متزوجه دشي شلون غيرتي حياتج الزوجيه

[اوبراا]

السلام عليكم
الموضوع وايد مفيد للجميع خلوه نقاش وتبادل افكار ونصائح يستفيد منها الكل
لما وحده تكون ماكو حظ لها من الجمال والجاذبيه وسط مجتمع جميل شلون تكسب ريلها وشلون تخليه يحبها ومايستغني عنها لاني اعرف حريم حظهم بجمال قليل وبكل شي مع هذا ريلها يحبها ماشاءالله شلون كسبته ماشاءالله تبارك الرحمن شنو تسوين نصحينا عفيه وهم اللي غيرت حياة زوجها وخلته يغير كل شي عشانها تقول اكو مشاكل بحياه الزوجيه يعني في بعض الريايل متعلق بربعه والديواين وبعضهم كله مجابل التلفزيون وفي اللي مبتلشه مع حمولتها ولما تكون رسميه ريلها يتغير عليها وفي اللي مايصرف اكو مشاكل وايد
بختصار شلون قدرتي تغيرين ريلج وشنو الشغلات اللي خلته يتعلق فيج اذا في كيد نساء علمونا واذا في ذكاء نورنا هم الحياه الزوجيه خبره وانا كلش ملش مخترعه من الطلاق او الشريكه كله افكر بهشغلات

 

[حلمي وامالي]

اكيد عرفوا مفتاحه وقدروا بلسانهم العسل يعلقون ريايلهم فيهم
الجمال مو كل شي
ولا ماشفتي اغلب المطلقات جميلاااات وصغيراات

 

[Patcholli]

اولشي انها تكون ربة بيت سنعه مو رفله وعبالها هاذا دلع ترى الريال اهم شي عنده السنع وان مرته تكون شايله البيت ومو مقصره
وطبعا النفسيه الحلوه والريج الحلو وتوخر عن الطناقير والهواش والعناد
وماتعلي حسها ولا تناقش وايد
تكون مطيعه وتسمع كلامه وتحسسه ان له هيبه وتحسسه برجولته وبانوثتها بنفس الوقت
تهتم بشكلها وكشختها ونظافتها

 

[ام كداوي]

مع الاخت باتشولي االريال يحب حيل المرة السنعة الي تهتم ببيتها وماسكة عيالها ومربيتهم
الريال يحب المرة الي تتطلع على اهتماماته وتشاركه فيها
الريال يحب المرة الى ادا تكلم تسمعله وتشاركه باراءها
ويحب طبعا الهتمام باكله ولبسه ونظافة بيته
وادا على الجنال اللبس والماكياج والنظافة والريحة الحلوة تخليك يحسك انه مو ناقصك شي عن كل الجميلات بس الوحدة ترتب شكلها وتهتم فيه

 

[M!SS.LOBY]

الاسلوب بالحياة الزوجية مفتاح كبير ومبدأ حلووو بالعلاقة

 

[صعبه]

الأخت باتشولي كفت ووفت

 

[تبطي عظم!]

الرجال مايحب المرأه القرقه يحب المستمعه

مايحب الكسوله والرابده والي بس تتشكى ومايحب الحنانه الي بس تحن وين رايح ودني عطني جيبلي

هات هات هات

يحب ام لسان معسول الي لا قال لها يافلانه قالت ياعيون فلانه ~

اهتمي فيه ودلليه بس مع هذا لا تنسين نفسج دللي نفسج علشانج مو علشانه وراح يحبج لانج تحبين نفسج وتقدرينها

اذا جا زوجج بيطلع من البيت لا تسألينه وين ومتى ترد قوليله احسب حسابك ع العشا لايحس انج كاتمه انفاسه

لاطلع ودعيه بإبتسامه وبالرده بإبتسامه وخلي لج اهتماماتج الخاصه

لا تحسينه انه ماكو الا انت اهتم فيه

لانه مايحب الي متعلقه فيه ولا الي صاده مره وحده وفري كل احتياجاته بس لا تنسين نفسج وكوني غامضه الرجل لعبته المرأه الغامضه

 

[مسؤولة تعيين]

