متجدد: كل ما يخص مادة الرياضيات من صور\ وسائل\أفكار\ألعاب تربوية\دروس\تحاضير..إلخ

[ablah_mariam]

أ
و بالنسبه لقطع دينيز, آنا شفتهم بصراحه حيييل غالين, فسويتهم عالكمبيوتر و طبعتهم و قصصتهم بعدين غلفتهم و رديت قصصتهم و حطيت لهم مغناطيسات, صاروا شحلاتهم.
بس كثرت وحدات و عشرات و أعتقد ما سويت لا مئات و لا آلاف, يمكن لأني ما احتجتهم واجد, إن شاء الله راح أسويهم هالسنه. بس ودي كل فئه أسويها لون, لأني سويت الوحدات و العشرات نفس اللون.

أنا سويت مثلج طبعتهم وغلفتهم عقب قصصتهم لان سعرهم غالي واحنا محتاجين كمية كبيرة عشان جذي هذا ملف فيه مصور لقطع دينيز كل الفئات ما عليكم الا تسون لهم برينت بالعدد اللي تبونه .. وللعلم اكثر شي تحتاجونه وحدات وعشرات كثروا منهم

للتحميل

قطع دينيز 2


حتى مصورات النقود المكتبة يحطون من كل فئة صورة ( دينار وربع ونص وعشرة وخمسة وعشرين ) ويبيعون المجموعة كاملة واحنا غالبا نحتاج الدنانير بكميات كبيرة اكثر من غيره عشان جذي طابعتي فيها تصوير ملون حطيت الفلوس وصورتهم وبكميات معقوله وغلفتهم وقصصتهم وطلعوا شحلاتهم وبنفس حجم الفلوس الصجية

 

[ablah_mariam]

خواتي المعلمات الجدد اذا مو عارفين طريقة ترتيب دفتر التحضير وشنو تحطون فيه من البداية انا بالخدمة

 

[أغلي الناس ميشو]

يعطيكم العافيه والله يرزقكم من حيث لاتحتسبوووووون يارب

ابله مريم الله يوووووفقج بحياتج ياااااااااارب انا تعين جديد وحدي خااااااااايفه
ياليت تعليمينا شلوووون طريقة التحضييييييير

لان انا نزلت بالميداني علوووووم وتوظفت علا الرياضيات

فمحتاجه مساعدتكم ......

 

[رضاهم جنه]

روووووووعه وتسلم هالايادي يا المها

 

[المـــــها]

ابله مريم حطيه للفائده حبيبتي عساج ع القوه ياعسل

 

[RowTow]

أنا سويت مثلج طبعتهم وغلفتهم عقب قصصتهم لان سعرهم غالي واحنا محتاجين كمية كبيرة عشان جذي هذا ملف فيه مصور لقطع دينيز كل الفئات ما عليكم الا تسون لهم برينت بالعدد اللي تبونه .. وللعلم اكثر شي تحتاجونه وحدات وعشرات كثروا منهم

للتحميل

قطع دينيز 2


حتى مصورات النقود المكتبة يحطون من كل فئة صورة ( دينار وربع ونص وعشرة وخمسة وعشرين ) ويبيعون المجموعة كاملة واحنا غالبا نحتاج الدنانير بكميات كبيرة اكثر من غيره عشان جذي طابعتي فيها تصوير ملون حطيت الفلوس وصورتهم وبكميات معقوله وغلفتهم وقصصتهم وطلعوا شحلاتهم وبنفس حجم الفلوس الصجية

إي آنا بعد سويت فلوس. بس اللي سويتهم بس فئة العشره لأنها إللي احتجتها السنه اللي طافت.
و فعلا آنا بالميجاني شريت فلوس حاطين ورقه وحده من كل فئه و مادري بجم بس سعر مو حلو بصراحه.
شغل إيدج أنظف و أرخص و أضبط بصراحه.

