ما يزعجج وجوج الخدامه بالبيت؟

[زينة2008]

والله أنا من ألحين قاعده أحاتي الخدامه لما بييبها إشلون باخذ راحتي باللبس ومع زوجي

الله إعينج حشا أمن دوله مو خدم هههههههههه

 

[ام كتكوت]

ههههههههههههه احلى شي تعليقاتك احلى شي ام عيون ليزر


انا مثل راي الاخت زينه

جدامها تحفظي بلبسج بس لا صارت بدارها الظهاري او بليل لبسي على كيفج

و الله المستعان !

 

[شموخ العجمية]

اي والله صعبه

 

[chocolate cake]

انا ما احب الخدامه تكون بشقتي

اشوه اني ساكنه بشقة عند اهل ريلي فالخدامه تنام تحت مع الخدم

و ما تصعد الا حق التنظيف و لما انا اناديها

صج صج صج اكره الخدم اللي يحوسون بالبيت حدنا ما ناخذ راحتنا

فالحمدلله انها تحت فألبس اللي ابيه و طبعا اذا كنت بالشقه ما تدخل الا لما تطق الباب !!

و الله يعينكم بنات

شكرا عالموضوع

 

[اثمان]

ادعوا لى يا بنات ان الله يفرجها علينا و نتوسع اشوى لأن الوسع صج يفرق مع الخدم

 

[كركورينا]

دربالج ترى الخدم ادا غاروا من صاحبة البيت احقدوا كشخى بس فوقة روب

 

[ورق عنب]

!!!!!!!!!!!!! وليش تلبسين علاق وهالسوالف جدام الخدم سواء مسلمه ولا مسيحيه !!!

لبسي بدارج سوي دارج مثل الصاله حطي قنفه صغيرونه وتلفزيون ولي صار بليل قعدي بدارج ولبسي اللي تبينه واخذي راحتج او لبسي لما تروح الخادمه دارها ...

والصبابيح لبسي اشيا محتشمه لاتطلعين مفاتنج جدامها ..

 

[أم كادي]

الخدم شر لابد منه الله يسلمكم انا اكره الخدم بس في اواخر حملي الاول امي قالتلي لازم اييب خدامه لاني ماراح اقدر للعلم شقتي صغيره المهم انا يبتها وقطيتها ببيت اهلي لما ابيها تنظف ايبها عقب الولاده جربت اخليها تبات ليلتين بس ماقدرت كلش نفسيتي تعبت فرديتها بيت اهلي متى ما ابيها تنظف وريلي بالدوام يبتها ولما اداوم بيبها العصر وبس لا للخدم

 

[قوية الباس]

الله يعينج نفس مشكلتي بس مالقيتلها حل غير ............ألبس روب

 

[اثمان]

اللع يعين الجميع

 

[اثمان]

up up

 

[بيتي بوب بس كويتيه]

انا نفس الحاله ما احب الخدم كلش وحتى ريلي ما يحب
صارلي 3 سنين انا انظف ونا اسوي وعاد الحين حامل قاعده اتخيل شلون لما اولد منو بساعدني
بس همن ما راح أييب خدامه الا لما تتسكر بويهي عدل
انا شفت بنت خالتي عندها توأمين والله اهيا ويا ريلها يتساعدون بدون خدامه
قالت لي لا تحطين ببالج انج ما راح تعيشين من غير خدامه مشي الوضع عادي وبتتعودين
الصراحه من شفتها ارتحت نفسيا وقلت ما راح اييب

 

[كحيلة]

لا واللة بصراحة اليهال يبيلهم خدم وخاصة العسرين امبي انا متعودة اتسبح يوميا يعني اذا ما عندي خدم ما راح اقدر اسبح يوميا وخاصة الصبيان لازم الخادمة وراهم وراهم لانهم شياطين
وثانيا ما اييب خدامة بس عشان اقدر البس الخدامة مو نايمة معاي بالدار اقدر البس كل شي بغرفتي
اهون من اقعد اكرف طول اليوم مع اليهال وشغل البيت وانا متفصخة

 

[HaPpY_SpiRiT]

اي والله ابتلشنا فيهم أنا قبل ما أولد ما كانت عندي خدامة و كنا ماخذين راحتنا عل آخر بس ألحين على قولة أبو الشباب مسببتلنا كابوس!

 

[المياسهf]

الله يعينج بس بصراحه لو انا وزوجي فبيت بروحنا ماجيب خدامه عشان اخذ راحتي بكل شي

 

[عشيقة زوجي]

والله انا عادي البس مالي شغل فيها يعني....وانا مع حمولتي واهي لها دار بعيده عن شقتي
بصراحه ماتهمني

 

[فـراوله]

ما أحب الخدامه بسبب إنها تقييد الحريه وعيونها علي بكل شيء
وفوق هذا أخاف على عيالي حيييييل منهم حتى لو اهي زينه

لو الوحده بيت حموله عادي ما تقعد عندها عالطول



​

 

[مولاي الفرج]

ماحب الخددددددددددددم


حتى لو كانت زينه تقعد تفصفص كل شي فيني وعسى ماشريت لبس يديد تقول وااو ومادري شنو يعني احس عينهم ضيجه

 

[amami al-kuwai]

الله يعينج والخدم هم انا ماعندي خدامه وافكر لا جبتها شلون

شوفي لا يطلع منج شي قدام الخدامه

اعرف وحده لابسه بنطلون طويل وبلوزه نص كم وصارت ايديها كلها حبوب حمر

وكله لان الخدامه تخزز فيها


والله ان عينهم اقوى من عيون الباقي لانها كاشفة حركتج اول باول ولبسج وعلاقتج بزوجج

اما الناس الثانيه مالها الا الظاهر

 

[RowTow]

يعني تجيبين معاج مرا من ديره ثانيه بشقتج و تلبسين جدامها لبس مو محتشم و بعد تذمينها و تقولين عمى بعينها!
اللي تخاف على نفسها ماله داعه تتحزز جدام الخدامه تنطر الخدامه تخزها و الا تطالعها.

المرا جايه من ديرتها تبي الرزق, مو جايه خصيصا تطالعج.
بعدين مو شرط تخز يعني عاجبها, ممكن جدا تكون مستنكره و لايعه جبدها. مو معناته إن إنتي متزوجه لازم تمشين ملطه طول اليوم.
وحده من العضوات كاتبه مره بموضوعها إنها لما تطلع بالفوطه جدام الخدامه تقعد تخزها!
وصلنا لدرجة مو حلوه من الإعجاب بالذات و احتقار الغير بصراحه.


هالكلام مو لوحده على وجه التعيين, الكلام بشكل عام لأن واجد مواضيع من هالشكل بالقسم.