرآمةة بينج و بين آبوج !!!؟؟؟


(( و اخفض لهما جناح الذل من الرحمة و قل رب ارحمهما كما ربياني صغيرا ))


حتى آلله سبحآنه بـ كتآبه قآل آخفض لهمآ جنآح آلذل ، و انتي تقولين كرآمتي !!!!!!!!


حبيبتي وين تبين آلله يوفقج و آبوج مو رآضي عليج !!


لو بعد عمر طويل ، يتوفى .. تبينه يتوفى و اهو مو رآضي عليج !؟ حزتهآ لآ كرآمتج و لآ غيرهآ آللي بـ تنفعج ..


رآضيه و بوسي ريوله ، قبل لآ تندمين ..


و آلله يهديج ..

 

[..<< ندى الورد >>..]

كرامتج تمنعج تتسامحين من ابووج !!!!

شنو هالقلب اللي عليج والله لو انتي متزوجه اسبوع الا وانتي رايحه ومستسمحه من زوجج

هذا ابوج جنتج ونارج محد نافعج الا اهوو

وشنو هالسالفه اللي خلتج سنه ماتكلمين ابوج !!

ترا الابوو جدام عياله يبين القوه بس من داخله مكسور لان ضنااه اللي من صلبه ناتكلمه ولا حتى شلونك يبااا

حبيبتي تراج تاكلين من خيره تراج تنامين من بيته من اللي جمع الفلس فوق الفلس عشان يعزكم فيه ويحفظكم من الحاجه تراج تلبسين من عرق جبينه

ي قووو قلبج ابووج ماتكلمينه !!!


حبووبه دخلي على ابوج الدتر وبوسي راسه وايده واعتذري منه يمكن راح يصد عنج وبيزفج بس من داخله ميت من الفرحه


تخيلي تقومين من النوم لاسمح الله ماتلقينه عايش شنو راح تسوين .!!؟

 

[عاشقة الاسلام]

صدقيني اختي انا اتمني ان ابوي عايش عشان اشوفه واحضنه وابوسه وما اتركه ابد ماتتصورين اشكثر مشتاقه لابوي لان صدقيني مافي احد يعوض مكان الاب لاراح
والله يطول بعمر ابوج حبيبتي
بس لا تزعلين منيا شنوا قلبج اللي انتي مزعل ابوج كل هالمده خافي ربج والله ماتلقين احد يخاف عليج ويحبج كثر ابوج
طيحي بحظنه وابجي وقولي يبي سامحني انا اسفه اني زعلتك طول هالفتره مافي كرامه بين البنت وبوها لا تخلين بليس يلعب فيج حبيبتي
قومي الحين وروحي راكض لابوج وتأاسفي منه وخليه يسامحج
واتمني من الله يصلح بينج وبين ابوج ويطول بعمره ويخليه لج ويهديج
اللهم امين

 

[سحـورة]

شدخل الكرامه بعلاقاتج مع أهلج !
مفهوم الكرامه عندكم مخلوط ومعتفس وكل شي كرامه !!
إختي أهم شيء نية الصلح و إرضاء الوالد ،
هذا ابوج فوق كل شي ... كان علطوول راضيتيه وإستسمحتي منه ،
ع العموم إكتبيله مسج طويل و دعاء ومشاعر ، و إتأسفيله بطريقه جميله
و ثاني شي ... ماعرفت انتي متزوجه ؟ ولا لازلتي ف بيت ابوج ؟
ع العموم روحيله وبوسيه فوق راسه .. لا تتكلفين بالأسف
وربي يجمعكم على خير وهدى وصلح دائم يارب العالمين

 

[تعبوك يا قلبي]

السلام عليكم ورحمة الله وبركاتة ...


أنتي تحسين بشعور يردج عن أنج تراضين أبوج وتعتقدين أنها الكرامة ... هذي الشعور بالأحراج خصوصاً أن فترة الزعل طولت سنه
وانتي موعارفة منين تبتدين وتراضينه ....

أول شي حاولي أتمهدين الطريق للصلح بالاستعانه بالوالدة أو أخوج الكبير أو أختج الكبيرة ..وأنا متأكدة أنه ناطر تجين وتراضينه
وتلقينه دايم يفكر فيج وينطرج .. ثاني شي أكتبي له بورقة وخلي امج اتوصلها له بعدها أدخلي عليه وحبي راسه وتسامحي منه
صدقيني ماراح يردج ..والله يوفقج

 

[! هُوْ وِينِه !]

روحي له وآبجي لآ تقولين كرآمة
هذآ آبوج
آنتي نفس طبعي قبل كنت نفسج إذآ زعلت من آبوي مآ آرضى عليه ليمى يجي ويتآسف لي وهذآ طبع خآيس :eh_s(4):

 

[سفيره الكويت]

اخلصج اذا ابوج كان مو زين ويسبب لج مشاكل خلي علاقتج معاه رسميه هلا يبا شلونك ناقصك شي وبس لا تطولينها معاه سالي مجرب

ولا تسالين طبيب والله كريم

 

[a7la_7b]

اي كرامه هذي اللي مجلبه فيها جدام ابوج

!!!!

تبيني اخرعج ؟؟

بشنو راح اتفيدج ( كرامتج ) اذا ـ الله لا يقوله ان شالله وبعد عمر طويل يارب ـ اذا قعدتي الصبح ولقيتي ابوج الله خذا امانته واهو مو راضي عليج ؟؟

حزتها راح اتعيشين عمرج كله بدموع و ندم

روحي طيحي على راس ابوج وتسامحي منه وبوسي ايده و ريوله بعد ..

اسمحيلي بس صج نرفزتيني على سالفة كرامتج وانتي مزاعله ابوج جريب السنه !!

ترا هذا عقوق !!

الله يهديج غصبا عليج !!

معاهااااااااااا :eh_s(4):

 

[قمر كويتي]

شوفي حبيبتي كل ما طالت الفتره صارت عليج صعبه لان الشيطان يزين لج ويقولج ان صعبه تكلمينه:eh_s(14): بس ترى الاصعب والاصعب الى انتي قاعده تسوينه هذا ابوج حرام والله انا تذكرت ابوي الله يرحمه:eh_s(16): والله لو يرجع ما ازعله ب ولا كلمه دام الله عطاج فرصه غيرج ماخذاها شدي على نفسج وروحي بوسي راسه حتى لو تموتين جدامه من البجي هذا ابو تعرفين شنو يعني ابوووووووو
انا مابي اقولج هذا حرام والله ماراح يوفقج بس انتي الحين تبين حل
صدقيني مافي شي اسمه كرامه بين الابو وعياله روحي اليوم بوسي راسه حبيبتي روحي وابجي جدامه وقوليله انا متحسفه على كل يوم وكل ساعه وكل دقيقه ماكلمتك فيها وماناديتج فيها وقتلك يايبه:eh_s(7)::nbvppw:
والله يسهل عليج ويحنن قلبج على اهلج ويحنن قلبهم عليج وبشرينا شنو يصير معاج اليوم اليوم اليوم اليوم :yaaaaaarb:

 

[فاقده حنان ابوه]

وعليكم السلام حبوبه

من صجج تتكابرين علي ابوج هذا ابوج شكو كرامه ماكرامه خلي عنج هالسوالف وروحي تاسفي منه وطيحي علي راسه ياربي شلون تغمض عيونج الليل وابوج زعلان منج وربي دنيا غريبه

اخ الله يرحمك يايبه اتمني بس اني اشوفه والمه واقعد بحظنه وانتي ما تحاجينه الله يهديج بس