متزوجه جديده وتبي تتطلق!! ساعدوني

[قلوس وردي]

السلام عليكم
بنات أنا تعبت وماعندي غيركم افضفض له
أنا وحيده أمي من البنات
أنا مشكلتي أني متزوجه صارلي 3شهور وزوجي
حاكرني بالبيت تخيلو المكان الوحيد اللي رحتله
من بدائها زواجي هو بيت اهلي!!!
تخيلو حتى الجمعيه ممنوع والله تعبت
كل يوم طالع مع امه وخواته وانا حاكرني
بنات بليييز شورو علي مالي غيركم

 

[ام فواازي]

توج في بداية حياتج معاه صبري عليه وحايليه وترى الطلعه مو كل شي اذا زين وكريم صبري
كل الرياجيل في بداية حياتهم الزوجيه يفرضون السلطه عالمره تالي تنقلب الايه

 

[aloooya]

حاولي تكلمينه بهدوء و قوليله اللي بخاطرج
اذا هذا عيبه الوحيد صبري و عسى الله يهديه

 

[iTaLiyA]

انزين ليش ما تطلعين معاهم؟
اذا اهو زين من النواحي الثانيه حرام تتطلقين عشان هالسبب
ذكري الله و تعوذي من إبليس ترا اول سنه زواج لازم تكون صعبه و فيها خلافات هذا شي طبيعي كل واحد فيكم ياي من بيت و بيئه و تربيه غير عن الثاني اصبري شوي و كل شي ينحل بالتفاهم و الله يوفقج و يهديه و يسخره لج

 

[لولو سيتي]

اول سنه زواج صعبة ترى الطلاق مو حل هذا هروب حاولي اول وبعدين لا تصكرت كل الأبواب ليكون لكا حادث حديث الله يحنن قلبه عليج ويسخره لج ومو يطعج بيس الا ويسفرج وين ما تبين قولي امين

 

[mon-amour]

استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه







حبيبتي ادعي ربج و استغفري والله يرزقج من حيث لا تحتسبين


والطلاق شيليه من راسج

مو حل

 

[*الشيـــهـانـة*]

اصبري الصبر زين

 

[بنت التمايمة]

حبيبتي اصبري شوي واحسن حل انك تصارحينه

 

[كادى الحب]

اللة يهدية لج

 

[BeNt PaRiS]

صبري الصبر مفتاح الفرج

 

[عيني عليه]

يؤؤؤؤؤؤؤ ... ترى كلهم شثقلللللل دمهم اول سنه زواااج ... وتااالي شوي شوي بتشوووفينه يتغير ... اول شي الحيين انتوا معارييس جدد للحيين ماصاارت بينكم ذييك العشره اللي تخلييه يحن عليييج وينكسر خاطره ... وبعدييين توه صارت له زووجه يمارس علييها طقووس رجولته المكبوووته من انخلق ... غير كذااا مافيه لاخبره ولاتجربه قرارااات عشوائيه واواامر بلا مبرر ... ويمكن تكووون اختبااار لج يبي يشوووف انتي شنووو ماهيتج ...

طولي بالج حبيبتي ... توج بأول المشواااار ... والزواااج يبي له صبرررررر وضبط نفسسس ... خلج احسن منه بتعاملج معاااه وانشالله تنكسرر عينه ...

الله يوفقج حبيبتي ..

 

[أأأحبه]

انا مع خواتي
ربي رضاك والجنة ~~ عيني عليه

من جد اول سنة سنتين كل شي ممنوع وكل شي لا
بسسس بعدها بتشوفين الوضع يتغير حبة حبة

وانتي حبيبتي اصبررري الزواج يبيله صبر ومع العشره بتشوفين الوضع سهل
وبتشوفين انه يحبك اكثر ويحاول يرضيك وانتي نفس الشي

حبيبتي انتي

 

[كويتية222]

ماصار لج بالقصر الا امس العصر = توج متزوجة من 3شهور وتبين تتطلقين !!

خل اقولج معلومة اول سنتين زواج من اصعب السنوات

انتي شخصية واهو شخصية كل واحد فيكم يكتشف الثاني ويبي يطوعه له لكن بالاخير كل واحد فيكم رح يقدم تنازلات

والمركب بتمشي ان شاء الله بينكم

عموما هالشهور بتحسين فيها بضيقة شوي لانج تركتي بيت اهلج والان ساكنة بروحج ومع ريل يقعد وياج جمن ساعة ويطلع للديوانية او دوامه
واذا انتي مع حمولتج نزلي استانسي وياااهم وتعرفي عليهم اكثر

 

[رتو الكيوت]

ياليل حنا وهالحكررره : (

 

[Q8Ya GiRL]

انا مع كلام ( ربي رضاك والجنه ) ١٠٠٪

وبعدين حبيبتي انتي توج عروس استانسي بحياتج
تزيني وتعدلي عشان لما يدش البيت يستانس
ولاحقه عالطلعات
صدقيني هذي فرصتج استغلي الوقت اللي اهو مو بالبيت وسنعي بيتج
وبعدين ترا اغلب الرياييل بالبدايه جذي يحرمون زوجاتهم من وايد شغلات
يكون يغارون وهم بعد بيثبتون رجولتهم ؛)
بس ترا ازمه وتعدي ان شاءالله
والله يوفقج حبوبه

 

[سموى88]

حبيبتي مدامج في بداية زواجج حطي حدود وعلميه شنو تبين بالظبط ما انصحج تسكتين ولا تصبرين السالفه واضحه انه يطيع اهله امه و خواته اهم شي عنده ما اتوقع اختبار لان ماراح يستفيد شي بالنتيجه واذا تكرر الشي معناته طبع وقفيه عند حده اذا كنتي متربيه في بيت معطينج الحرية وتطلعين وتيين بس اذا كنتي من بيت محافظ واهلج حجرين هذا موضوع ثاني خل زوجج يرتبط فيج على العموم عن نفسي احب اوضح الامور من بدايتها يعني اصبر عليه اذا كان عصبي او موقادر يتحمل المسؤوليه فاج يعني من هالامور بس والله سوالف حريم قعدي و طلع مع اهلي اسمحيلي موناقصين غثا رييايل اخر زمن

 

[حبيبه بدر]

حاولي تتناقشين معاه بالموضوع وشوي شنو وجهت نظره وقوليله انج متضايقه من هالشي

 

[dectora 7elwa]

ساليه عن السبب
خل ياخذج مع امه وخواته
اذا مو مرتاحه نصيحه اجلي الحمل

 

[• JoJo •]

الله يعييييييينك

 

[نص و نص]

ما انصح تطلعين معاه اهو و امه و خواته ....... يعني مادري لو انا مكانج احس ان خواته و امه شوي يغارون و اهو بيعوضهم ... فماراح اتضايق بالعكس بتقرب من امه و خواته و اذا بطلع بطلع معاهم من غيره عشان ما يقعدون طول الطلعه يقولون طاع شلون يحبها شلون يسمع كلامها

انصحج تتقربين من امه و خواته ..... اهم المفتاح دام اهو يطلع معاهم و يخليج