متضايقه بنات :( !!

[تآعِبنْ قَلْبِيْ]

يقهرووون

بس إنتي لآتهتمين وطنشي

آللي يطآلع هالأشكال بيتعب ..

 

[قوتشـي]

دام سألتي ليش البنات يخزون المتزوج او يبون المتزوج عكس العزوبي

لان المتزوج يخاف على سمعته اكثر منها .. فهي ترتاح للمتزوج لانه بيستر عليها وما يفضحها

وللاسف هالنوع من البنات مو متربيات و خرابات بيوت .. الله يكافينا شرهم

وموجودين بكثره

يعني فيج فيج هالخز والتبحلق اذا طلعتي مع رجلج ..

ماكو حل الا تطلعين مع اهلج ولا بروحج ...

وانا لو مكانج ... ما افرط بطلعاتي معاه واللي يصير يصير ... اهم شي اعوده على الروحه والجيه معاي

وبكرا يتعود ع التطنيش لو خليته ورحت قضيت حاجتي بنفسي


والله يسد عيون هـ الملاقيف اللي يخزون ريلج ^_^

 

[ام الدرر]

حياتي خلي طلعاتج للتسوق بنص الاسبوع
واذا قدرتي الصبابيح يكون افضل
هالوقت محد له شغل باحد نادر تحصلين هالنماين
طبقيها بترتاحين ​

 

[لـك وحـشـه~~~]

امبيه ماكو حيا

تبين تفتكين من هالاشكال طلعي الصبـح وبنص الاسبوع ... اريح والله


تفتكين من قلة الادب هذي

 

[جذابه بنت ذيابه]

نفس الحاله .. لدرجة صرت اكرهه الطلعه مع زوجي ..
يغثون وربي


الله يعينا على هالاشكال ,,

 

[أسيرة بدران]

آول شي ماراح آخذ بنصيحتج انه مانتزوج مزيون أهم شي عندي الجمال وبالنسبه للبنات الي يموتون ع المتزوج ويطالعونه لاشافو مرته معاه هذيله مريضات وحابين ينرفزونج طنشيهم جنج ماتشوفين والله آنا لما أشوف ريال مع مرته وعياله يغازلني ويتبوسم أحقره وأخلي المكان الي موجود في بعض الرياييل عيونهم زايغه مايحترم أهله الي وياه ان شاء الله تختفي ظاهرة الخز

 

[آنا من دونك أندمر]

حبيبتي الحين مو بس الحريم اللي بالسوقه..

الحين اللي منج وفيج يطالع زوجج.. مالج غير الدعاء والصبر

 

[ضماي هو وهناي]

مشكله ..........مو شرط النقاب مرات يعطيج انطباع غير وبعيد عن الصج ومرات لا والله في وخاصه اللي يلبسون عبي ضيجه والراس تقولين حلاوه مصاص واغلب الاحيان مو منقبات جذي ....
المصيبه هالاشكال عمو حتى علينا وانا مرات ارفع راسي اطالع شغله بالصدفه يطلع بويهي ريال...... الا تشوفين وحده تخزج وهي خايفه على ريلها ..وبقلبي اقول الله يهنيكم ان شالله كل وحده غالي عليها ريلها
بس خلي عندج شويه ثقه بنفسج وختولي هي واللي مثلها ...... اشعليج تخربين وقتج ووناستج عشان ام عيون مبققه على الجمال او على اي كان درجه جمال ريلج ...............الاهم من هذا كله ديري بالج يحس فيها ... او يحس بمثل هالشي بيوم ومنج ........

 

[حبك ذبحني]

واااااااي الله يعينج ادري هالحركه حدها خايسه وصارتلي انا اي وحده تخز ريلي اخزها خزه اطيح حظها واللي يسوون جذي مو محترمه

 

[om.fhody]

حبيبتي قولي اللهم اني استودعنك بصر وسمع ولسان وفرج زوجي من الزنا او من الحرام او من سوء العمل

اللهم صد اعين النسء عن زوجي

وجذي حبوبه مالج الدعاء وانج تستودعين ربج زوجج

وبس لاااااااااااااااااااااتحاتين كلش

الي عند ربج مايضيع ولا ينخاف عليه

 

[YA B3DHUM]

والله انا توني عنونه
بس استحي حدي اشوف ريل وحده حتى لو اينن
احس اني مو متربيه بس حبيبتي هذول هيلق شتريين منهم !

