متضايقه

[مارياq8]

الله يرزقج ...~

 

[تُخْفِي غَلَاها]

الله يرزقج بذريه الصالحه عجل غير اجل حبيبتي
ان شالله يفيدونج البنات اكثر

تُخْفِي غَلَاها

​

 

[سكوتي بذوقي]

الوضع الطبيعي

بعد سنه تشوفين الأسباب

استانسي ألحين

وإن شاء الله ربي يرزقنا ويرزقك بالذريه الصالحه

 

[صادقة بكلمتي]

لا تحزن اذا منع الله عنك شيئا تحبهً............... فلو علمتم كيف يدبر الرب اموركم لذابت قلوبكم من محبت..........والله يرزقك الذريه الصالحه

الله يرزقج الخير والولد الصالح المعافى عاجلا غير اجلااااااااااااااا الهم امين

 

[sha!o0oma]

مشكورين على دعواتكم والله يسمع منكم

 

[حور ولا بالبحور]

شيلي السالفه من بالج و أخذي بالأسباب و هذا الشي مو بإيدج بإيد ربج

وطول ما أنتي تفكرين ماراح تحملين تركيها على الله

شربي أشياء حاره أثناء الدوره مثل زنجبيل أو دارسين أو زعتر أشياء حاميه يعني

و أخذي بعض الأدويه الي تنظف و أخذي عشبة مريم او كف مريم من عند العطار تفوحينها و تشربينها

هذا حق الي ما احملت تحمل بإذن الله و حق الي تأخرت بالولاده يحمي الطلق عندها

وحبوب القاح في أرض الطبيعه و متوفره ببعض الجمعيات و شفته بستي سنتر طحنيه و حطيه بعسل و أخذيه بوقته يقوي التبويض

و جذي إذا طبقتي و نظفتي الرحم قويتي التبويض و أشتغلي على ريلج ياكل مكسرات و عسل أسود و طلع النخيل أكلي انتي وياه

يمكن يكون فيه ضعف يكون جذي عالجتي نفسج و عالجتيه تكونين ماخذه بالأسباب

و عليج بكثرة الإستغفار فيها بركة عجيبه شوفي بركة الإستغفار (( قل أستغفروا ربكم أنه كان غفارا يرسل السماء عليكم مدرارا و يرزقكم بأموال و بنين و يجعل لكم جنات و أنهارا مالكم لا ترجون لله وقارا ولقد خلقكم أطوارا ))

و أقرأي سورة البقرة و حطي ماي وملح أقرأي فيه المعوذات 3 مرات و حطيه بخاخ مال العطور ورشي دار مدار بيتج برا وداخل

خصوص الزوايه و مداخل البيت ودرايش

جذي تكونين محصنه نفسج و باذله الأسباب و صرفي أمرج كله لله إذا سألتي فسألي الله وهو يعطيج

و أحيانا المرأه فيها قرحه حتى لو بسيطه تمنع الحمل

المسأله يبيلها صبر بعددددددين لحقي على عمرج توج عروس دليله 24 ساعه استانسي و اذا ياب طاري قوليله لاحقين على الشجه

بيون العيال و بنندقر عيشي يومج دقيقه بدقيقه و لا ضيعين ثانيه من عمرج و لا تولولين تنكدين على نفسج و على غيرج و الي يحاجيج

قولي انا حملت من قبل بكل ثقه

و الله يرزقج الذريه الصالحه

 

[أعشقه]

لاتفكرين وخلي كل شي ع ربك
او روحي فحصي اذا انتي سليمه خلاص .. مابعد ربك يكتب لك ..
كل شي له ويوم وله وقت .. خلي ثقتك بربك كبيره

 

[hooryah q8]

شي طبيعي الي يصير لج
وان شاءالله اتحملين واذا شاكه ابشي روحي دكتورة نساء وولادة وجيكي على نفسج
وان شاءالله مافيج الال العافية

 

[sha!o0oma]

مشكورين حبايب قلبي

يعني عادي يصير تاخير جم شهر ويكون طبيعي مو معناتها فينا شي ؟؟