متضايقة ومغتربه

[بنت^كآليفورنيآ]

دلوعة حبيبي رحت بقالة عربيه وحده
مع ان بولايتي 4 بقالات عربية


بس من كثر متحبطت مارحت للباجي


بس ردووودكم عطتني دافع قوي وشجعتني


وكنت بحاجة هالتشجيع لان ما لقيته من زوجي


يسلم راس من دخل موضوعي وطمن قلييييييبي

 

[امـ خــزامـى]

ياعمري انت هونيها وتهوون

انا كانت الاغراض والمقادير كلها عندي

وكنت اطبخ وطبخي ماعليه زين ينوكل

وزوجي يعيييييييييب عليه ومو عاجبه ويبي مثل طبخ امه لدرجه تعققققققدت اول زواجي
وقلت خلاص مارح اطبخ انا مهما سويت ومهما حاولت ارضيك ماتشجعني


بعد فتررررررره صار يموووت على اكلي وتعود عليه

وانصحك بالفوتشيني مرررره سهله واكيد مقاديرها موجوده

والستيك مثل ماقالوا البنات

بيتزا وساندوتشات

صينية بطاطس مع الدجاج والليمون

امممممممم
مكرونه بالباشاميل

مكرونه بالبروكلي والجزر والكرنب


وضروري يكون عندك القدر الكاتم
بنت خالي بنيوزيلاندا وماشاءالله انواع الطبخ
تسوي كبسة لحم ودجاااج

وهي مثلللللللللللك مبتدئه

الله يوفقك يارب

 

[شـيـوخـهـ]

بنت كالفورنيا

حبيبتي الله يسهل عليج ويوفقكم ويردكم بالسلامه

كل المقادير الموجوده بالكويت تحصلينها بامريكا بس بما ان ماصار لج وايد ليلحين ماعرفتي اماكن هالشغلات واختلاف الماركات

بخصوص الفول تحصلينه بالبقالات العربيه ,, كنت مثلج قبل الكريما حست وحست وبالاخير موجوده وماركاتها بالهبل وماكنت مستوعبه
البقالات العربيه دوري اقرب بقاله عندكم واخذي منها
وطبيعي اشوي اشوي تتعودين على المقادير وكلها فتره وبتتفنين بالطبخ بس انتي بعد لا تفقدين الامل حاولي وحاولي لين تضبطين الشغله

 

[popa]

حبيبتي بنبهج توقيعج غلط حاطا يا امريكه وحاطه صوره لندن في البيكادلي
هذا مو موضوعنه
سوائا كنتي باول العشرينات او اول الخمسينات نفس الشي
في حريم كبار ما دشو المطبخ ومايعرفون يطبخون

اول شي في امريكه في الوجبات الجاهزا الي بس ميكرويف وتاكلونها هذي جيلي الثلاجه فيهم عشان اذا اختربت طبختج تاكلونها
عشاكم خلوه مقالي والباستات في صلصات للباسته انواع واشكال كل مره جربي واحد لمن تطيحين على شب لذيذ

غير هذا سوي شغلات بالكريمه والدياي والجبن
سوي بطاطه بالفرن وحطي داخلها ذره وبقدونس واجبان ولحم مفروم او هوت دوق
وسوي سلطات
سوي كيك

 

[بنوتة قطررر]

الله يعينج حبيبتي

 

[al-musk]

ماعليج باجر كل شي يضبط معاج وتصيرين فنانه .. انتي نصيحه لي بغيتي تسوين طبخه دوري الوصفه بمواقع اجنبية بقوقل فجذي تضبط معاج..انا شكثر اخاذ وصفات من عندهم وتطلع مية مية..انتي بس لنج مو مستقرة وقاعدين تنقلون فمخج متشوش

 

[عزيز قلبي]

:krkrkr:الله يكون بعونج شوي شوي تتعلمين وخلي ريلج يكلم ربعه
اذا فيهم احد بيروح امريكا يوصيه علي بهارات المجبوس
وانتي اكيد عارفه طريقته واي اكلات ثانيه امرها سهل
مثلا سوي صينيه بطاط مع دياي بالفرن مايبيلها شي البطاط ترنشات
والدياي قصيه قطع وبصل ترنشات وطماط طرنشات وقفشه سمن ومكعب ماجي وملح وفلفل
وحطيها بالفرن وسوي معاها عيش ابيض تري في وايد اكلات سهله مايبيلها شطاره
خليه ييب لج قطع اللحم لرهيفه يعني بوفتيك تبليه بصل وملح وفلفل وقليه بالبيض والبخصمات المطحون
مع معكرونه سباجتي قاعده اتذكر لج اكلات تقدرين تسوينها عندج موفقه حبيبتي

 

[بنت^كآليفورنيآ]

شكرآ بنات ريحتوني وشجعتوني


بوبا لووول ادري ان هذي لندن بس لاني من عشاق لندن وكنت كل سنة فيها خليت الصورة لول

والا استوعبت عقب ما حطيتها قلت شكو

 

[kuzime]

لاتصيرين من البنات الي كل شى يقولون كله مني و انا السبب
قوليله انا ما اعرف اطبخ عدل و انت عارف هالشى قبل ما تتزوجني
قاعده احاول بس ما يضبط انت ريلي و شريك حياتي لازم تتحمل و تصبر لين اصير فنانه انشالله
و بس