متزوجة وتربين قطوة ؟؟ تعالي

[اعشق فهاوتي]

هلا بنآآت:nbvppw:



شحاالكم



أنا حبيت أطررح هالموضووع خصوصا للمتزوجات اللي يربون قطاوة :eh_s(4):



هل حسيتي تربية القطوة سببت لج مشاكل فالحمال؟

او ان هلج او اهل ريلج يحنون عليج تتركينها لانها تسبب مشاكل لج كـ بنت متزوجة

او ان تاخر حملج وربطوة بتربية القطوة

او حملتي واجهضتي لاسمح الله وربطوه بالقطوة ؟



انا متزوجة من فترة قصيرة واربي قطوتين

وللحين ماحملت

واهلي واهل ريلي يقولون كله من القطاوة وديهم عشان تحملين



يالله كل وحده متزوجة تقول تجربتها مع تربية القطاوة :ggdw:​

 

[اعشق فهاوتي]

قيد الانتظار :edbf4317b9:​

 

[شقاوه وحلاوه@.@]

انا والله مادري ربيت قطاوة ما سارلي شي بس للعلم تراني مو متزوجه خخخخ

وترا صح مثل ما قاولو القطوة تسبب الاجهاض للحامل يعني مو زين تربين قطوة وانتي حامل لازم تخلصين الحمل بعدين عاد كيفج وفي موضوع موجود اسمه موضوع كامل ع صحه القطط اقريه وانشالله افدتج

 

[mis soso]

انا مو متزوجه

لكن اللي سمعته ان ماتاثر على الحمل يعني عادي تحملين

والله اعلم

 

[اعشق فهاوتي]

مشكورين بنات اللي ردو

بس شكلها انا الوحيدة اللي هني متزوجة واربي قطاوة:001::eh_s(6):​

 

[نمله معضله]

http://www.q8yat.com/t1066832.html
ان شاء الله يفيدج الموضوع مسويته شقاوه حلاوه @.@ ماقصصرت والله

 

[اعشق فهاوتي]

مشكورة نملة
بس القصد من موضوعي ان أجوف تجارب البنات المتزوجات مع تربية القطط

 

[بنت ديارتى]

عزيزتى مساك الله بالخير

انا متزوجه من زمان جدا وعندى 3 اولا د كبار

واربى من وانا بنت صغيرة فى بيت الوالد

والقطط ماسوتلى شئ

ولكن علشاد ارد عليكى صح لازم تعرفى شئ مهم ان القطط سعات تكون احد اسباب سقوط الحمل

ولكن مش هى لوحدها كمان عمرها ماتكون سبب لعدم الحمل

وببساطه ان اللى بسبب سقوط الحمل هو وجود نسبة عاليه من الانتى بلازموز بالدم

وتقدرين تعرفيها بمجرد تحليل بسبط والمفروض كل واحده تسوى التحليل قبل الزواج وليه علاج

وبعدها مايحصل سقاطه ويكمل الحمل على خير

وفى ناس كتير ماعندهم قطط ويخافون منهم ولا يقدرون يشفونهم من بعد حتى ومصابون بنفس المرض

وده لان اسبابه كثيره ومنها

مربى الطيور ممكن يصاب

اكل اللحوم الغير كاملة السوى 100% مصاب

اللانشون والبسطرمة بكثرة تسبب هذا المرض

وللعلم حتى لو القطه مصاب بالمرض ده فالعدوه منه عن طريق تكرمون الخروج مالها

اذا لم ينظف مكانه اول بأول فبعد مرور من يوم الى 5 ايام عليه يعدى عن طريق لمسه

واعتقد ان ده من المستحيلات عندنا وان حصل بنغسل بالمطهرات فورا

بمعنى اصح القطط مظلومه من كل الامراض المنسوبه لها

وكان هنا موضوع عن الصيدلانى وهو احد علماء الطب ايام الاسلام فى سالف الزمان

عمل كل الابحاث عن القطط ولقى انها لاتضر ولا تصيب الانسان بأى امراض ماعدا

موضوع الخروج اذا كانت تحمل المرض وده بنسبة 10% ومن حكمة الله علينا ان الهما ان تدفن حاجتها بالرمال

