متزوجه دشي شلون غيرتي حياتج الزوجيه

[اوبراا]

صاجه بديت اقتنع ان المساله حظ مشكورين وايد

 

[اوبراا]

مشكورين

 

[زوجة عزيز]

الســـــــــــالفة تعتمد على


الحــــــــظ


الحـــــــــــــظ


الحـــــــظ


بعضهــــم لا أسلــــــــوب ولا احتــــــــرام ولا لبــــــــاقة ولا مفهومـــــــيه وفـــــــــــــــوق كــــــل هــــذا نكـــــــدية


يموتــــــــــون عالارض الي يسـيرون علـــــــيها

يموتون جدامها وجدام الناس ومن وراها عاد شوفي البلاوي والا من يحب وحده ماتحترم زوجها اي زوج بيحبها او ماعندها لباقه ولا مفهوميه والبيوت اسرار مومعقوله كل وحده صادت على ريلها شي بتفضح نفسها بين الناس او بتتطلق ياما حريم عرفو بلاوي ازواجهم بس مايبون يتطلقون ويتمون يعانون ويسكتون والمشكله الناس تحسدهم لانهم مايعرفون باللي فيهم :eh_s(7):

 

[غالية زمانها]

اوبرا الله يعينج حبيبتي
كنت نفس مشكلتج تخيلي زوجي يبي يتزوج علي
والله مامدح نفسي مافي شي ينقصني جمال وسنعه والحمدلله عندي اعيال
وفوق هذا ماخذته على حب وتزوج علي بعد معاناة سنتين طبعا اهله ولا احد وقف معاه
لان قالو له اهله اذا مرتك فيها عيب نخطب لك جان يقول زوجي اشكرا لو فيها عيب جان طلقتها
بس انا اللي ابي اتزوج وطبعا راح خطبها بروحه وطبعا اشرطوا اهله ان ماتزور
طبعا زعلت وقعدت بيت اهلي واستخف طبعا رديت مو عشانه عشان اعيالي بس ماتدرون اسكثر اكرهه واستحقره
والحمدلله كما تدين تدان الثانيه كل يتهاوشون وطلقها طلقه
ماتشمت بس عشان الواحد مايظلم

 

[غالية زمانها]

والحمدلله انا تغيرت للاحسن صرت اهتم بنفسي اكثر
كملت دراستي اللي كان معارضني
ماتعلقت فيه نفس اول احسن لي والله صرت اطلع مع رفيجاتي
صج شي يحر ويضيق الخلق بس اهو الخسران وكافي حوبت ودعوة المظلوم

 

[اوبراا]

مشكورين

 

[يعني كذا!]

موضوع جميل

 

[اوبراا]

انتم الاجمل

 

[برونزية رشيقة]

اولشي انها تكون ربة بيت سنعه مو رفله وعبالها هاذا دلع ترى الريال اهم شي عنده السنع وان مرته تكون شايله البيت ومو مقصره
وطبعا النفسيه الحلوه والريج الحلو وتوخر عن الطناقير والهواش والعناد
وماتعلي حسها ولا تناقش وايد
تكون مطيعه وتسمع كلامه وتحسسه ان له هيبه وتحسسه برجولته وبانوثتها بنفس الوقت
تهتم بشكلها وكشختها ونظافتها

نفس أللي كنت بقوله بالضبط:eh_s(15):

 

[ميممآإ]

والله اعرف وحده لا جمال و لا سنع ولا ذرابه و كسوله و كل العيوب فيها بس سبحان الله ربي مسخر رجالها لها ليه ؟؟؟؟ لانها تحايله و مغير مافيه على لسانها إلا الله يعافيك الله يخليك والله تتعب حيل بشغلك الله يعطيك الصحه و العافيه إذا زعل منها ولا صار بينهم نقاش حاد تقلبه لنقاش عادي ومايل للمزح و بعدين تطيح على رجوله و تعطيه من هـ الكلام ( انا مالي غنى عنك ) ( انت كله عصبي الله يهديك ) ( ماتعطيني مجال اشرح لك ) يعني مؤ تطنقر و تزعل ولا تعلي صوتها لين الجيران يسمعون !! وغير كذا مستحيل تقول له شئ او تسوي شئ إلا قبل تقنعه فيه يعني مشاء الله عليها مسويه لها غسيل مخ ب الكامل

 

[يعني كذا!]

ههههههههه ميما اهم شي غسيل كامل للمخ

 

[كليـ دلعـ]

لوكان عن الزين

جان ماشفنا اغلب الجميلات مطلقات!

ولو كان ع السنع

جان ماشفناا الخايسات الروط معمره لهم فلل!!

مسأله حظ لاااكثر ،،،؛

هذا مومجرد كلام!

هذا واااااااقع نعيشه!

طليقته آيه بالجمال وزوجته الحاليه اللهم لك الحمد ماتنتطالع!

