متزوجه جديده وتبي تتطلق!! ساعدوني

[caesara]

الله يسخره ويهديه لك

 

[om MaRyooM]

لازم قبل كل شي تدرسين ايجابيات زوجج وسلبياته وعقبها بتقدرين تقررين

واهم شي تدرسين نوع سلبياته .. بس حكرة وممنوع ممنوع ؟؟؟ ولا يمد ايده ويسكر وخرابيط وماكو احترام ؟؟

فهمتي علي ؟

وشوفي ايجابياته اذا تغطي اخطائه صدقيني مع العشرة بتعرفين شلون تتعاملين معاه


اما انج علطول تقررين الطلاق بس عشان الحكرة !!! اتوقع هالتفكير غلط

ادري انج مظاااايقة والوحدة حلو تاخذ حريتها حتى بعد الزواج .. بس ماكو شي كامل ومافي ريال مايغلط هالايام

وصارحيه .. دامج على البر تكلمي معاه وناقشيه وقوليله من حقج تطلعين

 

[al-musk]

طيب ليش ماتصارحينه وتسالينه ليش كل هذا

 

[النجاح هدفي]

توج في بداية حياتج معاه صبري عليه وحايليه وترى الطلعه مو كل شي اذا زين وكريم صبري
كل الرياجيل في بداية حياتهم الزوجيه يفرضون السلطه عالمره تالي تنقلب الايه

:rerrerek::rerrerek::rerrerek:
انا معااج

 

[غـرامـي أنـت]

اصبرري حبيبتي ترى بداية الزوااج الزوج نافخه ريشاته شوي

عااد انتي عليك تقصقصينهااا

 

[دلوعة حمني]

مثل ما قالوا البنات توج على الطلاق و تو الناس على ما تتفاهمون!

اول سنة من الزواج شد و جذب! و كل واحد يبي يفرض سلطته و شخصيته!!

صبري حبيبتي ... والله انا صارلي 7 سنين و زوجي بالغصب يخليني اطلع بروحي!!!

هو لي طلع قويله بتطلعين معاه او قوليله بتروحين بيت اهلج و بجذي تغيرين جو

الله يسخره لج حبيبتي و يألف بين قلوبكم

 

[انا لحبيبي .]

كلميه حبيبتي ، واحكيلو انه بدك تطلعي وتغيري جو

الطلاق مو حل ابدا ،

 

[كـ غلا ــلي]

قعدي معاه وحاوريه شوفي ليش اهوا يبيج تقعدين بالبيت شنو الحكمه يعني وبعدين اذا مو راضي لج تطلعين

عالاقل خل يطلع اهوا معاج بس انا يتروالي يسوي لج جذي عشان يفرض شخصيته مو اكثر شكله ريلج نوعيته

سي سيد فالافضل انج تاخذنه على قد عقله وتنفخين بشخصيته وانه اهوا هيبه عشان يستانس ويفج شوي

 

[nooorrrsss]

حبيبتي اصبري اشوي اول سنه كل مشاكل بس قولي له ليش مايطلعج اكيد في سبب

 

[يكفيني حنانك..]

طيب كلميه ناقشيه بهدوء وبينيله انك متضايقه وكذا
والله يسخره لك حبيبتي

 

[ثريا الكون]

انا مستغربه ريال يحكر المره ليش بفهم ليييييييييييييش شهل تخلف المره ماهي جماد استغفرالله الناس اوصلوا وتطوروا وهذول للحين يحكرون وذلون المره خوفي ايي يوم يسوون وأد البنات بعدين العيب من المره يوم يخطبها الريال ما تقعد معاه وتكلمه بشئ مفيد غير الاسأله روتينيه ماكو وظيفتج وظيفتك طلعات ولبس عبايه . اول ما يتقدم الريال قوليله كل شئ لا طوفون شئ هذا واحد من الاسأله الي ما سألتيه المره شنو بالنسبه لك جان قالج احكرهااا بالبيت وبس وياريت بقفص بعد موبعيده عنهم

 

[أنهار الورد]

لا طبعا لا تتطلقي حبيبتي اصبري توج عروس
ياما ناس اعظم من زوجج حكره وعصبيه بس زوجاتهم بالسياسه غيروا طبايع كثيره فيهم
انتي خليج شاطرة واعرفي شلون تتفاهمي وياه وشوي شوي بيتغير صدقيني
ترا الطلاق مو سهل لا تتسرعي ربي يسعدج