وهذه الرمال طهوره والدليل على ذلك اباحة التيمم بالرمال اذا ماوجد ماء

وعساكم بخير ان شاء الله

 

[اعشق فهاوتي]

بنت ديارتي مشكورة على مشاركتج يعطيج الف عافية
ان ا اعشق القطاوة
بس الأهل الله يهداهم

 

[Ańwăr Almlěssờń]

شوفي الاجهاض هو سببه (داء القطط )

وهذا سببه طفيل يتكون ببراز القطط بعد 24 ساعه من اخراجه !

وهذا الداء ينتقل للحامل وممكن يسبب لها اجهاض


هذا الطفيل مو موجود بالقطه نفسها لاء الحامل تقدر تمسك القطوه و تلعبها و تمشطها و غيره

هذا طفيل يتكون داخل اللتر بوكس (التراب ) خلال 24 ساعه

اذا كانت البيئه نظيفه و البيت نظيف واللتر بوكس ينظف يوميا و يغسل بالكلور اسبوعيا وو نظافة القط شخصيه

اهني لا تخافين من اي شي

 

[اعشق فهاوتي]

أنوار ماقصررتي وتسلمين عالمرور

 

[lojeeen]

امي ربت قطاوه في حمالها الحمدلله جابتنا كلنا صاحين

دامج مطعمه قطاوتج و تنظفين اللتر بوكس كل يوم و تسبحين قطاوتج اسبوعيا و تمشطينهم فما عليج خوف

تقبلي مروري

 

[اعشق فهاوتي]

لوجين لاهنتي عالمرور
أنا اسبحهم دائماً بس آحين يوم أكبروا الذكر صار صعب فالسبوح ومايقدرون عليه العيادة الا بأبرة تخدير عور قلبي
ماصرت اسبحه شيطان مشاءالله عليه لو تشوفينه تحسين فيه هيبه ملك فديته

 

[Ańwăr Almlěssờń]

لا لا لا


غلط تسبحينهم اسبوعياَ

الاستحمام بالشهر مره او مرتين فقط لا غير

لان القطاوه عندهم طبقة مناعه خارجيه على جلدهم اذا سبحتيهم اسبوعيا راح تفقد هالطبقه المكونه من البروتين الي اهيا تسويه بلعابها

راح تصير عرضه للامراض

عشان جذ

 

[Ańwăr Almlěssờń]

سوري ما كملت


عشان جذي حتى الكتنز الصغار مايصير تسبحينهم الا بعد شهرين لان ما عندهم هالطبقه من الحمايه

وشوكرآ

 

[اعشق فهاوتي]

انوار مشكورة حبيبتي على تفاعلج
آحين يوم كبروا مسابحهم صاروا صعبين وايد ماينقدر عليهم آحين اكثر من ٤شهور ماسبحتهم عمرهم سنه احين

 

[اعشق فهاوتي]

صح نسيت امس كنت عند دكتورة نساء سألتها اذا القطاوه ياثرون عالبنت او الحرمة المتزوجة قالت لا ثبت علميا ان القطاوه بريئه من هالاتهامات
وبعد يوم كنت في تايلند سألتهم نفس الكلام قالوا لي

 

[جنون أنثى]

حبيبتي أنا متزوجة من ٣ سنين و عندي قطو من قبل الزواج و لما تزوجت أخذته معاي و حملت و يبت ولد و القطو لي الحين عندي و أنا حامل مرة ثانية
و كل شي تمام اللهم لك الحمد

 

[اعشق فهاوتي]

جنون زين الحمد لله الله يتمم عليج
ومشكورة ع المرور والمشاركة

 

[cady24]

توكلي على الله حبيبتي
ان شاء الله يرزقنا ويرزقكم​