متأزمة حدي ... ساعدوني

[ملكة الحب]

روحى الاداره والتزمى بالدوام وايد احسن عشان تحللين معاشج صدقينى بتحسين براحه اكثر والله يوفقج بختيارج

 

[كوارين]

انا عندي اشتري راحتج قعدي بمكانج وميخالف لفلوس اتيي وتروح

 

[kekat kakaw]

والله انا عندي اداوم و اخذ حقوقي كاااااملة و لا اتنازل عن شي حالي حال كل الموظفين

 

[كويتية وكلها جاذبية]

طمنينااا عليج توت شصار علييييج يا قلبي عسى دووم قلبج مرتاح

بنات توت تقصد اتقولكم انه الدوام جذي مو قصة عدم التزام
يعني قايمه بشغلهاا ومتى ما خلصت وسوت كل شي تقدر تطلع ما تقعد تجابل المكتب نفس حالتنااا

يعني الانتاج مو الوقت واهيااا قالت انهاا مستعده تتنازل عن الفلوس في سبيل راحتهاااا
يعني اذا راحت اهناك بتلتزم بقوانينه كل مكان وله ظروفه

 

[توت عنكبوت]

طمنينااا عليج توت شصار علييييج يا قلبي عسى دووم قلبج مرتاح

بنات توت تقصد اتقولكم انه الدوام جذي مو قصة عدم التزام
يعني قايمه بشغلهاا ومتى ما خلصت وسوت كل شي تقدر تطلع ما تقعد تجابل المكتب نفس حالتنااا

يعني الانتاج مو الوقت واهيااا قالت انهاا مستعده تتنازل عن الفلوس في سبيل راحتهاااا
يعني اذا راحت اهناك بتلتزم بقوانينه كل مكان وله ظروفه

بعد عمري والله انتي فاهمتني

انا اداوم واخلص شغلي وبعدين اطلع امسؤول يقول لي بغيتج اتصل لج .

تصدقين من الصبح لي الحين بس افكر وشكل قررت اتنازل واقعد بالمكان اللي انا مرتاحة فيه

 

[بشورة_]

التزم و اداوم حالي حال الموظفين اللي بالديره كلهم .. و اخلي درجاتي تمشي .. و احلل معاشي جدام ربي ..و ابري ذمتى من اي فلس ممكن يدش لي و انا ما استحقه .

كلامها من ذهب ماشاء الله :eh_s(7):

 

[ام الدرر]

ياقلبي سالفة الحلال والحرام شي مفروغ منه وانا مع البنات فيه
الفلوس تروح وتيي بس مافكرتي راح تنزلين درجة يعني ترجعين ورا 4 سنوات بعد جم سنه اللي وياج راح يترقون ويوصلون الدرجه الاولى وانتي راح تتاخرين وفكري بالتقاعد المعاش بيصير اقل
نصيحتي جربي المكان اليديد احتمال ترتاحين وتتاقلمين وترى كل شي باوله صعب
انا قبل جم سنه صار لي مشكلة بدوامي وماقدرت اقعد مع اني كنت مرشحه اصير مسئوله وانتقلت عن صديقات عمري بمكان مااعرف فيه احد وترقيت قبل كل اللي تخرجوا معاي ولما طلع مسئولي تقاعد صرنا تحت مدير كان صعب التعامل وياه الله يسامحه فحصلت لي فرصة انتقل بمكان مهم وحساس بوزارتي عطاني المدير فيه صلاحيات اكثر بس انزل درجه وكنت مستعدة بس اشتري راحتي بس زوجي الله يخليه نصحني انطر وسبجان الله حصلت مكان مااحلم فيه ومرتاحه الحمدلله والكل يحسدني عليه والحين واصله الدرجه الاولى قبل كل صديقاتي اللي تخرجوا معاي ادري طولت عليج بس حبيت لقول سالفتي عشان لاتتسرعين عقب تتحسفين
والله يكتب لج اللي فيه الخير

 

[[[ عيون جابر ]]]

آنه مثل راي البنات روحي الاداره وإالتزمي بالدوام ولا يشيلون الكادر منج

تقبلي مروري

 

[بنت السعوودية]

بقول شي وانتي راح تفهمينه يالغلا


الاستخارة اولاً

الراحة ثانياً

الفلوس ثالثاً​

 

[بنت السعوودية]

بقول شي وانتي راح تفهمينه يالغلا


الاستخارة اولاً

الراحة ثانياً

المادية ثالثاً​

 

[جنات الورد]

اهم شئ راحتج

وخلي 130 اقصاد راحتج

الفلووووووووووس تروح وترد

وين دوامج خل انقل حقه لول

 

[viva la glam]

حللي معاشج والتزمي بدوامج
صلي استخاره والله يوفقج

 

[om-HaSsoOon]

حبيبتي اهم شي النفسيه انسي موضوع البيزات

شوفي المكان اللي انتي مرتاحه فيه ومستانسه ابقي فيه وانتهى الموضوع

 

[دمعة يراع]

انا ماافتي بالنسبه للحلال والحرام ........ لانج ماسويتي شي من ورا مسؤولينج ... هذا الشي الاول

واذا انتي مرتاحه .. ليش تنتقلين ........ يمكن تنتقلين وتندمين بعدين ... راحتج أهم ..

مع العلم اني مو ضد الدوام .. بالعكس نشاط وانتاجيه .. لكن الاهم راحتج انتي .. ورايح اهو الاهم اولا واخيرا

موفقه والله يدلج على الخير وكثري الاستخاره

 

[توت عنكبوت]

حبيباتي ما قصرتو

 

[برونزية رشيقة]

إستخيري مرة ثانية وثالثة ... بس أعتقد لازم تحللين معاشج ما يجوز جذي جدام الله .. حرام ترى .

 

[*بسبوسه*]

راي البنات تفاوت وانتي زادة حيرتج

حرام تنزيل درجه وتتخلين عن 170 مره وحده حلوين يعني مو 50ولا 40
بعدين ثلالث ارباع موظفين الكويت دوامهم التزوام00انا عندج بصمه لكن تاقلمت مع الوضع وصار شي طبيعي عندي

انتي مسكي ورقه وقلم وكتبي مميزات وسلبيات النقل

اذا الدوام الجديد صج التزوام لكن مكان راقي لج مكتب شغل زين مو تعب وضغط مسؤول زين او حقاني00كادرات00بونصات
بعده وقربه عن بتتج

وشوفي الدوام القديم 00مكانه تقديرهم00فلاتي 000انزل درجه00في بونصات ولا

يعني كتبي خانه للمساوء وخانه للمميزات00وشوفي شنو الافضل

بس اذا حجتج بس الالتزام اسمحي لي هذا مو عذر قدام هالاغراءات00في شي اسمه استاذان اجازه طبيه00 وراح تتعودين
يمكن انتي عشان تعودتي علىالفلاتي فصعب عليج تتقبلين الوضع

شرايج تروحين للدوام الجديد وتجربينهم 3شهور وتشوفين نفسج وبعدها اذا مارتحتي سوي كتبا نقل