متزوجه وتحسين بالوحده

[دنيا الوله-82]

هلا بنات

كيف الحال؟؟

والله انا احس بالوحده وااااااايد

يمكن الي قرى مواضيعي من قبل بيعرف ليش

والله على طول مجابله عيالي او التلفزون او النت

 

[أم تروفه]

نفس الحاله ياعمري زوجى طول الوقت مايتكلم ولايحب المطاعم ولا الملاهى ولا التلفزيون ولا الجلسة بالبيت تعبت بداية حياتي ولما ولدت صار عندى عيال واخيرا اقضي وقتى مع زينة قلبي وزينة دنيتى عيالي الله يخليهم ماعاد يهمنى صج اشعر بفراغ عاطفي كبير بس هذا طبعه

 

[swaha-elb5at]

اي احس بوحده احيانا

 

[كيكه توفي]

والله حبيبتي متزوجه مو متزوجه مادري ليش نحس بهالشي انا مو متزوجه بس احس بهالشي حياتي النت وبس
وانتي متزوجه وعندج عيالج الحمدالله والله يخليهم لج يارب

 

[دنيا الوله-82]

والله احس شبابنا يضيع وهم مايحسون والله

 

[ياعشيري جعلك السلال]

الله يعينج انشالله

وحاولي تطلعين مع عيالج ونسيهم روحي بيت اهلج طلعي مع خواتج

 

[puppet]

الله يعينج انشالله

وحاولي تطلعين مع عيالج ونسيهم روحي بيت اهلج طلعي مع خواتج

يا عشيري جعلك السلال ؟؟؟؟

.. نك فلتة .. قلب متروس ههه

 

[كيوي كويتي]

شي ضروري

 

[بُعدك عذاب]

ثلاث ارباع المتزوجات يحسون بالوحده

 

[احبه حييييلA]

والله قاعده احس فيها من كم يوم
لأني ضاربه شوط مع زوجي

 

[QUMAR]

الله يعين يا قلبي
الرياييل تييهم السوالف والضحكات مع ربعهم
والا مع حريمهم جنهم مغصوبين
استغفر الله ربج يعين

 

[ما في مثلهااا]

انا احس بالوحده لما يروح الديوانية

اتمنى يكون عندي طفل علشان تروح هالوحده


لان زوجي على طول ديوانية

 

[مندوبة ام بندر]

نفس الحاله الدنيا بكبرها صارت ملل
الحمد لله على كل حال

 

[حكستار]

الله يسخر ازواجكم لكم
الحمد لله ما احس بالملل

 

[اشتياق]

طلعاته قليله بس اخرس ههههههههههههههههه استغفر الله اي والله اخرس

بس لي دق تلفونه تردله حاسه النطق خخخخخخخ

عشان جذي تطق جبدي سواء موجود والا طالع

 

[يتيمه بقلبه]

عندنا عالم الصمت

 

[عهدالرياض]

الله يكرة الدوانية وساعتهااااا يارب

 

[غلا أحمد]

الحياااه كلها مللل انا أحس بملل لان وايد يطلع ويموت اذا ماطلع خاصه الديوانيه وأهلي بعيد عن منطقتي والله يرزقني بطفل استانس معاه ويملي حياتي علي

 

[حروف من ذهب*]

ليش تحسين بالملل عندج اشياء وايد اتسوينها
خصصي وقت في قرايه القراءن الكريموحاولي انج تختمينه
قومي بواجبات عيالج شنو يحبون يتعشون يسون معاج العشي >> يحبونها عيالي ديم يسون الدونات معاي
نظفي الكباته المتروسه من الخلاجين وهذا يخذ من وقتج
سيري على جيرانكم وسولفي وستانسي
الحين الجو تعدل روحي للحدايق وونسي العيال
اعزمي بنات خالتج او صديقلتج
سولفي بالتلفون او شوفي التلفزيون
العبي مع اليهال صج يضيقون الخلق بس ونسيهم وستانسي
النت مايقصر ياخذ من الوقت
كل هذا ومتضايقه

 

[زوجة كويتية]

سلام بنات... أنا مشاركاتي قليلة ، وبصراحة كنت داشه أدور موضوع ممكن يساعدني بالحالة الي أعيشها .. وهالموضوع حيل قريب مني .. أنا زوجي لا راعي ديوانية ولا طلعات ، بيتوتي و ما يسولف أبد ، شاغل نفسه بالكمبيوتر والبلي ستيشن والنوم .. مو لأني مقصره، لأني حاولت مرات وايد أطلعه من هالجو وأخليه يجابلني لكن يوم يونس و باقي الأسبوع أحس بالوحده و الفراغ العاطفي . صحيح عندي عيال الحمدالله لكن الزوج وجوده غير .
أظن الحل الوحيد انه يبدا ينظر للزواج على أصوله بالدين وشلون اهو مفروض انه يسعدني و أنا أسعده ، الحمدالله يصلي و ما يخربط ، لكن للأسف هذا مو كافي عشان يكون الانسان مليان قلبه بالدين .
بس بالنهاية ما أقول الا الحمدالله لأن في حريم عايشين مع مدمن أو واحد ما يصلي ، يطقها ، مغازلجي ، شي أهون من شي . لكن هل معناة هالشي اني استسلم و ارضى بالوضع الي أنا فيه لأن في ناس حالتهم أردى مني؟ والله ما أدري و الله يهون علينا أجمعين