مع احترامي حق كلل الي قلتوه بس الحين الريال مايدور خدامه يدور زوووووووجه
يعني التنظيف وترتيب البيت والطبخ والنفخ هذي سوالف قببببل
الحين عن تجربه وعن الي اشوفه بين البنات الي حواليني الريال يحب المره الي تكلمه عدل الي تحبه وتخاف عليه وادلعه وتلبس له وتكشخ له
سايسيه حبيه واحتويه واهممممممممم شي انج ترضين وتقتنعين بلي يعطيج اياه ومااطالعين غيرج
حتى لو كان قليل قيسي هالشي على راتبه هو مو على رواتب الريايل الثانيين
علميه يصرف عليج وعلى بيج وعلى عيالج بس ارجع واقوووول ارضي بالمعقوووول ولمن يسوي لج شي حسسيه جنه شاري لج قصر
لا تقللين قيمته جدام اييييي احد ولا حتى اهلج لو مهما صار ولين صار بينكم شي قعدي في بيتج بين عيالج وجابلي ربج بسسسسسسسسس لان لامج ولا ابوج راح يحلون مشكلتج
دايما خلي بيتج ريحته حلوه وشموع وبخور وحتى لو ماتحبين الطبخ انتي نجبي الغدا وحرصي على ان اكله الي يحبه يكون موجود
وطبعا شي واااااااايد حلو انج تعودينه على اكلج عشان يشتاق له حتى لو تسوين حلو او سلطه او طبق مره بالاسبوع
بس عمممرج لا تنسين نفسج واهتمي بنفسج وطلعي وافتري بالصالونات ودللي نفسج براااتبج

 

[popa]

والله ماعندي فكره لاني جاذبته بجمالي ههههههههه
اتغشمر
اول شي عندج نظافه البيت
ثاني شي الريال يلجاأ ويستشير المراه الذكيه الي تلقى حل حق كل شي
نظافه الزوجه الشخصيه وعنايتها
والدلع يعني اعرف جم وحده تتحجه جنها ريال دفاشه لمن تزوجت اصدمتنا تتحجه جذي امبي امبي حداااا مووووو سج مو سج اف
يعني تحولت عشان الريل تحولي شوراج
العيال لازم يكونون انظاف وريحتهم طيبه
ولازم تحسسينه ان عند رغبه جنسيه تحرشي وطلبي
عطرج خليه مميز واسنانج لايلقى فيهم عيب
وجسمج ليزر كله
وكل شهر لازم تاخذين عالاقل بدلتين وبيجامه وقميص نوم وعطر وتكرمين شوز عشان يشوفج كشيخه
وسنعه ونظيفه وذكيه ومهتمه بالعيال
اشيبي اكثر بعد ؟
خل يحمد ربه ويبوس ايده وي وظهر
مع تحياتي

 

[latkt7as]

شوفي احترم كل الي قالوه خواتي

بس تبين السر













الححححححظظظ

اي والله وانا صاجه
اعرف الي لاوجه ولا سنع ولا ذرابه
ونكديه وفوق هذا كله ماتعبره
ومدللها ويركض وراها ويبي بس رضاها@@

 

[جذابه بنت ذيابه]

الرجال علا ماتعودددينه


شووفي حبوبه يكفي اهتماامج له ولعياله ولغداهم وعشاهم وريوقهم و لاهتمامج ببيتج و لبسج ولبس اعيالج ولبس زوجج مرتب ونظيف ومايشكي من شي
واسلوووبج و معاملتج له .. صددقيني بيحمد ربه و اهم شي ضحكتج و لبسج ونظافتج لا يفارقووونج و بسس

 

[يتيمة جابر العز]

حلوووو كلام البنات

الحياة تجارب

ومنكم نستفيد

 

[مولاي الفرج]

مايحبون النكد والافكار السوده

لما اوسوس احس ريلي ينفر مني ويتنرفز

يحبون المتفاءله

 

[جوري الصالح]

الســـــــــــالفة تعتمد على


الحــــــــظ


الحـــــــــــــظ


الحـــــــظ


بعضهــــم لا أسلــــــــوب ولا احتــــــــرام ولا لبــــــــاقة ولا مفهومـــــــيه وفـــــــــــــــوق كــــــل هــــذا نكـــــــدية


يموتــــــــــون عالارض الي يسـيرون علـــــــيها

 

[امـ خــزامـى]

انا اوومن ان لكل رجل مفتاااح
جمال او اسلوووب المرأه هذي اشياااء كمااليه مو اكثر

اذا عرفت المراه مفتااح زوجها لاجمالها ولا اسلوببها اللي بتستخدمه

^^^
هذي وجهة نظري

اما اللي انا اتبعه واشوفه يفيد في زوجي
دائما اكون نبيهه ومنقذه له لكل شي
عندي كل الافكار والحلول واقدمها بسرعه