 

[ablah_mariam]

دفتر التحضير اول شي في شغلات ثابته كل كورس مثل الأهداف العامة وأهداف الرياضيات وكل وحده حسب شغلها وابداعها بتزيين هالشغلات في بعض المدرسات الله يهديهم صورة قديمة وكل سنه تصورها ابيض واسود وتلصقها بالدفتر بس دفترج هو صورتج جدام اللي يزورونج وأصلا اذا ما كان مرتب ومزين نفسياً ماراح يكون مريح حتى للمعلمة نفسها


أول شي بأول صفحه أنا احط بسمله والصفحه الثانية احط اسمي ومادتي والمرحلة تحسباً للظروف يضيع ولا شي وبعدها جدول الحصص و التوقيت
وبعدها بالصفحات بالترتيب الهدف العام للتربية - أهداف المرحلة الابتدائية - اهداف دريس الرياضيات - رؤية المدرسة ورسالة المدرسه (وهذي حسب المدرسة اللي انتوا فيها ) - توزيع المنهج - كشف الاسماء - كشف الحاللات الخاصه وبعدها أبدأ اول درس للتحضير


وهذي الأهداف


الهدف العام للتربية :


تهيئة الفرصة المناسبة لمساعدة الأفراد على النمو الشامل المتكامل روحياً وخلقياً وفكرياً واجتماعياً وجسمياً إلى أقصى ما تسمح به استعداداتهم وإمكاناتهم في ضوء طبيعة المجتمع المحلي وفلسفته وآماله وفي ضوء مبادئ الاسلام والتراث العربي والثقافة المعاصرة
بما يكفل التوازن بين تحقيق الأفراد لذواتهم وإعدادهم للمشاركة البناءة في تقدم المجتمع المحلي خاصة والمجتمع العربي والعالمي عامة وغرس حب الوطن والولاء في نفوس المتعلمين .


أهداف المرحلة الابتدائية


الهدف الروحي والخلقي :
تهيئة الفرص المناسبة في هذه المرحلة لينمو الطفل روحياً وخلقياً متفهماً مبادئ دينه الحنيف حتى تتكون لديه العقائد والاتجاهات الدينية المناسبة .
هدف النمو العقلي :
تزويد الطفل بأنواع المعرفة الضرورية وبطريقة مبسطة حتى ينتهي منها وهو على معرفة بالقراءة والكتابة والتعبير متمكناً من العمليات الأساسية في الحساب قادراً على استخدامها في حياته العادية .
هدف النمو الجسمي :
أن ينمو الطفل على درجة طبيعية من الصحة النفسية الخالية من المرض النفسي متمشياً مع القدرة مع القدرة على الإحساس والجمال والتذوق الفني .
هدف النمو الاجتماعي :
تعليم الطفل على النمو في مجتمع ارتضى النظام الديمقراطي وغرس عادات السلوك الاجتماعي عن طريق المواد الأساسية أو النشاطات المختلفة .
الهدف القومي :
تعويد الطفل على الاعتزاز بوطنه وأمته وذلك عن طريق تعريفه للمظاهر الطبيعية والاجتماعية لوطنه الكويت وتاريخ الأمة العربية والإسلامية .

 

[ablah_mariam]

أهداف تدريس الرياضيات للمرحلة الابتدائية


اكتساب معلومات رياضية أساسية مثل:
بعض المفاهيم مثل ( المستقيم ، الشعاع ، القطعة المستقيمة ، الزاوية ) - خواص نظام العد العشري - مجموعة الأعداد الطبيعية والعمليات عليها - الكسور وبعض العمليات عليها- أنظمة القياس المختلفة - بعض المنحنيات المغلقة البسيطة مثل ( المربع ، الدائرة ، المستطيل ، المثلث ) - مفهوم كل من الطول والمساحة - مفهوم المجموعة وبعض المفاهيم المرتبطة بها - الجمل الرياضية المفتوحة - مضاعفات الأعداد - المناطق المستوية المألوفة - العلاقات - بعض أشكال الفضاء الحياتي .