 

[رفيقه الأمل]

موب على اي ساالفه طلااق ترا ابغض شي عند الله الطلااق
والصراحه سالفتك مره هييييينه يعننني حيييل
تبين تطلقين علشااانه مايطلعك
كانه بيطلع ويا اهله قولي له حبيبي تكفى خليني اطلع ويااكم حسسني اني وحده من اهلكم
ولا كلمي امه من ورااه وقوولي عفيه خالتي قوولي لولدك يطلعني معكممم
يعني خطووه خطوووه تنحل المشكله
لاهو ضاااربك
ولا هووو متهمك في شرفك
ولا هو بخييل عليك ولا هو خااينك
ولا هو متعرف على نص بنات الديره
ولا راعي يمين يساااار
احمممدي رببببك ياقلبي
وكلميه بطررريقه دلع طلعني معكم
ولا ان دخل وتوه راد من بره قووولي له يليتني طلعت معكم الييييوم على الأقل تونست اشووووي
ولا قوووولي له حبيبي تراان انكتمت في البيت طلعني
كانه مايبيك تطلعوون في النهاار عادي اطلعي معه في الليل البححححر
ولا اطلعي معه الحديقه بالليل
اجلسي معه وناقشيه قووولي له ليه ياروحي انت شااك فييني
وشووفي ايش مطاااالبه
خطووه خطوووه
ويبي لها هالخطوه درااااسه ذكيه وصدقيييني بينحل كل شي
واي خدمه انا حااااضره
موفقهــ

 

[جديده 1]

و هذا يستدعي الطلاق !؟ الله يهداج كلهم جذي والله اخذي لفتين بالقسم و شوفي المصايب

 

[نـور الكويت]

عادي ياقلبي اول سنه ولا سنتين جذي ياقلبي ..

انا كان ما نعني من الجمعيه اول عرسي والله ماكان يوديني قوليلي وانا اجيبلج هذي كلمته

وعقبهاا كنت مسيره ع اهلي وقطني البيت قلت وين بتروح قالي بودي خواتي الجمعيه خواته مو متزوجات وحده اكب ربسنه مني والثانيه اصغر مني بسنتين ..

شقلته قلتله ما شاءالله تعرف تودي خواتك وسكت قالي اي اعرف ونزلت ومن الحره بجيييت وسكت ومن عقبها قام يوديني اشتري اغراضي ..

على قولة امي أول العرس (( يفرد جناحه)) يعني شخصيه بعديييييييييييييييييييين عااادي راح يتغير
واصبري عليه دامه حبيب معااج حتى بعضهم طلعه مع اهلج ما تطلعين انا كنت جذي والحمدالله تغييير ولله الحمد ..

صج كنت احتر وابجي بس الحمدالله يتغيروون .. هههه قلت قصة حيااااتي ..

عسى الله يجمع ما بينكم

 

[قلوس وردي]

مشكوورييييين كل اللي ردو علي والله كلامكم ريحني
بس اهو لما يطلع مع اهله مايقولي ويقول مايحب
الطلعه ومن هالكلام حتى مايرضى اطلع مع أمي
بصراحه كلمته بس ماكو فايده
تكفووووون بنات ادعولي الله يسخر زوجي لي

 

[دلع العتبان]

صارحيه

 

[بنت.المطيري]

مادري انا وصاحبه المرضوع غير والا انتو فيكم شي

اوكي مو شي يستدعي الطلاق لان مكان المرا بيتها هذا بالدين بس شدعووةةةه شدعوه اهو سالفته مو سالفه ديانه لان يطلع خواته وامه !!

وبعدين اهلللللج مارحتيلهم الا مره ؟؟؟؟


شدعوه عليه


قعدي معاه صارحيه

قوليبه شالسبب

 

[بنت.المطيري]

اها مايحب الطلعه:/

الصراحه مادري شقولج

اذا اهو يجابلج في البيت مايخليج بروحج دايما اشوف انج تتحملينه
واذا يحبج هم تحمليه

اذا عادي كل شي

سئلي احد من اهله ليش جذي يسوي معاج؟

 

[sosowaty]

صدقيني اكيد يختبرج و يشوفج اذا تصبرين ولا لا

والله يسخره لج يارب العالمين