متضايقه بنات :( !!

[Ms. hypnotic]

السلام عليكم شلونكم بنات

بدش بالموضوع على طوول

بنات الحمدالله رب العالمين ولاتعتبرونه غرور ولله قاعده اقولكم الصج عشان ماتفكير تفكير ثاني


الحمدالله انا معروفه بالعايله بكشختي وجمالي من قبل لااتزوج وهم بعد ماتزوجت اهل ريلي يضربون المثل فيني الحمدالله

وريلي الحمدالله موقاصره شي ومزيون << هالزين ينني بنات ولله :'( يالعزابيات لاتاخذون مزايين نصيييييحه

انا ماالبس عبايه بس الحمدالله لبسي ساتر وماالبس ضيق
لما اطلع معاه ولله يابناا اكره روحي مع ان عندي ثقه عاليه بنفسي وبزوجي
بس عيون الناس ماترحم


خصوصا البنات


تكفون بسالكم هذي مووضه صايره ان يخزخزون الريال المتزوج ؟؟؟

بقولكم سالفه

مره رايحين الافنيوز اشتري هديه لحماتي وبيبيها توها والده

دشيت بوتيك ch ولا في هيلق استغفر الله اول مادشينا ولا ووحده كانت ماسكه جنطه تنحت بريلي بشكل ولله لو اوصفه لكم بتنصدمون

اهي منقبه وياحلو المنقبات ولله احبهم بس هذي الله يهديها

احس من عيونها انها من تحت النقاب امبطله حلجها لاتقولون شدراج انا حسيت من عيونها شنو امبققه

انا انصدمت ريلي المسكين ماسك سكارف يقولي شرايج بهذا واهو مادرا عن طوايفها ييت جدامها وخزيتها خزه محترمه وبعدها جنها اخترعت وكلمت اختها

قالي شفيج قتله مشينا ماعجبني شي وانا ماصارلي خمس دقايق دااشه


بنات هذا نموذج نتفه من الي قاع يصيرلي

انا الحمدالله واثقه من نفسي ودايما احصن زوجي قبل لانطلع

بس شي يضيق الخلق وينرفز لي متى يعني

وانا بس الي اقدر اسويه اخزهم وامشي استحي ارفع صوتي

شورو علي يعني مااطلع مع ريلي حالي حال الناس ولا شلون ؟؟

لاتقولون طوفي ياكثر ماطوفت بس احس بحرقه بقلبي

ناطرتكم بنات

والله يجازييكم خير الي بتردون علي


*

 

[ميمي..]

يمكن يتهيألك
بعدين شعليك مدام واثقه بزوجك تبين الناس تغمي عيونها برباط عشان ترتاحين ولا شنو
ادري في بنات يخزون المتزوج بالذات بس بعد في متزوجات على بالهم محد عنده رجال الا هم

 

[Ms. hypnotic]

حبيبتي مافهمتيني

ومشكوووووره على الرد ياقلبي

 

[الأميرة الحزينة]

انا نفس حالتج .. بس صرت اطنش اذا مصخوها اخزهم باحتقار وبس ,, تخيلي مرة وحده شسوت ؟؟ حطت عينها على ريلي من دشينا المطعم تطالعه وتضحك طوفتها شوي مرت من يمنا ودعمت جتف ريلي حييل بأيدها وتطالعه وتضحك يعني ترا متعمده ادعمك مو بالغلط والله مادري شلون سكتت عنها :rgewrg: يمكن لأن ريلي عطاها ظهرة وصار يوكلني شوي امتص غضبي بس صجج انقهرت يومها .. والله بعض البنات صايرين مينن :eh_s(14):

 

[Ms. hypnotic]

الاميره الحزينه حياتي مشكوووووره عالرد


يمااااا اعوووذ بالله شهالبنات استغفر الله

 

[الله كرريم]

لاتهتمين لهالاشكال ولا يضيق خلقج عششانهم دامج واثقه بنفسج وبزووجج , موبس انتي اللي يصير معاج جذي الاغلبيه ,, وبعدين انتي مو بالكويت اذا محد خزج ههههههههه .... اي ابييج تضحكيين

 

[Ms. hypnotic]

بعد روووحي الله كريم ريحتيني

الظاهر هذا الي بيفيد معاهم التطنيييش

 

