متحطمه حيل ؛

[قَلبڪْ صًخرْ]

سلام
عندي كذا استفسار تحملوني
مشكله البجر والخوافه


انا لي الحين 19 يوم بضبط من ولددت
الحمدلله :/ واذا كنتو تابعوني الخياط ذبحني
وقتلني ؛ وجيكت عليه طلع فيه ندب
عطاني دكتوري كريمات استمر عليهم لاخر النفاس
عشان يروح هالنتفاخ ؛
طبعا انا ماشفته بس اتخيل الشكل

منو صار لها وراح ؟ لي 10 ايام من حطيت
كريم الندبه وماكو اي فرق

حيل حيل متضايقه احس تشوهت المنطقه مع العلم ماشفت المكان
بس من خلال اللمس شي يضيق الخلق



؛

شغله الثانيه
للحين ينزل دم ، يوم ويوم افرازات بنيه صفرا وجذي

عادي ؟؟؟




وشغله ثالثه
عندي الم بالمهبل ؟ عادي او الخياط خايس ومعفن !!!
وخرب كل شي !!!


شغله رابعه
العقده الاخيره مالت الخياط
ماطاحت وتعورني عادي ؟؟







متى تعرف الوحده انها تمام بنفاستها ؟
لان غاسله ايدي من خياطي مو ضامنه انه زين


وطبعا كله بسبت ولادتي المتعسره
ودكتور الا يولدني طبيعي والله لو والده قيصريه
ابرك من تشويه الي صار ، مادري ابالغ مادري مسبقه الامور
بس الندب محطمتني توني بجر واول بيبي وجذي
عقب شنو بيصير بالمكان !!!


فكرت وايد اروح لدكتور ثاني يشوف لي حل
بس خايفه خصوصا اني كنت بموت من خياطي
وربي 15 يوم بعذاب بجحيم كنت بس ابجي
فكل مافكر بالكشف وربي ريولي تنافض
عشان بس يجيك عالخياط دكتوري بجيت
وكنت ارجف دكتوري يقول خلاص ولدتي المفروض
انتي اقوى بس للاسف تجربتي حيل سيئه



ادري قرقت حيل بس من الي احسه
متحططططمه حيل

 

[~Jana]

وااي الله يعينج انا بجر مثلج بس ليلحين ما ولدت
توني بالشهر الرابع حمل

جربي دكتور ثاني لا تهملين نفسج اما اسألتج والله
ما عندي فكرة والله ان شاء الله البنات يفيدونج

 

[3aly mstway]

هدي هدي


ماكو شي ان شاءالله


اختي الدكتوره شاقتها غلط تخيلي والتهب الخياط وماتنام الليل منه منتفخ حييييييييييييييييييييييييييييييييل


راحت لدكتوره وعطتها غسول و كريم وراح كل هاذااا

لا توسوسين


والدم عادي ينزل عليج اشكال والوان اهم شي احرصي على ادوية الانفااااس و الاعشاب وتدفي


ومافيج الا العافيه

 

[قَلبڪْ صًخرْ]

جنا ياعل ربي يرزقج بالولاده سهله

 

[قَلبڪْ صًخرْ]

عالي مستواي
ربي يرزقج ذريه طيبه


غصبن علي
احس تعقدت :/

وان شالله يروح


مشكوره عالرد

 

[انا لحبيبي .]

روحي حبيبتي للاطمنئنان احسن

ولاتخافي الله بهونها ان شاء الله

وحمدلله ع سلامتك ومبروك ما اجاكي

 

[حبيبة اهلهاا]

قلبك اذكر انج والده عند الاسطل مو ؟؟

بالعكس ابشرج ما فيج الا العافيه الي صار فيج صار فيني بالضبط

و بعدين انتي بجر اكيد كل شوي توسوسين ترا كل هذا يروح بالاربعين لا تحاتين

انا من طلعت من الاربعين و انا ما فيني شي و صار فيني مثل ما صار فيج و عقملي المنطقه

و عطاني كريمات ترا عادي لا تحاتين

والله كل شي يرد بالاربعين

ادعيلي

 

[@فيروز]

بسم الله عليج قلبك صخر لا تحاتين وايد هدي نفسيتج تحس انج حيل تفكرين وتوسوسين عادي خل امورج طبيعيه لا تاخذين الامور بقلق وخوف وليش وصار الحمدلله وادتي بسلامه وبنتج بصحه وانتي توج نفاس لازم الخياط ريضه عليه انتي تنقعي بملح خشن واللله واايد ممتاز انا لو اقولج سنو يصير فيني ماتنامين هههههه المنطقه الحساسه تورم عندي من قوة الطلق وتصير لي كتل دمويه
وبعد الولاده ع طول ياخذون قفاز ويبترسونه ثلج تخيلي بعد الولاده مباشره ويعطوني اياه وقولون خليه فوقها دم وخياط وجرح وتعب ولاده بس ان شاء الله تنسين وتطيبين بس مو بيوم وليله شوفي الحمل تسع شهور وتحملتي النفاس شهرين ثلاثه وتتراجعين وتصيرين مثل قبل بس انتي لا تتحسسين وايد اهتمي بأكلج شربي اشياء تنزل الدم القهوه مالت النفاس شطفي نفسج بملح خشن بنسبه لي واايد ممتاز وينشف الجرح والندب بعد يخففها ويطهرج من الدم والاوسا خ شويه ديتول طبعا طريقته اترس لي البانيو ماي دافئ مع شويه ديتول وماح واجلس فيه خمس دقايق وبعدها اطهر زين وانشف وماعليج الا العافيه بس انتي لا توسوسين وتدعيلي اواد بسهااه واجيب ولد يااارب

