متزوجه دشي شلون غيرتي حياتج الزوجيه

[اوبراا]

مشكورين وايد اتمنى اللي استفادوا من موضوعي يدعون حتى لو مااعجبك حياتي الزوجيه قاعده تنهار لااسباب وايد كل اللي اتمناه تدعون لي قلبي ماايحتمل شريجه ادعوا لي انه ريلي ينصرف عن قلبه وعقله اي مرااءه غير

 

[اوبراا]

مشكوره حبيبتي على الدعوه

 

[أم حسوون]

السلام عليكم، الله يربط على قلبج يا حياتي ويرده لج وسعي صدرج وأكثري من الإستغفار واستغلي هالليالي العشر بالدعاء .

 

[Kocheko]

لا جمال ولا غيره التوفيق من الله وحظ

 

[Kocheko]

سالفة الشريجه بمكن مو من صجه يمكن مجرد قرصة أذون لج يبيج أتغيرين شي مو عاجبة فيج .. مثل ما قالوا البنات شوفي شنو الشي اللى طلبة منج وما سويتيه حتي لو بالغشمرة ترا ساعات يتغشمرون بس قاصدين الحجي الريايل جذي ..
والله يعمي قلبة عن كل البنات .. وتكونين الوحيده بحياته

 

[دانة_ دبي]

*الكلمة الطيبة و الدبلوماسية و المكر
انا ع كثر ما سويت اكتشفت ان احسن حل و علاج
هو المكر و اخذه ع قد عقله :d
* الخصوصية غيرت حياتي و من يوم ما انتقلت ل بيتي الخاص صارت حياتي حلوة بعد ما كانت مره
* تهادوا تحابوا " الهدية الطيبة مو شرط تكون غالية لو وردة صغيرة بو 5 دراهم "

 

[اوبراا]

لا حبيبتي الشريجه احسها قربت وانا بستخف من هموضوع ولما شفت زواج ابو حلا من دنيا بطمه وبعد عشرة سنوات وبينهم يهال طلقها واخذ عليها قلبي احتر انا لسه عروس وبيني وبين ريلي مشاكل

 

[ي حليليِ]

^^

اوبرا مو من صجج حارة روحج وكله موسوسة !

الريال ان شافج جذي مهزوزة شخصيتج وخايفة يخونج صدقيني بتصغرين بعينه ....!!!

خليج واثقة من نفسج وخلي مشاعرج مختلطة يعني مو كله هادية وطيوبة وتسمعين الكلام

تدلعي شوي ، وان سمعتي شي طلعي الغيرة اللي بقلبج لا تكتمينها


صارحيه طلعي اللي بقلبج كله !



اذكر وحدة كانت مثلج وكانت تقول لزوجها : ي فلان شفت بنت خالتي حرااام كاسرة خاطري حدها
تخيل زوجها تزوج عليها وهي قاعدة معاهم الغبية ، والله العظيم م عندها سالفة لو اني منها رحت بيت اهلي وقطيت عيالي عليه اخليه يبتلش فيهم
واتزوج انا واعيش حياتي الحمدلله توني صغيرة والعمر م بعد شاب " >> طبعاً زوجها بقق عيونها وانصدم منها وهي عطته الابتسامة والغمزة ومشت


لازم يعرررف ردة فعلج ع الزوجة الثانية قبل لا يسويها



وان شااللهه م يسويها بس انتي تعوذي من ابليسسس


ووالله يسخر لج زوجج ويخليه لج

 

[اوبراا]

مشكورين وايد بس سالفة الشريجه مو وسواس

 

[مدّهره !]

لا حبيبتي الشريجه احسها قربت وانا بستخف من هموضوع ولما شفت زواج ابو حلا من دنيا بطمه وبعد عشرة سنوات وبينهم يهال طلقها واخذ عليها قلبي احتر انا لسه عروس وبيني وبين ريلي مشاكل

طيب أوبرااا بالله شفتِ شكل دنياا وشكل أم حلااا !!!!!!

يعني بنظررج تزوجهاا عشاان جمالهااا !!!

 

[شهرزااد]

بالاضاافه لكلام اللي قبلي


الانوووووثه ثم الانوثه ثم الانووووووثه


والانوثه شنو ؟


جمال ودلع ونظافه وشقااوه وحياء وعقلانيه
وبنفس الوقت حسسيه بان لج كيد عشان يعمل لج حساب ومايلعب بذيله

 

[اوبراا]

مدهره ضايج خلقي وايد

 

[مدّهره !]

