متأزمة حدي ... ساعدوني

[توت عنكبوت]

مرحبا يا بنات

انا اليوم متضايقة حدي صدر قرار بخصوص دوامي وانا طبعا دوامي فلاتي يعني اداوم اسبوع بالشهر بس

وجانا تعميم الحين يقول ان تخصصي المفروض يرجع للادارة ما يصير اقعد بالمكان اللي انا فيه الحين .

وان بغيت اقعد بمكاني لازم اتنازل عن درجة واتنازل عن الكادر اللي مخصصينه لتخصصي .

يعني اتنازل عن 150 الى 170 دينار كويتي .

لو كنت مكاني شنو تختارون تتنازلون عن الفلوس وتقعدون بمكان مريح والدوام على كيفج ؟؟


ولآ تروحين الادارة والتزام بالدوام وما تتنازلين عن اي شي ؟؟

حدي محتارة ساعدوني .

صليت استخارة وللحيني محتارة وبصلي بعد شوي بعد بس شنو الحل ؟؟؟

تكفون ادعولي اثبت بدون التنازل عن شي

يارب اقعد بمكاني يا رب

لا تهاوشوني على سالفة حللي معاشج الحمد لله قايمة بشغلي بس الدوام هو طبيعته فلاتي شسوي أنا

 

[British Girl]

تروحين الادارة والتزام بالدوام وما تتنازلين عن اي شي

حبيبتي ماصار هالشي والا فيه خيره بالموضوع هذا
وبعدين حللي فلوسج والله بتلاقين الراحه فيها

وموفقه

 

[brettey]

حبوبه اذا مو ملتزمه ليش تداومين ؟
معناه مو محتاجه للوظيفه في غيرج محتاجين انا ما احب سوالف الفلاتي لان احب احلل معاشي بس احب ان يتساهلون معاي بالاستئذانات طالما انا مواظبه وايي مبجر واشتغل ابي يتساهلون معاي باني اييب عيالي اذا راح زوجي الدوام
حبوبه نصيحه التزمي وحللي معاشج ولا تتنازلين عن الكادر المعيشه كل مالها وتغلى
ولا تزعلين من كلامي
انتي شكلج بمجلس الوزرا اهم الي دوامهم حيل فلاتي لوووووووول على ما سمعت

 

[! بنت العاشره !]

تروحين الادارة والتزام بالدوام وما تتنازلين عن اي شي

حبيبتي ماصار هالشي والا فيه خيره بالموضوع هذا
وبعدين حللي فلوسج والله بتلاقين الراحه فيها

وموفقه

نفس كلامها وعشان هم ربي يبارك لج في معاشج اذا اشتغلتي :balo:

 

[روح الدنيا]

هم اقولج استخيري ..

و بعد الراحه تنشرا بفلوس .. مادري والله

 

[ام عمار]

رأيي مع البنات التزمي بالمواعيد ترتاحي

 

[الثقة]

انتي من صجج؟

اصلا الدوام خايس..زملااا....وحقد....وتنافس....وظلمـــ


أتنازل عن 300 دينار واشتري راحتي!!!

 

[توت عنكبوت]

للحين ما في جزم ببالموضوع

انا ضايعه يا ناس ادعولي

 

[الثقة]

يا توت الموضوع مافيه اي حيرة....

اشتري راحتج صدقيني....لا تصيرين طماعة

 

[زيـنـه]

التزم و اداوم حالي حال الموظفين اللي بالديره كلهم .. و اخلي درجاتي تمشي .. و احلل معاشي جدام ربي ..و ابري ذمتى من اي فلس ممكن يدش لي و انا ما استحقه .

 

[Athwaq]

انا اقول حسب التزاماتج المادية .. واذا الـ 150 او 170 بيأثرون على ميزانيتج والا لا

 

[بنت الارسنال]

التزمي احسلح صح كلام البنات حللي معاشج

 

[كويتية وكلها جاذبية]

هلااااااا والله توت
فكري عدل قبل ما تاخذين اي قرار

اول شي ميزانيتج واييد راح تخترب ؟

ثاني شي بالنسبة لي اهم شي راحة بالي والناس الي معاي مرتاحة معاهم ولا لا ؟

الفلوس مو كل شي ؟؟

بس فكري صلي مره ثانية يا قلبي عسى ربي يوفقج للي في خير لج ​

 

[توت عنكبوت]

هلااااااا والله توت
فكري عدل قبل ما تاخذين اي قرار

اول شي ميزانيتج واييد راح تخترب ؟

ثاني شي بالنسبة لي اهم شي راحة بالي والناس الي معاي مرتاحة معاهم ولا لا ؟

الفلوس مو كل شي ؟؟

بس فكري صلي مره ثانية يا قلبي عسى ربي يوفقج للي في خير لج ​

هلا والله حبيبتي

ردج ريح قلبي \
انا قبل اعاني من الموظفات دايم والدوام اللي انا فيه الحين حيل مرتاحة حيل موشوية احسن مكان مريت فيه .

وشكلي بصلي مرة ثانية والله يكتب اللي فيه الخير

 

[سنافية مطير]

تبين الصراحه عاد ؟؟؟ وبدون زعل ؟؟؟
بصراحه الدوام الفلاتي حلو ثلاث أرباع موظفين الكويت يتمنونه (((( بس ))))
المسأله شرعيه من ناحية الفلوس ( حلال أو حرام ) ...
والله صدقيني الفلوس إذا ما كانت حلال وماخذتها من إتعبج ما فيها إبركه ،،،،،،،،
آنا أقول صلي صلاة الإستخاره ... لا إتريحين نفسج وترضينها على حساب رضا الله عليج
والله يعوضج ...
( لا تزعلين مني )

 

[سنافية مطير]

بصراحه أنا قاعده أشتغل بمكان المفروض يكون لي كادر فيه 140 دينار بس مكاني ما يناسب تخصصي ..
لأني مختارته عشان قريب من بيتي بس .. ولا المكان أساسا زفت ..

 

[منارة الإيمان]

التزم و اداوم حالي حال الموظفين اللي بالديره كلهم .. و اخلي درجاتي تمشي .. و احلل معاشي جدام ربي ..و ابري ذمتى من اي فلس ممكن يدش لي و انا ما استحقه .

رايي من راي زينة الله يجزاها الخييير ..

 

[الجعده]

داومى والتزمى وانتجى وخذى معاش كامل وباجر يعطنوج مركز او رئيسه قسم ومهمات رسميه وسفرات ومكافات ويكبر اسمج اشتبين بالدوام الفلاتى ترى كل شى لاحقه عليه صدقيني والله يوفقج

 

[C'est La Vie]

والله حبيبتي توت ما ادري شقولج
بس عليج بصلاة الاستخارة
وانشالله الله يكتبلج اللي فيه الخير والصالح

 

[shai5at al3arab]

تروحين الادارة وتحافظين على الكادر

اصلا دوام فلاتي ما فيه بركة ولا خير

خليييج مداومة وملتزمة .

و170 صراحة تفرررق

حسافة تخسرينها .