متزوجــــــات تفضلو..محتاجينكم العرايس

[Ro0ora]

حننون يعطيج العافية وربي تريحين الواحد الله يهنيج يا رب ..

وادعيلنا يالغالية​

 

[@ DLOO3TAH@]

أب .

 

[7noOna]

آب ،

 

[قلب حسون]

اب.
لعيووون العرايس

 

[حلوه بس بلووه]

مشكوووووورين

 

[ودآعتك قلبي]

,


ماآشاء الله عليكم , وحنووونة خاآصة كفيتي ووفيتي




,​

 

[قلب حسون]

عرايس حبوبات ياليت اللي عندها سؤال اواستفسار
تحطه ويردون عليه المتزوجات
ونصير كلنا مستفيدين

 

[عذبة السجآيآ]

حبيبتي انتي لاتحاتين ولاشي تدرين ليش ؟؟ انا اقولج


انتي راح تحاتين هالامور اذا تصنعتي فيها ... اما اذا تصرفتي بكل شي على طبيعتج صدقيني بتسهل لج امور واااااااجد


او شي نبدأ باللبس ...

اول اسوبع طبعا تبدأ العزايم لازم تلبسين احلى شي عندج...

وعقبها ابدي بالبدل والدراريع الناعمه والميك اب الخفيف


ولبسج عند زوجج او بالشقه نوعي فيهم من جينزا وبجايم ونفانيف .. مثلا..

بوقت الطبخ لبسي شي مريح وواسع... بوقت قعدج مع زوجج لبسي جينز وتيشيرت او تنورة قصيرة او بجاامة تصلح لقعده وتكون حلووه وكيووت او نفنوف قصير ولبسي تحته لقنز مشجر او لقنز اللي حد الركبه مادري شنو اسمه ههههه

وعندج حمولتج قلت لج من هالدراريع الزينه اللي انتي مخيطتهم واهم شي تكون مريحه بالقعده عشان ماتأذين


وطريقة تعاملج مع زوجج ...

حبيبتي اول شي اسرارج اسرارج اسرارج لاتطلع من باب شقتج اذا اولشي

وثاني شي اذا بينج وبين زوجج خلاف لاتخلينه يأثر عليج اذا وقت زيارتج حق اهله او اذا بتنزلين لهم وقوليله بأسلوب حلوو خل خلافنا بشقتنا حتى زعلنا اما لم نكون برا لا مانبي نبين حق احد شي
ولاتنسين الاسلوب الحلو معاه و الكلام الزين مثل (( لبيه ,, ان شااءلله ,, انت تامر ,, من عيوني ,, ابشر ,,,ياقلبي ,, ياعمري )) ترا الرجال يحب يسمع من زوجته هالكلام يستانس ويطير فيهها طييير


حمولتج وخالتج ,,,,

ااهم ماعليج بعد زوجج اهي خالتج,,,, خالتج خليها امج بالبيت اللي انتي فيه ,,يعني

اذا نزلتي لهم او زرتيها بوسي راسها,,,بوقت مناسبه جيبي لها هديه ,,,, انتي طالعه مكان تنقصي لها بـحلو او كيك او اكل من برا وتتعشون مع بعض

حاولي لما يجونها ضيوف تصبين الجاي والقهوه عنها ورحبي وهلي بالضيوف اللي يجوون وطلبي لها حلو وسولفي وتغشمري بس بأسلوب حلوو وراااقي مو قرقره

بقعدتكم العاديه اسمعيلها اكثر من انج تسولفين ,, واذا سولفت عليج وفيه شي يضحك اضحكي وقولي ياعسى ربي يخليج لنا والله سوالفج تهبل او يازين سوالفج

دشي معاها المطبخ او انتي دقي عليها وقولي اليوم القهوه عليج او بتشيلن نص الطبخ اليوم او سوي لها مفأجاه وسوي العشا او طلبي من برا من مطعم حلوو


حموااتج,,

اعتبريهم خواتج ,,, حسيتي شي يضايقج مننهم سكتي وطنشي ولاتقولين حق زوجج ابدا ديري بالج ... سألونج شي عن جاوبيهم بكل صراحه لاتخشين شي لان مصيرهم يدرون اذا سألوا احد غير فـ موحلوه تطلعين بعينهم جذابه << محشومه

سولفي معاهم عن الدوام او الدراسه او عن مواقف مضحكه يعني خلي قعدج مع حمواتج كأنهم رفيجاتج ولاتصيرين رسميه وحسااسه لالا مشي الامور عشان الحياه تمشي

واذا انتي موساكنه عندهم قبل لاتطلين قولي ماقصرتوا على العشاء وان شاءالله لي جيكم لكم والله استانست بس الوقت تأخر



حريم الحموان ...

طبعا حريم الحموان دايما نسمع ان بيهم غيره ,, فأنتي خليج على طبعج اذا موجودين سولفي وضحكي بس بأحترام واسلوب حلوو بس موعلى طول الخط وانتي قاعده تسولفين لا اذا فيه سالفه شاركيهم اذا اخذوا رايج او بتضيفين شغله,,

واهم شي اهم شي اسرار حمولتج ماتطلع من بيتهم,,, واسرار اهلج ماتطلع لهم ,,, واسرار بيتج ماتطل من بيتج

واهم شي ادعي هالدعاءحيييييييييل مفيد ورووعه وعن تجربه

(( اللهم اقنعني واهلي به ,,, واقنعه واهله بي ))

وعسى ربي يوفق واي شي تبينه انا بالشوووفه حبيبتي

 

[لولو كـاتي]

من جد بنات ننتظر اسالتكم حتى لوكانت مالها داعي اي شي عادي تجي هالحالات خخخخخخخخخخخخخ

 

[7noOna]