وفوق هذا بشعه!؟

وتقوومه وتقعده!! وكلمتها مسمار بلووح!

واهي حجوتين ع بعض ماتعرف تقول،،،،،!!

هذي ارزاااق مقسمها ربج من عنده،،!

ارزااااااق،،،. ولوجريت جري الوحوش غير رزقك ماتحوش،،!!

معاي وحده بالدوام خوش بنت شقرديه جمال وسنع

عزمتني ع عرس اخوها امها تبارك الله مااقول هذي ام عيال

جميييييييله والشعر طوووووويل والويه اللي يرد الرووح

واستقبالها للعالم وسنعها تبارك الله!!!

انا شفتها اعجبت فيها وانا لاول مره اشوفها

المهم من ضمن الحضور هالسووووداااا اللي جنها تنك دهن!!

الكرش جدامهاا والجلاااحه والعيون حوول!!

امبي امبي موحاامل بس جذي جسمهااا!

ناديت رفيجتي قلت تعالي بشكل عام كل الحضور توب

منو هذي اللي جنها البطه السودا احس موراكبه مع العايله

هههههههههههههه ،،،

تدرون شقالت!؟

قالت هذي مرت ابووووووووووووووووي!

اللي خذاها ع امي!! ومن اخذهاا صار مايعطي امي حقوقها

ولاا يدش بيتنا!!!!

واي بنات تكفون خنقتني العبره ماقدر ماقدر اتخيل اللي شفته

قلتلها يالله عاد ويعه تتفاولين ع امج قالت والله

وامي معودته كل شي من ايدها تسويه وهذي خدمها٣!!!

انا عن نفسي ياكلي دلع قضيت العرس كلللللله مبطله

حلجي واراقبهااا ؟!

حسيت اني اكتشفت شي عمري ماخطر لي فبال!!

اطالع فيها واتذكر !

لاجمال ولااناقه ولاسنغ!

عيل ع شنو!؟

اصلن شلون تخطر هذي فباله وهذي كانت مرته!

بلحظتها كرهت كللللل الريااايييل ودش الخوف بقلبي

وايقنت انه الحظ فقط لاغير

وتصدقون حتئ علاقتي بريلي قعدت ٦ شهور متغيره عليه!

حسيت انه شي ع البركه!

مادري بس لاتذكروني

عشان جذي اقولج الحظظظظظظظظظظظ

ولاتفكرين واااااايد،،،،

 

[فوفو22]

شوفي الزين بدون شخصيه

بتملين منه اول 5 دقايق

يا ما حلوات. مضمونهم صفر

واذا شفتي اللي درجه جمالهم اقل وحظهم بالحياه الزوجيه اوفر


يرجع لسبب واخد بعد توفيق الرحمن وهو




شخصيه الزوجه وطريقتها مع زوجها في الحوار واداره المواضيع وضبط وربط البيت

هناك زوجات لما يدخل عليها الزوج يحس براحه لانها مريحه بالصوت الواطي والمنظر الحسن. والطاقه الايجابيه


وهناك زوجات اللهم يا كافي. لما تشوفه تقولين تعامل عدو مو شريك حياه


عطني. جيب لي. سفرني. عيالك فعلتهم وتركتهم

باختصار تطوير الشخصيه مكمن الفرس


فوفو

 

[عجينه]

ومنكم نستفيد

ررررفع

 

[تبيني آرضى عليك]

آآآآآآآآآآآآآآآآآآآآآآآآآآآآآآآآب

 

[Bio_reem]

بنات اللي تشوفونها مافيها زود ومع هذا ميت عليها لانكم ماتدرون معاه شلون تكون ... يعني اذا زوجته الااولى ملكة جمال وخلاها حق وحده اقل من عادية احتمال الملكة هذي شايفه نفسها عليه فيقول شلي بالجميلة اهم شي وحده تشوفني انا ملك ... اللي مو مهتمه بشغل البيت يمكن الريال مو حاس بهالشي يرجع البيت مرتب مادرى شغلها والا شغل الخدم ويمكن اهي تقعد تقول له اليوم ظهرني عورني من وقفة المطبخ... الحظ بروحه مو كل شي


اوبرا خلي عندج ثقة بنفسج ولاتقلبين كل شي نكد وحزن خليج بشوشه وابدي اهتمام بالاشياء اللي تهمه اذا يتابع مباراه خليج معاه بين اشوطين خليه يشرح لج اللعبة ... اذا سولف عن شغله سئليه فيها ، بعدين دوري لج شي شغلي نفسج فيه عشان مايكون هو همج الوحيد وحتى اهو يحس انه حياتح مو واقفه عليه، لان حاسه انج مهزوزة جدامه... واذا هو قايل لج شي عن الزواج الثاني اكيد فيه شغله مو عاجبته لازم تعرفينها وتغيرينها

 

[نـعـومـه]

خوووش موضوع

اااب

 

[سور المدينه]

رفع