ما هو شعورك بزواج اختك الصغرى .... قبلج .؟

[شيخه***البنات]

وااي ياليت اتمنى و الله اختي تتزوج قبلي والله اول وحده افرح لهاا ..

بالعكس عادي و اذا ماستانست حق اختي الصغيره و دلعتها

منوو بيدلعهاا ويفرحها غيري ..

وعااادي بالنسبه لي ونااسه وهذا نصيبهااا ماقدر اووقفه ..

عسى الله لايحرمني منها فديتها وخيتي .

مشكوره حبيبتي عالموضووع ...

 

[raw]

عاااااااااااااااااااااااادي

 

[القبله]

و الله أنا عادي عندي عندي وحده أصغر مني

 

[lolO29]

انا بعد ثالث وحده من خواتي اختي رقم 2 تزوجت قبل الكبيره بعدين اختي الكبيره الي اهي البجر تزوجت وعادي بالعكس هذا نصيب

 

[قــ القلوب ــوت]

والله بالنسبه لي عادي .. يعني انا الحين اختي من ابوي اصغر مني بتملج بعد يومين وعادي عندي لانه بصراحه انا واثقه من نفسي وعندي خوات اكبر مني مو متزوجات فماتفرق عندي .. بس بصراحه اللي حاز في خاطري شي واحد انه اهيا اللي مسويه تفرقه لدرجه حتى ملجتها ماتبينا نحضرها تخاف نحسدها او شي مع انه والله مافي مجال نحسد عليه والحمدلله .. وبصراحه هذا اللي مضايقني في موضوع زواجها لانها ماقدرت خواتها واحترمتهم وعبالها الكل محتر منها مع انه بشهاده الكل وبكلام ابوي نفسه يقول انها ماتبينا نحضر تخاف اهل الريال يشوفونا وينقهرون من الفرق اللي بينا وبينها .. ووالله كان بخاطري اسويلها واشتريلها هديه وقلت اذا كلش كلش ماسووا شي ادق عليها ابارك لها بس لمن عرفت انه اهيا بتسوي حفله بس ماعزمتنا وتقول لابوي انه مافي حفله للحريم واهوا في .. فبصراحه حتى كلمه مبروك مستخسرتها فيها ووالله بدوس على قلبي ولازم اغير من طيبتي واقسي قلبي شوي لاني تعبت طول حياتي اعاملهم كخوات واهما يعاملونا كاعداء .. فانا الحين قررت اني ماراح اسوي شي من اللي كنت بسويه لها لانه اهيا ماقدرتنا وماتستاهل وماحترمت خواتها .. فبالنسبه لي بقول عادي بس في ظروف تخليج تتضايقين من الظروف نفسها مو من زواج الاخت ونصيحه حق الاخت نفسها اللي تكون اصغر وبتتزوج لاتفرق وتفكر انه خواتها محترين منها او شي ترى الخوات اللي قلبهم ابيض ويحبون الخير للناس اكيد يحبون الخير لخواتهم

ومشكوره على الموضوع الي خلاني افضفض شوي لاني تعبت من اني اكون مظلومه :tek:

 

[**تاجر الزين**]

عاااااااااااااادي والله انا اختي اللي اصغر مني بتزوج بعد كم شهر ان شاء الله
بس المشكله كلام الناس يلعب بالاعصاب ياكرههم مو مخلين احد بحاله


دمتــــــــــــــــــــــــم سالمين

تاجر الزين اسمي انا

 

[سواري88]

بالعكس استانس وعسى الله يوفقها

 

[فطفط نجد]

والله انا يحز بخاااطري مو عشان اختي واغار منها لاااا والله كلام هالنااااس اللي راااااح يعور القلب

 

[E7SAS]

انا اكبر وحده بس عادي ماعندي مشكله

اذا تزوجت اختي الي اصغر مني

 

[حوراء الكويت]