[تعبت اداري...~]

الله يهدي هذي الفئه....!
وياعمري لاتحرين نفسج قولي بس حسبي الله ونعم الوكيل

 

[<ام تركي>]

سبحان الله بنات هالوقت ما يستحون يخززززون لين الرجال يتفشل ويعرق
على ايامنا ما كنا نحط عينا بعين رجال والله من الخوف والحيا إلي فينا بس الحين اشكرا عيني عينك
لا وتشهق بعد ان شافت واحد مزيزن
بس انتي لا تحرين عمرج وتضايقين مو حاصلهم امشي بثقه ولا تديرين لهم بال باللعنه اهم شي الزين كله لج ههههه
الله يخليكم لبعض وزوجج ما يشوف غيرج قولي امين

 

[Queenleo]

من زماان كنت طالعه مع اخوووي
وكنا نتغدى جان تمر يمنا ووحده طاحت فيه خزز
وحده طااف
شووي جان تمر مع رفيجتها ونفس الشيء طاححوا فيه خزز
انا قهرتني الحركه
يعني شتبين مناديه رفيجتج وومارخ صووبنا
جان اقوولها تعالي قعدي بحضنه بعد
وتعطيييج ذيج الضحكه اعووذ بالله
جان اتقوول اشتبي هذه طبعا كسررري ذييي
اشتبي هذييي عمى بعييينها
لووول في اشكال مصخره طنشي لاتلقينهم ويهه

 

[توام قلبه]

بصرااااحه انا انقد على المره اللي تطالع الرجال لجماله
اشدعوه الجمال مو كل شي وعمره ماعمر بيوت يااامااا
حريم تطلقو من مزاااييين
الحمدالله والشكر طنشي هاذي ناس مريضه
ولاتحريين قلبج​

 

[Ms. hypnotic]

ام تركي ياحياتي ولله
اامين اجمعين يارب تسلمين ياقلبي على هالدعوه الحلوه ولج بالمثل يارب

كوينليو قليلة ادب ولله ماتستحي
ماينفع معاهم شي هذوول

 

[كويتية نايس]

الله يهديهم لاحيا ولا مستحا :eh_s(14):بس (طنش تعش تنتعش)خلي هل مقوله سياستج لووووووول
شنسوي معاهم قطع موشايفين خير بس انتي طنشيهم واهم شيء زوجج معطيهم طاف:rerrerek:

 

[غارقة بأحزانها]

وي ياعسى ربي
يحرق قلب كل قليلة ادب ضيقت خلق وحدة مستانسه مع ريلها ونكدت عليها
يارب تدور الدنيا وتشرب من نفس الكاس واكثر
عشان تندم وتحس باللي كانت تسويه​

 

[ملواكي]

طنشي ولا تحسسين زوجج بشي احسن لج وله

 

[المرتاحة]

وي اذا انتي من النوع اللي يحتر عيل لا اطلعين

والله الدنيا الحين كلها تخز ليش اوقف حياتي علشان هاللي يخزون

يا معوده عيشي حياتج و طنشي اهي اقصاها خزه لا راحت ولا يت

 

[بدووورة]

ويه ياقلبي

في بنات غرامهم الريال الي متزوج لو يمشي بروحه ماطالعته

رفجتي تقول ريلي سحت وانا شايفته صج مو حلو

وتقول من امشي معاه البنات يخزونه

الله يهديهم

 

[malte]

ويييع هيلق
قطع شسالفة الخز هاليومين !!
لا تحاتين هذيلا ماعندهم عقب الخز شي كله تخزززز تخز أنزين وبعدين......
ولاشي
أنتي لاتحطين بالج لهم طوفي ومبين انج تارسه عين ريلج وهذا أهم شي
الله يوفقج حبيبتي

 

[Tejan]

عاااااااااااادي انا زوجي جيكر و يخزونه خخخخخخخ

والله يقولي ما يخزوني الا اذا طالع معاج بروحي محد يلتف صوبي !!

 

[Tom ♥ Jerry]

.


وييييييييييع يا كثر بنات الشوارع الي مآ همهم الا الخز بالرياييل !
واي شلون تخزين ريال ؟! وين حيآئج ! @

حياتي لاتهتمين طوفي !