 

[قَلبڪْ صًخرْ]

فيروووز امين ياربي يسهل عليج
ويرزقج بالولد الصالح الي يبر فيج

كلامج طمني الحمدلله


انتي وحبيبة اهلها


يزاكم الله خير


ان شالله الوسواس يوخر عني من حملت
صرت وسواسيه اعوذبالله
قبل شخصيتي غيييير وكله متفائله
الحين كله متشائمه
احس يبي لي تاهيل نفسي
وربي لك الحمد عالنعمه الي فيها

وان شالله بسوي الي قلتووو عليه
وماعلي شر

 

[قَلبڪْ صًخرْ]

انا لحبيبي ماقصرتي فددديتج
بجيك ان صكيت شهر ان شالله

 

[تبطي عظم!]

قلبك صخر

هدي وسمي بالرحمن عادي حبيبتي توج ليش موسوسه انا اثر الخياط كان مبين

وبعد ٣ شهور شفت المنطقه ولا ردت طبيعي ومافيها اي شيء بس التزمي بالكريمات

طبعا الدم والوصخ اكيد بينزل انا ٣٠ يوم يالله نظفت

الالم بالمهبل راجعي الدكتور وسأليه اخاف التهاب معاج !!

الخياط ماراح تعرفين اذا اوكي او الا بعد الاربعين

والعقده الاخيره بالخياط دايما اطول ماتطيح علطول

 

[فـراوله]

لا تحاتين نهائي كل شيء بيرد مثل ما كان وأحسن

لا توسوسين


​

 

[Mrs.H]

ماعندي خبر بس ماتشووووفين شررر ياارب وان شاءالله تنحل مشكلتج بسرعة

 

[مشتطـه]

حبيبتي انتي

اول شي انا مانظفت من الدم الا متأخر وابشرج طلعت من النفاس والافرازات اذتني ما وقفت
يعني فوق ما اني طلعت من النفاس
ياني هم ثاني الافرازات

لا تحاتين
كلنا كنا مثلج


انا ابشرج حتى الهوا يطلع على شكل فقاعات من جدام ايام النفاس

مت من الهم عبالي اني خبانه بس الحمدلله ماشيه عالادوية عدل وعلى كلام امي
وطلع كل شي زين

انتي بفتره عاذرينج فيها حيل كئيبة وتضيق الخلق ادري

بس حاولي تقولين لو الولاده وبلاويها لي هالدرجه صعبه ما كانو هالحريم كل وحده تييب 6
7

سهالات مجرد وساوس لا تحاتين

 

[مشتطـه]

ونطري عقب 6 شهور بيزوغ قلبج عالبنوته لي بدت تستوعب وتلعب وتناغي وبتنسين كل شي

 

["*آآآنؤؤؤقهـ*"]

ماعرف واي الله يعينج

انا والده قيصري ..

 

[seedo]

سلام
عندي كذا استفسار تحملوني
مشكله البجر والخوافه


انا لي الحين 19 يوم بضبط من ولددت
الحمدلله :/ واذا كنتو تابعوني الخياط ذبحني
وقتلني ؛ وجيكت عليه طلع فيه ندب
عطاني دكتوري كريمات استمر عليهم لاخر النفاس
عشان يروح هالنتفاخ ؛
طبعا انا ماشفته بس اتخيل الشكل

منو صار لها وراح ؟ لي 10 ايام من حطيت
كريم الندبه وماكو اي فرق

حيل حيل متضايقه احس تشوهت المنطقه مع العلم ماشفت المكان
بس من خلال اللمس شي يضيق الخلق



؛

شغله الثانيه
للحين ينزل دم ، يوم ويوم افرازات بنيه صفرا وجذي

عادي ؟؟؟




وشغله ثالثه
عندي الم بالمهبل ؟ عادي او الخياط خايس ومعفن !!!
وخرب كل شي !!!


شغله رابعه
العقده الاخيره مالت الخياط
ماطاحت وتعورني عادي ؟؟







متى تعرف الوحده انها تمام بنفاستها ؟
لان غاسله ايدي من خياطي مو ضامنه انه زين


وطبعا كله بسبت ولادتي المتعسره
ودكتور الا يولدني طبيعي والله لو والده قيصريه
ابرك من تشويه الي صار ، مادري ابالغ مادري مسبقه الامور
بس الندب محطمتني توني بجر واول بيبي وجذي
عقب شنو بيصير بالمكان !!!


فكرت وايد اروح لدكتور ثاني يشوف لي حل
بس خايفه خصوصا اني كنت بموت من خياطي
وربي 15 يوم بعذاب بجحيم كنت بس ابجي
فكل مافكر بالكشف وربي ريولي تنافض
عشان بس يجيك عالخياط دكتوري بجيت
وكنت ارجف دكتوري يقول خلاص ولدتي المفروض
انتي اقوى بس للاسف تجربتي حيل سيئه



ادري قرقت حيل بس من الي احسه
متحططططمه حيل

ويييييييييييه حدج حدج وسواسيه صكيتي علي هههههههههه

الندوووب شي طبيعي جدا راح تخف مع الوقت وتخف تماما بعد 6 شهور عاااادي توج والده بسم الله

الافرازات بالنفاس عاديه طول الاربعين لان الرحم لازال ينظف نفسه استمري بالادويه ومافيج اللا العافيه