ما هو مصير رسايل الحب والغرام ؟!!

[zah.raa22]

حبيباتي لكم أحلى صباح

أدخل بالموضوع على طول


كل وحدة منا وتلفونها مترووووس رسايل
من فارس أحلامها ( زوجها )


طبعا
رسايل حب وغرام ,,
ورسايل شعر وقصيد ,,
ورسايل وسائط وبلوتوث ,,
ومرات بدليات
ومرات ( اهواش ) الله لا يكثرها ..
ومرات يسأل عنج ،،
ومرات رسايل عادية بس حلوة حييييل لأنها طالعة من القلب :::

انزين

تلفونج انترس ، أو جهازج صار قديم وتبين تشترين غيره ,
شنووووو الحل ؟؟؟

تمسحين من هالرسايل
أو تخشين التلفون عندج وتشترين غيره ( بس ليمتى بينخش )
أو تقطينه ( لأنه مسكرب من كثر الطيحات )
أو تبيعينه إذا فيه رجا ( يطلع لج 30 - 40 )
أ
و شنو الحل بالضبط ؟؟

لأنه هالرسايل أخاف ما تنعاد مرة ثانية
فأحب أخليها عندي ،، أتقراها وقت ( الزعل ) أو ( السفر )



وهذي صفحتكم عطروها بمشاركاتم ///////////

 

[zah.raa22]

نات حبيباتي


ولا مشاركة عاد ؟؟؟؟

اشدعوه
ولا وحده منكم راحت اتغير جهازها لأي سبب
وتوهقت بهالرسايل الحلوة شتسوي فيهم ؟؟

طيب اتقول شنو سوت فيهم عشان نستفيد بس ,,

 

[م.بدوره]

انا اخليهم لما اهو ايي ياخذ جهازي ويمسحهم عشان لا يقول اني قاعده امسح مسجاته واني ما احس فيهم

 

[نملة زقرتية]

انا عن نفسي كنت حاطة ملف حق مسجات ريلي
بس لما شريت جهاز ثاني
مسحت كل شي

عاد كان في مسجات من ايام الملجة
والله ضاق خلقي حيييييييييييل
يعطيج العافية عالموضوع الحلو

 

[@ assola @]

نزليهم على فلاش او سي دي واحفظيهم وبعدين امسحيهم من الفون

بس المهم انج اتحافظين عليهم . ... حسااااااااااافه في مسجات ما تتكرر . ...

 

[كنوشة 2009]

نقلي احلى واغلى مسجات عندج الى الجهاز الجديد ومسحي الباقي

 

[zah.raa22]

انا اخليهم لما اهو ايي ياخذ جهازي ويمسحهم عشان لا يقول اني قاعده امسح مسجاته واني ما احس فيهم

مشكورة حبيبتي م.بدوره نورتي صفحتي

بس هل صج يمسحهم أو يقول خليهم ؟؟؟

 

[zah.raa22]

الله يعافيج حبيبتي نملة

بس حرااااام والله
أنا تحسفت وأنا أقرا كلامج
اشلون عاد إنتي !!!


وشاكره مرورج

 

[zah.raa22]

نقلي احلى واغلى مسجات عندج الى الجهاز الجديد ومسحي الباقي

صح كلامج ، وهذا إللي راح يصير ..

بس
الاختيار صعب

مشكورة حبيبتي كنوشة

 

[ktkota_we9we9]

انا ليلحين ماغيرت جهازي والمسجات ليلحين موجوده :/

بس اعتقد انه راح يروحون مع الزمن لو بنقله من تلفون لي تلفون ولا من لابتوب لي لابتوب من فلاش لي فلاش لي متى ؟؟!!

الله يخليه لي و ينترس التلفون اليديداللي راح اشتريه مستقبلا مسجات اكثر واكثر

 

[zah.raa22]

نزليهم على فلاش او سي دي واحفظيهم وبعدين امسحيهم من الفون

بس المهم انج اتحافظين عليهم . ... حسااااااااااافه في مسجات ما تتكرر . ...

حبيبتي أصالة خوش راي

بس اشلون ؟؟؟
إللي أعرفه إن المسجات ما اتنزل //
بس الاستيديو هو إللي يتنزل

( حتى وديت الجهاز حق محل وقالي:
أنقلج كل شي ، الأسماء والاستيديو ، إلا المسجات )

ماكو حل إلا إني أخلي ميموري الجهاز عندي ،،
بس أكيد بعدين بضيع ..

وشاكرة مرورج

 

[الصعيريه]

يعطيج العافيه عالطرح
شنسوي للضروره أحكاام اذا الجهاز خرب راح اقطه اذا مافي امل يتصلح

بس الحين نااويه اغير جهازي بس تلفوني c905 بخليه ماراح اسوي فيه شي وبحتفظ بالمسجاات لانه اغلبها من زوجي
وجهازي الجديد بشتريله خط ثااني..

 

[zah.raa22]

انا ليلحين ماغيرت جهازي والمسجات ليلحين موجوده :/

بس اعتقد انه راح يروحون مع الزمن لو بنقله من تلفون لي تلفون ولا من لابتوب لي لابتوب من فلاش لي فلاش لي متى ؟؟!!

الله يخليه لي و ينترس التلفون اليديداللي راح اشتريه مستقبلا مسجات اكثر واكثر

حبيبتي كتكوتة
مو هذا إللي متعبني
( ننقل من مكان لي مكان )

بس عالأقل أول المسجات
ودج الوحدة تتعب عليها ، لو شنو ,

وعساهم يترسون أجهزتنا مثل ما نترس أجهزتهم ,,

وشاكرة مرورج ..

 

[zah.raa22]

يعطيج العافيه عالطرح
شنسوي للضروره أحكاام اذا الجهاز خرب راح اقطه اذا مافي امل يتصلح

بس الحين نااويه اغير جهازي بس تلفوني c905 بخليه ماراح اسوي فيه شي وبحتفظ بالمسجاات لانه اغلبها من زوجي
وجهازي الجديد بشتريله خط ثااني..

خوش حل حبيبتي

بس يصير عندج خطين ؟؟
أحس دوخة اشوي ؟؟


فديت القمر إللي حاطتها
وعساها ادز لج مسجات حلوة لي اكبرت

وشاكرة مرورج حبيبتي الصعيرية

 

[Dancing^Queen]

الصراحه ماحذفهم
انقلهم ملف ثاني
اسيفهم علي صور كوبي بيست واسيفهم

 

[zah.raa22]

الصراحه ماحذفهم
انقلهم ملف ثاني
اسيفهم علي صور كوبي بيست واسيفهم

هلا مشرفتنا ..
نورتي الصفحة ..

ممتاز ،، خوش حل ..
بس ما كنا ندري عنه ،،
حسااااافه على إللي راح !!

أشكر مرورج حبيبتي ،،