 

[نفهمها صح]

استغفرالله
صاروو البنات اشحف من رجاجييل
احسن شي ولا كانج تشفينها

 

[ام بوحنة]

طاف من قلب احر عمري على شنو بالطقاق فيهم

سوي حركة اطفرهم وبس طنشي

بس صج الله يعين اللي تاخذ واحد جميل

مرة شفت وحدة مع ريلها اهي جميلة بس جمال ريلها مو طبيعي مغطي عليها
والمشكله كان جدامي بالمطعم كل مارفعت راسي قلت ماشاء الله ونزلته

لا تاخذون جميل وفكو نفسكم

 

[Al lolo]

قطيعه تقطع هالنوعيه يا كثرهم يصير الرجال غالي اذا معاه مرته
الله يعينج

 

[دلع العتبان]

الله يمسح على قلبج

 

[أو عبوش]

سبحان الله

نفس الحاله

بس الفرق.......

والتطور اللي صار فيني.. غير عنج....



ان قمنا نكره بعض بشكل موطبيعي.........

كل منا يدور الزله على الثاني...

عشان جذي اشتريت راحه راسي..... وماقمت اطلع معاه اساسا..



والله كريم

 

[*ريما*]

شدعوة محد عندة رجل جميل غيرك
وش ذا الغيرة الزايدة في الحريم
حبوبة اذا زوجك يبي يطالع بيطالع غصب عنك
واذا محترم ماراح يطالع حد

 

[Ms. hypnotic]

مشكوريييين يااغلا منتدى ولله انكم خففتو عني بكلامكم الي يبرد الجبد

من اليوم ورايح باخذ سياسة التطنييييييش والي فيها فيها


ام عبووش الله يصلحكم ويوفقج مع ريلج

ريما حبيبتي انتي بالسعوديه ماعندكم هالنمونه من البنات كثر الكويت فعشان جذي منتي حاسه بالاحساس الي انا وغيري من البنات عايشينه

تخيلي البنات ينغزون بعض ويقولون شووفي زوجها ولا يقربون صوبه ويتبوسمون شنو بتحسين فيه ؟؟؟ لو انج جماد بتتحركين وبتفورين

استغفر الله البنات قام يلحقون الشباب الله يكافينا الشر

 

[Ms. hypnotic]

مشكوريييين يااغلا منتدى ولله انكم خففتو عني بكلامكم الي يبرد الجبد

من اليوم ورايح باخذ سياسة التطنييييييش والي فيها فيها


ام عبووش الله يصلحكم ويوفقج مع ريلج

ريما حبيبتي انتي بالسعوديه ماعندكم هالنمونه من البنات كثر الكويت فعشان جذي منتي حاسه بالاحساس الي انا وغيري من البنات عايشينه

تخيلي البنات ينغزون بعض ويقولون شووفي زوجها ولا يقربون صوبه ويتبوسمون شنو بتحسين فيه ؟؟؟ لو انج جماد بتتحركين وبتفورين

استغفر الله البنات قام يلحقون الشباب الله يكافينا الشر

 

[miss_jamsheer]

عااااادي بس الظاهر انتي توج متزوجه ليلحين ماشفتي شي مع الايام بيصير معاج عادي امبيه ترا صج موتهيألج لانه ريلي نفس الحاله ملاحظ حتى رفيجه لما تزوج لوووووول يقوله الحين البنات عندهم انت توم كروز اهم يلحقونك مو انت تلحقهم خخخخ في بنات بس يبون يحرون المره اللي معاه الله يهديهم وعلى نياتكم ترزقون