خبرتي بالحيااة اوسع منننه انا ملمه بكل كبيره وصغيره واحب اتعلم وماازلت اتعلم

الصبر

ثم الصبر

وعدم التسرررع

جالسه اطبخ حيااتي على نار هااااديه
حسيت ناقصها ملح زدت
حسيت يبيلها بهار حطيت

واعتمد اسلوب الممد والجزر


والثقه بالنفس هذا شي متأسس فيني وماعندي اشكاليه ولله الحمد والمنه

اعامله مثل الطفل بحبي وحناااني واهتماامي لان هذا سر زوووجي واللي عرفت مفتاااحه
يمووت بالحنااان عادي ماياكل ولا يشرب بس امدحيني ودلعيني

المدح
ثم المددددددددددددح

امدحيه واشكريه

بيحطك فووووق راااسه لو انت ماعطيتيه اي شي بس مدحتيه وقدرتيه وشكرتيه

اخر شي هذا الكلام اوجهه لك ياصاحبة الموضوع ولكل البنات

الخيانه من طباع الرجل يحب يجرب ويغاامر
اذا كشفتي زوجك يلعب بذيله انتبهي تسود الدنيا بعينك ويأنبك ضميرك وتهتز ثقتك بنفسك

وتحسين انك اشين وحده بعينه
لالالا غلطااانه الجمال والسنع مالها دخل بالخياانه

انت بس ردة فعلك اذا اول مره او خامس مره كبريها وازعلي وهددي بالطلاق وانك بترجعين ببيت اهلك وبتتركين له كل شي

لكن اذا 10 او 20 مره اضحكي بوجه وعااادي وبكل برود وش اخبار فلانه
ياحليلها والله وتعرف ترسل
تصدق عااد حبيتها عرفني عليها
خخخخخخخخخخ بيينجن بنتحرررررررررر الله يعينك بتطعنينه مليون طعنه وانت جالسه وتضحكين عليه

بيكررررررررره نفسه بيحس انه مو رجال ومو كفو زوجه ولا حتى عشيقه ومغازل
بيعتزززززززززززززززززل الغرااااااااااااااااااااااااااااااااااااااااااااام

صدقوووني


اخر شي بعلق عليه احسني الظن بالله اولا وبكل الناااس
واتركي الوسوسه بيتزوج علي بيطلقني بيخوني
لان لو فكرتي بهالاشياااء بتصييييييييييييييييييييييييييييييييييييير



الله يسخرلنا ولكل بنات المسلمين ويستر علينا فوق الارض وتحتها ويوم العرض

 

[you 2]

كل ريال يحب شي معين لازم انتي تعرفينه
بس عموماً
يحب الاهتمام فيه بكل شي من صغيره وكبيره
يحب انج تهتمين بنفسج حتى لو عندج يهال
يحب انج تطبخين له حتى لو عندكم طباخ
يحب الكلام الحلووو والدلع بحدود موبزياده
يحب انج تراعينه موكله ابي ابي
يحب انج تشاركينه بالسوالف وتهتمين بلي يهتم فيه
يحب يشوفج ام و يشوفج ربه منزل و يشوفج صديقه ويشوفج حبيبه وزوجه

كل وحده لازم تحسس زوجها انها تغار عليه مو كل شي عادي
ولاتثقين وايد ولاتهملين خلج بالنص

واهم شي بالموضوع
تجديد العلاقه مثل كسر الروتين بشي مثل تروحون فندق او تسافرون او تسوين له جو في البيت
مثل المساج او تسبحون مع بعض او عشا رومانسي او اي شي تحسين انج ماسويته من زمان

الريال ملوول مثل الطفل خلج وراه وراه هههههه


هذا الي عندي
والله يوفق الجميع

 

[امـ خــزامـى]

بوضح شي بعد بنقطة الذكاء وكل شي تعرفينه

مو بكل وقت مره استغبي خصوصا بمسائل الرجال واعمالهم وكل امريهمهم
ولا تعطينه حل الا اذا طلب او حسيتيه يي احد يساعده

عموما اتبعوا بكل تصرفاااتكم واساليبكم المد والجزر حيرييييييييييييييييييييييييييييييييييييه

 

[دانة_ دبي]

الاهتمام
الحب
الثقة مو العمياء
تحبين اهله و تمدحينهم
تخلين علاقة زوجج مع اهلج حلوة و زينة
تشاركينه ف اهتماماته مثلا يحب الرياضة او البزنس او الاسهم او العقارات

 

[Pinky -cat]

كل اللي قولتوه اهوا عين العقل ، فعلا وفوقهم الثقة بالنفس اهما يحبون اللي واثقة من روحها وتهتم بنفسها وما تنساها

 

[زوجة عزيز]

موضوع حلو