متــــــــــــى نشــــــعر بالابداع الانشـــــــــــــادي ؟

[حمامة سلام]

السلام عليكم والرحمه

اشلونكم عزيزاتي ..

لكل المهتمات بالانشاد الاسلامي

سؤال أوجهه لكم ...

هل تشعرون بأن النشيد الاسلامي في تطور ؟

هل تجدون الابداع في الملاحم والمهرجانت الانشاديه ؟

هل إذا حضرتوا مهرجان انشادي تجدون التجديد والفائدة للحضور ؟

ياليت تجاوبوني لأني فعلاً يأرقني هالموضوع

بارك الله فيكم .​

 

[طماشه]

هلا حبيبتي سؤالج وايد حلوو

بالنسبه لي أشوف في تطور كبير في مجال الإنشاد وهالتطور فيه الزين وفيه الشين

يعني بالنسبه للكلماات والالحان اشوفها توب
لكن بالنسبه لأناشيد الايقاع احسها كلش مالها داعي

يعني الناس تبي تسمع اناشيد عشانها هاديه وحلال وماتحس بالذنب
لكن الحين الايقاع صار جنه أغنيه ومافي فرق بينهم إلا انه الاغاني كلماتها مبتذله وحرام والأناشيد كلماتها راقيه ومؤثره

 

[حمامة سلام]

تسلمين عزيزتي

ولكن هل حضرتي مهرجانات انشاديه ؟

شفتي الايقاع اللي يتخيل له الواحد في حفله موسيقيه ؟

هل حضرتي المهرجانات الخاص بالفتيات ؟

اشرايج فيها ؟؟

وشكرا عزيزتي على حضورج الاول في موضوع

وتسلمين يالغاليه

 

[حبيبة أهلها]

انا مدمنة اناشيد والاناشيد تطورت تطور رهيب من جميع النواحي الكلمات والاصوات والموضوعات صارت اوسع من قبل كانت عن الام وا لاب دايم بس الحين غيررررررر الام والاب والاخت وعن الحزن والفرح والهموم والمشاكل اللي ممكن نواجها صارت تواكب التطور والزمن اللي احنا فية وصرت مااستغني عنها ابدا وابرك من الاغاني الفاسدة اعوذ بالله اللي مامنها فايدة

 

[طماشه]

هلا حمامتنا

عمري مارحت مهرجان إنشادي لانه على قولتج جنه حفله موسيقيه للأسف والله

بس أشوف تغطيتها الي تصير بالتلفزيون صج صج شئ يضيق الخلق ميعوا الدين على كيفهم وخلوا الحراام حلال

لاحول ولا قوة إلا بالله

وأنا مأسمع أناشيد بإيقاع لانها حراااااااااام

وولاعمري رحت حق مهرجانات خاصه للفتيات

 

[حمامة سلام]

تسلمون عالرد

يزاكم الله خير يالغاليات

بانتظار تفاعل باجي البنات

 

[أفوكادو]

انا بصراحة شديدة
احرص اني اسمع اناشيد |||| بدون ايقاع ||||
بس حتى اللي مكتوب عليها بدون ايقاع القى فيها اصوات خلفية تلحين موسيقي
بس اقول يمكن اهات بشرية على قولتهم ..واسمع الاناشيد واحرص على الكلمات واتجاهل الاهات ..بس احرص كل الحرص ان لا يكوووون في اي ايقاع والباجي بذمتهم
والاناشيد في تطور مستمر ..بس الاناشيد القديمة احس فيها رجووووله والان المنشدين يتميعوووون ( شوي)
الجيل كله مايع ....من كثر ما ياكلون وجبات سريعه