أوبراا منج أنتِ حااطه نفسج في دائره مغلقه ومو رااضيه تررضين عن نفسج وتحبينهااا

وكله متشااااااااااائمه وأفكاارج تجاه عمرج سودااوويه

شفتِ أنجليناا إستئصلت ثديهااا وطلعت للعالم وللصحف والإعلااام وقالت سويت عملية إستئصال

أحد نفر منهااا ؟؟؟

ولاحظي هي زوجة براد بيت هل نفر منهاااا !!!!!

هل فقدت معجبينهاا ومحبينهااا ؟؟؟؟

هل عااب عليهاا الإعلااام ؟؟؟

وفووق هذااا هي ماكانت مصاابه بالمرض عافاانااا الله وجميع المسلمين

هي شالته لأن خاافت يصيبهاا نفس أمهاا اللي توفت بسببه ؟؟؟؟؟

فووق هذااا شوفي شموخهاااا وحبهاا لنفسهاااا ؟؟؟



...’


شووفي مثال ثااني بسمه وهبه طلعت مع نيشاان وقالت ترى أناا بدون شعر ورمووش وحواجب

الشعر : بااروكه

الرمووش : تركيب

الحواجب : رسم

وشكررت في زوجهااا لأنه معاهاا ويممموت فيهاااا

وعيالهااا حواليهاا مانفرواا منهاا

ليش كل هذاا ؟؟؟

لأنهم من داخل يعشقوووون أنفسهم راااااااااااااااضين ..’

..’

 

[Al Maha]

شوفي احترم كل الي قالوه خواتي

بس تبين السر













الححححححظظظ

اي والله وانا صاجه
اعرف الي لاوجه ولا سنع ولا ذرابه
ونكديه وفوق هذا كله ماتعبره
ومدللها ويركض وراها ويبي بس رضاها@@

والله صادقه :rerrerek:

 

[اميره بكلمتي]

الصراحه اهم شي تكون المره سنعه ومرتبه ونظيفه بنفسها وبيتها وبعيالها وحتى بزوجها الزوجه الشقرديه تكون فاهمه وعاقله وهاديه وانثى واهم شي صوتج لايعلى عند زوجج لانه الزوج مايحب المره اللي صوتها عالي خليه كله دلع وانوثه واذا شفتيه بيطلع للدوام مثلا او مكان غيره قوليله حافظك الله ياالغالي او او استودعتك الله مع ابتسامه واذا رجع من الدوام قوليله يعطيك العافيه وتكونين قبلها لابسه بيجامه او بدله حلوه وناعمه مع ميك اب خفيف وشعرج مرتب والبيت مبخر ومرتب وريحته حلوه والاكل جاهز والنقطه المهمه جسمج من داخل الاهتمام التام فيه مثل الشيره او الليزر والديودرنت واللوشنات ،، واهله لاتكلمين عنهم بالشر نهائيا لاتقولين فلانه قالتلي وفلانه حطتلي لانه الرياجيل مايحبون هالسوالف ابسط شي يقولج انا شكو بسوالف الحريم وشاركيه اهتماماته وهواياته واهم شي لاتنسين نفسج ..

 

[ي حليليِ]

ي حلات كلام مدهرة يجيب العافيةة


وتوني ادري عن سالفة دنيا من ابو حلا ....!!!!!!!

قلوا الحريم ولا شششنو ،، استغفرك ربي نسمع عجااايب اعوذ بالله

 

[اوبراا]

مشكورين وايد ماقصرتوا كل وحده ردت ودعمتني نفسيا مشكورين وهم مدهره مشكوره انا شفت حلقة نيشان مع بسمه كامله اثرت فيني يامدهره ماشاءالله عليها الله يشفيها ويرفع عنها وهم انجلينا شفتها

 

[latkt7as]

اوبرا حياتي

صديقيني والله

شششكثر ششفت حريم يههههبلون جمال وسسنع

والله مابالغ وفوق هذا مدلله زوجها واهو جيكر نعال يكرم السامع
ومو معبرها وطاقها باكبر طووفه والعكس

صج الشكل مهم بس والله الاهم بالمرتبه الاولى الحظ
والمرتبه الثانيه السنع والاخلاق وجمال الروح

عليج بالاستغفار لانه قلوب البشر كلها بايده

 

[اوبراا]

مشكوررين عفيه خوات وعفيه نصائح

 

[هيبة ملك]

والله. ماغير. الحظ ياقلبي

لاجاد حظك باع. لك ....واشترالك