مبنى ذا افينوز الجديد

[nero]

دام فتحو ايكيا معناته الخير بقبال
والباجي ما بقاله شي

 

[s3ad]

شوفي عيوني دام المحلات اليديدة بتفتح بالكويت لا تتوقعو راح ينزلون لكم التشكيلات اليديدة <<<< يعني ماركس اند سبنسر .. ونكست ... ودبنهامز ... ولا وهذا اتش اند أم يلوع الجبببببببببببببد ملييييييييييييق ما احب حتى امر صوب المحل اذا رحت المارينا لانه لووووعة
فما اعتقد راح ينزلون كل شي جديد
وعلى طاري الافتتاح كنت أمس بشرق وبغيت شغلة من زارا وقاللي خالصة وراح تلاقينها بأفينوز لان راح نفتح يوم الأحد الجاي يعني عقب باااااااااااااجر :::::: مادري بعد عنهم ؟؟؟

 

[زلابيا]

الله يعينكم عالزحمه والطق شكله محنا داشينله الا بعد جم شهر على ماتخف الزحمه عنه

 

[قمر ضاوي33]

صج بيفتحون الأحد

والله زين ... لأن المجمع شكله خالص


حتى البضايع موجودة فيه


ما اوصيكم يا كويتيات كلنا بيوم الإفتتاح ...هههههههههه

ما لك امل ... بعد الإفتتاح بشهر نروح

 

[هدوي]

انا اليوم ماره من يمه واشوف المحلات موجوده وجني شفت بضايع بس ماني متأكده

<------------زرقاء اليمامه خخخخخخخخخخخخخخخخخ

 

[سبائك]

انا من شوي كنت هناك وشفت المجمع الي لاصق بايكيا فاتح بس المحلات ما فتحت

 

[دندرمه]

هااا بنات محد راح ؟؟؟ يلا نبي احد ياكدلناااا

امش طلينا من السطح عليه ولا شابين ليتات خضر وحمر وبنفسيه مثل العرض شووو
تهقون فتح!!!

 

[الفرحه السجينه]

انا اليوم رحت له

تقريبا كل المحلات بالدور الارضي مفتوحه وجم محل فوق بس ما صعدت

موجود فيه زارا واتش ام ونكست وبرومود واويشو و البودي شوب وفافافوم وماك و دبنهامز و لاكوست وكليرز و ريفرايلاند و ميلانو وستاربكس ههههه وقاب بس للحين ما تبطل اهو ولاكوست وماسيمو دوتي

بس ماشفت مانغو مادري اذا فوق يمكن


بس اللي بتروح لا تلبس كعب ...بغيت اطيح غشيانه من المشي كبير حيل وانا حامل واسحب كرشتي

بس مكانه حلوووو وشرح خصوصا بره ويم ايكيا يعني حلو حق التمشي

 

[قمر ضاوي33]

كل مجمع فيه نفس المحلات ... نبي شي يديد نبي محلات ووكلات مو موجودة بالكويت ...

يعني بالله زارا ونكست البودي شوب وكليرز و ريفرايلاند و ميلانو وستاربكس ... جم فرع في منهم بالكويت ملينا نبي شغلات يديدة ومطاعم وكوفي شوبات يديدة ...


ولا اشرايكم

 

[supermarket]

صاجة قمر ملينا نفس المحلات اهي اهي

وياريت على شي سنع كل مالهم للاردى وبضااعتهم لوووعة

 

[هدوي]

لا كل شي الا ستاربكس ...ستاربكس مافي عندنا

 

[نيبال]

بالصدفه عرفت بموضوعكم وآنا كاتبه عنه تقرير ، بمنتدي الازياء ، صرت مراسله وآنا مادري ، طبعا كفيتو ووفيتو يابنات ، ولكن تقريري بستايل مختلف يحتوي معلومات ومدعم بالصور ..........للاستزاده هذا رابط الموضوع

http://www.q8yat.net/showthread.php?t=62280​

 

[امون حبيبة زوجها]

انا توني جيت منه

اول شي حلو موشين بس من با اشرح من داخل يمكن لانه نص المحلات ماتبطلت للحين الافتتاح الرسمي 28 موالحين

اهم شي شفت قاب بعيوني كومنق سوووووووووووون وصدقت هع هع هع هع
المجمع ظلمه احس مافيه ليتات <<هم يمكن عشان مافتح كله

في كفتريا جديده بلجيكيه قبال ستاربكس اول مره تفتح بالكويت بس لوعه استغفرالله ماعجبتني كلش

اللي لاحظته مافي مكان حق المطاعم مادري وينها!!

شفت الكارفور وناااسه بس مصكر للحين

فافافوم ودبن هامز بمجمع واحد وناااسه مانتعنى

فيه محل نيو لوك مادري اول مره اشوفه مادري اذا موجود بالكويت او لا!!

والباجي كله نعرفه
بس اتش اند ام دورين احلى

 

[bambena]

سمعت بيفتح بيرشكا وهذا وايد حلو

 

[GAP]

اهم واحلى شي ان جااااب بيبطل

يوم وترك اروح المجمع اكحل عيني باسم المحل
خخخخخخخخخخخ
يوم الي بيفتح
بشيل سليباجي وبنام هنااك

بس انا ملاحظه ماكو مكان حق المطاعم... صح.؟؟؟


لانه اتوقع بيصير فاااشل اذا ما فيه مكان حق البلعه


بس مع ان المحلات مكرره بس فيها سوالف يديده نوعا ما

 

[هدوي]

رحت له يا بنات وشي عجيب ...حبيته من أول نظره خخخخخخخخ

المكان شرح ودج تركضين فيه من الوسع

والمحلات حلوه حتى زارا مكشخينه وصاير نيولوك خخخخخخ
وبامبينا بيرشكا موجوووود وااااااااااااااااااااو

وأحلى شي مافيه مطاعم ....تدرون ليش ؟ عشان ماأحب ريحة الأكل بالمجمعات و...المطاعم تسبب زحمة عالفاضي

المطاعم راح تكون بالقسم الثاني اللي قاعدين يبنونه

بنات يله عازمتكم على ستاربكس

 

[د.شريفة]

شوقتووووني ابي ارووووووووووووووووووووووح

 

[PearL]

في مطاعم

اشاز الهندى

ماكى اليابانى

نينو واخيرا فتح فرع

شيليز

بيتزا اكسبرس

وجونى روكت

هذيل اللى لاحظتهم

للعلم باجر افتتاح اشاز

 

[supermarket]

خوش شي حتى المطاعم مو اي شي

احسن شي وارقى شي

بدل مايحطولنا مكدونالدز وربعه

 

[هدوي]

أمبيه وين المطاعم؟؟؟



ماشفتهم

بيرل عازمتج امشي معاي