مرحبا

انا والله اكبر خواتي وبال2005 تزوجو وايد من اهلي يمكن عشر اشخاص وكان في نسبة كبيرة منهم اصغر مني او حريمهم اصغر مني بصراحة قبل كنت اتمنى اكون مثلهم بس كل مرة كنت احس بهاالشعور كنت احاول اتحكم فيه لان رب العالمين سبحانه يقول (ونفس وما سواها فالهمها فجورها وتقواها) يعني لو كنت سامحة للعواطف انها تتحكم فيني كانت تغيرت من عواطف غبطة الى حسد واللحين على اني اكبر وحده من اخواني وخواتي واكبر وحده من صوب اهل امي وابوي بس الله يشهد اني اتمنى زواج خواني واتمنى اشوف عيالهم بس مثل ما قالو خواتي عضوات المنتدى فعلا نظرات الشفقة وايد بايخة والاصعب منها لما تشوفين نظرة الشفقة بعيون اقرب الناس لج او تشوفين رغبة اهلج انهم يفرحون بنظراتهم بسس الوحدة شنو تسوي او شنو عندها غير الصبر والدعاء؟؟؟؟
الله يرزق كل وحه اللي في بالها انشاالله

 

[نوور]

عادي جدا انا اختي اللي أصغر مني تزوجت وانا توني

هذا مو معناه ان الأخت الكبيرة تعاني من شي لا سمح الله سواء من الناحية الجمالية او الاخلاقيه بس مثل ماقلت هذا نصيب مانتدخل فيه كل انسان ياخذ نصيبه في الوقت المحدد
احنا اللي يتعبنا كلام الناس بس حطوا في بالكم ان الناس تتكلم على طول واللي يسمع يتعب نصيحتي لكل اللي تزوجت اختها قبلها: :tomato2:ســـــــــــكـــــــــب وعيشي حياتج وفرحي بإختج

 

[اموله]

قوه حبيبتى
انا عمرى 25 واختى توام معاى
عندى اخت عمرها 19 ملجت قبلنا كلنا وياكبر فرحتنا بزواجها كان برمضان الى فاااات
والله يوفقها ويرزق بنات الحلال
شعورى استانست لان هذا نصيب محد يتحكم منو قبل اهم شي التوفيق من الله
هذا شعورى وبكل صراحه وصدقينى نصيبج بييلج مومهم قبل اختج الصغيره ولا لاء
اهم الشي النصيب الى فيه خير ساعات يتأخر نصيبج بس يكون بهالشي خيره لج
والله يوفق الجميع

 

[micro girl]

بالنسبة لي انا عمري 25 ولامرة بحياتي انخطبت بسبب سمنتي اختطي اللي عمرها 18 انخطبت الى الان 3 مرات والمرتين حاشيني انهيار عصبي فيهم تقولون ليش اتغير من اختج اقولج لا بس ماادري ليش كل مااسمع انها تنخطب او بتروح العرس والناس يعجبون فيها احس يوقف قلبي جني بروح اعدام كذا مرة اسال عن هل المشكلة ايقللي اتغارين مع العلم ان عندي اخت اصغر مني بسنة عمرها 24 سنة لوتزوجت عادي عندي قبلب بس هاذي الصغيرة لا مو عارفة ليش جذيب احس اتجاها مع اني اممممممممممممموت عليها وحبيبتي وادللها ز

 

[زري منثور]

بالعكس انا اتمنى اختي اللي أصغر مني تتزوج

ماعندي مشكله وراح افرح لها

 

[السموو]

انا ما مريت بهالتجربة لأني تزوجت قبل اختي الصغيرة

 

[دنيا الحسايف]

بصراحه انا الكبيره وإذا وحده من خواتي تزوجت قبلي ماعندي اي مانع وبفرحلها جني انا اللي بتزوج
الان احنا بهالجيل هذا واعين ومتعلمين ونفهم انا هذا كله قسمه ونصيب
والله يوفق الجميع

 

[ام نواف123]

السلام عليكم

والله عادي كل من يروح بنصيبه.
انا وحدة من الناس اختي الاصغر مني تزوجت قبلي باربع سنين. وعادي يعني شنو اهي تزوجت ولد خالي الي كان يبيها وانا ماكن عندي اعتراض وانا تزوجت بعدها وعيلت وعادي كل من يروح بنصيبه.

:tek: :tek​

:

 

[الدم البنفسجي]

اي والله عادي نصيبها الله يوقفها

 

[kandora]

عادي انا اول وحده تزوجت وعندي اخت اكبر مني وبالعكس كاهي مستانسه وتجهز معاي وتعطيني افكار

اللله يبلغنا فيها قريب يييييييييارب

 

[نكهة الليمون]

والله هذا نصيبها

طبعا اسعد لزواجها وافرح باختي والله

واتمنى احسن شى لها بعد

ومشكوووره على موضوعج يا غلاتي