متزوجات و مطلقات تعالوآ شوي :$ !

[mmloo7a]

اول شي اهو طلب يكلمج ؟ طلع رقمج وتواصل وياج ؟
اذا اي انا اقول لاتردينه بعد زوجته انتي كلميه مافيها شي واذا متحفظين مولازم طلعات برى بالببت
بعدين يمكن يتطور الوضع يتعودون عليه اهلج ويوافقون تطلعين

بس اشوف انه اهو اللي رافض الفكره ويقول لاخوه لاتكلم مرتك !
فشلون بتكلمينه و تشاورينا وهو معارض هالفكره :/
اهيا كفكره مو معارضينهاا حلوه بس اهو مومقتنع شبتسوين !

واللي تقول الملجه احلى ايام استغليها الزواج عقب غير احب اقول شالفايده عيل بس استانس جم شهر وحياتي الباجيه مش حالك :/
او يعني اتذكر الملجه واستانس لوول غير ان مو كلهم نفس الشي بوقت الملجه في مشاكل
اكيد لان تو بادي التعارف وفي خلافات مرات تسبب فسخ الملجه فلا يبينون لج انها احلى فتره
ان شاء الله ايامكم بعد الزواج احلى واحلى

كلامج صح 100%

بعض البنات يقولولها هذي احلى فترة

يعني ليش بس الملجة بس وليش موبعد الزواج يكون أحلى لمن تكونون ببيت واحد بتكون أحلى وأحلى

موشرط يمكن بالملجة تكونون بعيدين عن بعض او تكون بس فترة طلعات ومكالمات وكل واحد ببيتهم

ف ماراح تعرفه عدل الا لمن تعاشره

ولله فترة الملجة يمكن يصير موقف وخلاص تاخذ عنه فكره على طول وماعرفت خيره من شره وتفسخ الملجة وتقول مابي ومابي لان ماعرفته عدل ولا عاشرته

يعني عادي كلميه شويه وطلعوا جم طلعه ولاتمصخونها 24 ساعه لازم لازم تكلمون بعض ميخالف تعرفوا على بعض وخلوها فترة حلوه ولاتحكمون بسرعه على المواقف

لان حرام يمكن انسان زين ومثلا في اشياء مايعرفها خصوصا لمن يكون ماعمره كلم بنت بحياته

الفترة هذي بتكون شوي اصعب من بعد الزواج لانكم داخلين بمرحلة يديده و

بعدين راح تحبينه مع العشره اذا كان رجال سوي

يعني يالملجة مستانسين ولا بعدين ماراح نستانس ؟

انا اقول الملجة مهما كانت راح تكون فترة حلوه بس موأحسن من الزواج

يعني اثنين توهم متعرفين على بعض كل واحد يعرف طبع الثاني تالي راح تحبينه أكثر من الملجة

بشرط تكونون مقتنعين ببعض

 

[المبهمه]

كلميه احسنلج
بس لاتكثرين المكالمات عشان مايمل منج ويبقى عنصر الشوق موجود

 

[((shoOoshoOo))]

كلميه بعد صار زوجج لازم تعرفين طبايعه وعلى حسب اسلوبج ماراح يمل منج

 

[mmloo7a]

اهم شي كلميه عادي واستانسي معاه موبس تصيدين عليه وتشكين فيه وتسويله سوالف

خلكم طبيعييييين حيل وتجنبي المشاكل

 

[عبوه]

أنا ما قهرني الا كلمته بعدين تمل منها .. ليه هو محدد كم شهو او كم سنه بعد الزواج وبعدها يقول مليت منك ؟

وش هالتفكييير !! خايف يمل منك بفتره 4 او 5 شهور و مو خايف بعد الزواج يمل منك او لا ؟

لييه انتي مو شئ راح يشتريه واذا مل منه بيغيره .. غريب تفكيره ، بالعكس المفروض يكون متحمس ويبي يتواصل معك مثل آخوه و بنت عمك

لو قايل انه مايحب التعارف الا بعد الزوااج اهووون من الي قاله .. ع العموم وجهة نظره ..


آنتي اذا تبينه و مرتاحه له ، الله يوفقك و يكتب لك الخير ..

 

[Brazilya sa]

كلميه لا تصيرين مثلي انا كنت مستحيه وماكلمته الا بيوم الملجه بالمحكمه كنت غبيه و طلع خروف امه يمشي على كلامها وكاني انا تطلقت .. لا تصيرين مثلي

 

[melt molten]

هذي احلى واجمل واونس فتره حرام اطوفج صدقيني باجر اتحسفين بالعكس هالشي راح يعرفج عليه عدل ويخليكم صج اتعلقون ابعض اكثر .. باجر لي رحتي عنده حمل وطبخ وعيال ومغثه عالاقل لي قعدتوا مع بعض تذكرون ايام الملجه وصدقيني لو عرسكم بعد سنتين هالفتره راح اتعدي بسرعه صدقيني لا اتضعينها راح احسفين ،، والله يوفقج

 

[MiSsY HottY]

لا ماراح يمل صدقيني دام ما نام وياج سوري على هالكلمه بالعكس اذا كلمتيه راح يظل متشوق لججج اكثر واكثر عن تجربه

 

[Kocheko]

:eh_s

يعني شلون على مدح إخوانج؟! زوج وإلا سيارة اهو؟!
منو اللي بيدخل معاه غرفة وحدة وينام معاه على فراش واحد؟! إنتي و إلا إخوانج؟!
شلون تقبلين على نفسج أصلاً بيوم و ليلة تتعرين جدام رجل ما تعرفينه ولا تعرفين أسلوبه ولا كلمتيه ولا كلمج؟ لي متى هالعادات البايخة اللي تعارض شرع الله أصلاً؟! زوجي حلالي على سنة الله و رسوله و ما أكلمه ولا يكلمني؟ وشنو مبدأ ملجتنا مطولة واخاف اذا كلمته يمل مني؟ عادّة نفسج مسلسل وإلا فلم طويل و ينمل منه!
انتي بشر و هو بشر..أرواح تحتاج تتآلف و تتودد لبعضها البعض..تفهمينه يفهمج تتعرفون على طبايع بعض شنو يحب و شنو تحبين مو خذوه فغلوه قبل ساعة كان غريب و الحين نايم يمي عالفراش!!!
ما يجوز احنا مو بهايم مكرم القارىء..
انتي الحين انسانة مسؤولة عن نفسج..وهذا زوجج على شرع الله يعني حلالج و انتي حلاله..كلميه و تعرفي عليه و قطوا هالعادات السخيفة اللي ما أنزل الله بها من سلطان..دفنوا هالعادات الدنيا تطورت و احنا ما عدنا بسنة 1900.

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):