السلام عليكم
يعطيكم العافيه على هالموضوع
حبيت اشارك وياكم لان عندي اخوي فيه توحد وعمره الحين 20 سنه
ماكتشفنا المرض الا لما صار يمكن 3 سنين طبعا كان يبين عليه وهو صغير انه مو طبيعي وغير عن باجي اليهال معنه شكله يبين عادي ومافيه شي بس كان مثل ماذكرتو اب بداية الموضوع ماعنده تفاعل مع اللي حوالينه ويحب اييمع الاشياء مثل السيارات الصغار ما يلعب فيهم بس يرتبهم
وديناه مدرسة خليفه للتوحد بس ماستفاد منها لان وايد يهال بنفس الصف ووايد ازعاج يخليه يصير عصبي
اكو بعد مدرسه ثانيه للتوحد بس هذي المدرسه ماتستقبل الا اللي اعمارهم صغيره يعني تحت ال14
وفتره كان اكو اب بيت لوذان مثل برنامج العصر حق اللي فيهم توحد بس مادري الا في ليلحين ولا لا
والحين نوديه لبنان بمركز اسمه فيستا اذا ماني غلطانه موجود اب بعلبك واااايد زين المكان يهتمون فيه عدل لان كل طالب عنده مدرس وهالمدرس ينظم يوم الطالب من اول مايقوم لين ينام ومو وايد زحمه وفي كويتين هناك وصج لما يرد نحس فيه تحسن يتم هناك تقريبا شهر او كثر بعدين يرد يتم عندنا نفس الفتره ويرد لان بالكويت مايستفيد بالعكس حالته تصير اسوء لان ماكو مكان حق اللي بعمره وماعنده شي يسويه وصعبه نتحكم فيه لانه صار ريال وسمالله عليه فيه صحه يعني عادي اذا عصب يقلب البيت باللي فيه
وبالنهايه ماقول الا الله يشفيه ويشفي كل مريض قولو امين