^
^

درر سنوووفه

- عرايس سمعوو كلامنا عدل ترا والله من قلب كلامي وكلام سنووفه

و اذا تبون دروس بعد قولو


- نصيحه للي يدشون قسم الزوجيه :: لا تتأثرون بالعضوات اللي يشيشوونكم علي رياييلكم و حمولتكم ،، ترا اغلب هالبنات مو مرتاحين بزواجهم ويفضفضون لا اكثر ولا اقل

 

[بحر الوفاء]

مشكوره حبيبتي ع الموضوع

وكل اللي عطونا خبراتهم جزاهم الله خير

 

[^غرام^]

يعطيكم العافيه ومنكم نستفيد

 

[تنآهيد ..~]

مآشآء آلله
أم عزوز وحنون وسنوفه مآ قصروآ كفوآ ووفوآ
آلله يوفقهم ويسعدهم يَ رب :$

 

[قلب حسون]

سنافيه كلامك دررماشالله تبارك الله وهذافترة زواجك قصيره
الله يسعدك يارب ويرقك الذريه الصالحه
الله لايحرمنا منا مكم انتي7 نونا . .
وتاكدودروسكم ماراح ننساهابأذن لله الله يسعدكم

وين باقي المتزوجات ندااااااء وينكم!

 

[قلب حسون]

طيب انا راح اسأل....

بعدمانطلع من القاعه
ونرووح الفندق انا حاطه في بالي اني اول مااوصل بجلس شوي بالفستان
وبعدها باخذشووورعلشان اجددريحة العطرومزيل العرق
بعدالشوورمفكره البس فستان قصيرنعووم >>خايفه البس قميص النوم ويفتكرني مستعجله؟؟؟ قولولي رايكم

وبرضووالتسريحه اقول ماراح اسوي حوسه وبعدين اجلس اتعلق فيها وافككها؟؟؟

تعرفون هذاك الوقت بكوون بحاله الله العالم فيها....

 

[عذبة السجآيآ]

^
^

درر سنوووفه

- عرايس سمعوو كلامنا عدل ترا والله من قلب كلامي وكلام سنووفه

و اذا تبون دروس بعد قولو


- نصيحه للي يدشون قسم الزوجيه :: لا تتأثرون بالعضوات اللي يشيشوونكم علي رياييلكم و حمولتكم ،، ترا اغلب هالبنات مو مرتاحين بزواجهم ويفضفضون لا اكثر ولا اقل

بعد عمري والله


وصااااجه زين نبهتيهم عن قسم الزوجيه لان بصراحه البعض من المواضيع تشيب الراس :eh_s(11):

يعني بنات دشي الموضوع اللي تحسون انه بيفيدكم لاتجذبكم العناوين للمواضيع

يعني مثلا عنوان ,,, شلون اتعامل مع زوجي او ابي اسوي حفله لزوجي او شنو اهدي زوجي او خالتي يعني المواضيع المفيده

اما اللي تحسين انها مشاكل وجذي لاتقرونها عشان ماتحسسون او تخافون من شي وتفكرون بالمشاكل وانتو بأول المشوار

 

[عذبة السجآيآ]

طيب انا راح اسأل....

بعدمانطلع من القاعه
ونرووح الفندق انا حاطه في بالي اني اول مااوصل بجلس شوي بالفستان
وبعدها باخذشووورعلشان اجددريحة العطرومزيل العرق
بعدالشوورمفكره البس فستان قصيرنعووم >>خايفه البس قميص النوم ويفتكرني مستعجله؟؟؟ قولولي رايكم

وبرضووالتسريحه اقول ماراح اسوي حوسه وبعدين اجلس اتعلق فيها وافككها؟؟؟

تعرفون هذاك الوقت بكوون بحاله الله العالم فيها....

حبيبتي او ماتوصلين الشقه قعدي مع زوجج شوي خليه يشوف كشختج ومكياجج

لما اهو يقولج روحي بدلي

بعدها غسلي الميك اب واخذي شور وحطي ميك اب خفيف وطبعا تكونين ماخذه جنطه صغيره مالت الميك اب

وبعدها لبسي قميص النوم لاتلبسين فستان لا اذا لبستي فستان مصيرلج بتبدلين وتلبسين قميص وتنامين فيه صح :eh_s(10):


واهو ماراح يفكر انج مستعجله على شي لان الرياجيل يعرفون اكثر مني ومنج يعرفون ان القميص لنوم وانج بتلبسينه اخر شي يعني من الاخرر لاتعبين نفسج وتبدلين اكثرر من مره :eh_s(22):

والتسريحه بقولج انا شنو سويت وسوي نفسي

قلت حق زينب اللي ببستكي ما ابيج تسوين بشعري شي حطيلي استكشن << مادري شنو اسمه لاتضحكون علي ههههههههههههههه المهم

لمت شعري كله وسوتلي بف كبيره وحطت الطاقيه الشبك ونزلت لي قذله على الجبهه وباجي الشعر تركيب ولم رحت شقتي ارتحت بس قطيت الشعر التركيب وشلت الطاقيه الشبك وبطلت شعري ولا اهو مستشور وخااااالص :eh_s(15):

انصحج تسوين جذي لايسون بشعرج تسريحه خليه كله تركيب

 

[قلب حسون]

يسعدك ايامك
سنافيه. . وبخصوص التسريحه راح اسوي مثلك لانو المشاغل الله يهديهم
يعفسون الشعربهالسبيري . .
يؤؤؤؤؤؤعرايس وينكم معقوله مافي اسئله

 

[طلتي هيبه]

حننوووون كلامج عسل الله يوفقج و يخليلج زززوووجج و اهله

 

[عروس محتاره]

يعطيكم الف عافيه على النصائح ............