اكتساب معلومات رياضية أساسية مثل:
قراءة وكتابة رموز الأعداد - إجراء العمليات على الأعداد الطبيعية - إجراء بعض العمليات على الكسور - استخدام الأدوات الهندسية - حل المسائل اللفظية والجمل المفتوحة.


اكتساب بعض أساليب التفكير في حل المواقف الرياضية الحياتية وذلك من خلال:
ادراك الموقف ككل - تحديد الموقف لتحديد المعطيات والمطلوب - الربط بين المعطيات بغرض الوصول إلى الحل المطلوب - استخدام المعلومات والمهارات الرياضية المناسبة للوصول إلى الحل المطلوب - انتقاء العلاقات الرياضية التي تؤدي إلى الحل - حل المسائل الكمية المرتبطة بالحياة مثل البيع والشراء والقياسات - اختيار العمليات الحسابية للوصول إلى الحل.

تنمية الجانب الوجداني :
الميل إلى دراسة الرياضيات والرغبة في الاستزادة منها - الثقة في الرياضيات كأداة فعالة لحل المواقف التعليمية - الاستمتاع في الجانب الترفيهي للرياضيات كالألغاز والزخارف - الثقة بالنفس من خلال النجاح في إجراء العمليات - التعود على الدقة في المواقف التعليمية - تقدير دور العرب والمسلمين في تطوير الرياضيات .

 

[ablah_mariam]

هذي ديباجه للتحضير أنا ازينها واصورها اكثر من نسخه واحضر عليها اللي بانزلها مو مزخرفة ولا مزينة بس للاخت اللي خذت ميداني علوم وعينوها رياضيات لان واجد مثل حالتها

التحضير

 

[أغلي الناس ميشو]

يعطيييييييييييج العافيه ابلة مريم والله يكثر من أمثااااااالج.....

 

[المـــــها]

أبله مريم ربي يجزيج كل خير فديتج و الله يكثر من أمثالج

 

[روح اميمتها]

موضوع روعه يعطيكم العافيه بنات ..
والحين بحطلكم كتابي التحضير بس صبروا علي قاعده اتعلم ارفع الصور من ايفوني?

 

[روح اميمتها]

http://i.imgur.com/k0KzE.jpg

http://i.imgur.com/0OrA1.jpg

http://i.imgur.com/wa7ph.jpg

http://i.imgur.com/KXsWz.jpg

 

[روح اميمتها]

اذا عجبوكم بكمل هاذي اول تجربه لي وان شاءالله يكونون زينين��

 

[طموحه بزياده]

ماشاء الله والله يوفقج

 

[روح اميمتها]

واذا تبونهم وورد انا حاظره

 

[أغلي الناس ميشو]

جزالج الله خير ياروح اميمتها والله يووووفقج يارب

مشاء الله عليكم بنات صج ماقصرتو كلكم الله يعطيكم

العافيه ياااااارب

 

[المـــــها]

يعطيج العاااافيه روح أميمتها جزاج الله خير ياعسل وربي يكثر من أمثالج

 

[المـــــها]

عجبتني هالساعه+قلم وايتبورد من سيتي ستارز ب نص دينار!
العقارب تتحرك و في مكان لكتابة الوقت
حيل حلوة لعمل المجموعات تحطين العقارب عالوقت اللي تبينه و الطالبات يكتبون الوقت بالمكان المخصص
​

​

 

[RowTow]

عجبتني هالساعه+قلم وايتبورد من سيتي ستارز ب نص دينار!
العقارب تتحرك و في مكان لكتابة الوقت
حيل حلوة لعمل المجموعات تحطين العقارب عالوقت اللي تبينه و الطالبات يكتبون الوقت بالمكان المخصص
​

​

المها حبيبتي الساعات هذول ما ينفعونج.
لازم الأرقام عربية.