ما هو رأيك في اطالة الدوام المدرسي ؟

[&الماس&]

يمكن بس السيلانيات اللي يشتغلون بالمدرسه مؤيدين لانهم بيحصلون اكل غدا من الطلاب والابلات وبيلقون مكان يقيلون فيه ومااعتقد فيه احد عاقل ويحب نفسه بيستانس على النقعه بالشمس الا يلا<<<<<<<<<<<<<<

 

[moony77]

ههههههههههههه

انا ماني عارفة ه 12 اللي مؤيدين ما ذكروا لنا شنو الايجابيات بالموضوع كله

 

[أم دندون]

رد : ما هو رأيك في اطالة الدوام المدرسي ؟

أنا ضد إطالة الدوام المدرسي بكل الأشكال ، يمكن تكون الإيجابية الوحيدة لهالفكرة هي زيادة فترة وجود الطالب في المدرسة عشان يقدر يستفيد من النشاطات المدرسية لكن هم نقدر نعتبرها نعتبرها سلبيه بعد لأن الطالب ماراح يكون فيه حيل أو استيعاب أو تركيز ، هم في الحصه السابعه مالهم خلق ، هالمرة الحصة الثامنه؟
من العيوب بعد أن بعض المؤيدين يقولون شوفوا المدارس الأجنبية عيالها يطلعون الساعه 3 ، وأنا أرد عليهم بأن شوفوا مناهج وزارة التربية وقارنوها بمناهج المدارس الأجنبيه ، هم مناهجم كلها مره ووناسه وتشويق وتخلي الطالب وده يداوم ، ووزارتنا مناهجها العكس .
وفي اللي يقولون اشمعنى الأجانب بره مدارسهم ما تخلص إلا الساعه 4 العصر وردي عليهم بأن جونا الحار مو مثل جوهم المعتدل
والحل الوحيد هو تعديل المناهج ، وحصة النشاط يردونها مثل قبل ويستقطعون من كل حصه خمس دقايق
الله يستر لا يطبقون القرار السنه اليايه على أيام الأسبوع كله

 

[( المـلاك )]

رد : ما هو رأيك في اطالة الدوام المدرسي ؟

انا ضد اطالة الدوام الدراسي
و ارفضه بششششششششششششده

ولاحظت انه المؤيدين
مو مدرسات
و لاحظت من ردودهم فيهم حقد عالمدرسات
وفوق كل هذا اجاباتهم مو مقنعه نهائيا .

=)

 

[7opyq8]

انا رافضه جدا جدا جدا ومتمسكه برايي لي يوم الدين

بس ودي اعرف ليش المدرسه بالذات هي اللي لاعبين بحسبتها؟؟

يعني والله احنا اللي نخرج دكاتره ومهندسين ومحامين الخ يعني احنا الاساس

ليش مايدورون على راحتنا عشان نعطي اكثر...متى تصير مهنتنا من المهن الشاقه؟
روماتيزم ودسك والتهاب بالحبال الصوتيه و و و و مانخلص من مضار التدريس وفوق هذا مو مهنه شاقه

والراتب اللي ذلونا عليه

ربع راتبي تقريبا يروح لتزين بالصف ولوسايل ولهدايا تشجيعيه ولدروس وعذرهم الميزانيه مضغوطه
غير المناسبات والاعياد الوطنيه والدينيه


انزين انا بشر مثلي مثل غيري ابي اعيش وقت يكون خاص لي

 

[نونا**]

ضدددددددددد

 

[Katkota_46]

للاسف
راينا ما يهم الوزارة

 

[moony77]

الله يعطيكم العافية ما نقول الا حسبي الله ونعم الوكيل

 

[حمرة ومحدد]

رد : ما هو رأيك في اطالة الدوام المدرسي ؟

مؤؤيدة وبقـووة

خلهم يلموون آلجهآل ، خلهم يدرسوون ويستفيدوون من وقتهم
وان شآءالله يصير كل يوم مو بس الثلآثآ


بذمتكم يعني منآهج شطوولها شعرضها مآرآح
ينقصهم شي لو قعدو زيآدة شووي


لحـد يقولي حآقدة ومآ حآقدة
لآ والله مآني حآقدة ع أحد ، ونفسكم انآ من آلتربيه


بس شوفوو آلمنآهج كل مآدة فيهآ كتآبين ولآ ثلآثه فرووخ للكتآب الاصلي
متى بيخلص المنهج ان شآءالله !!


بتدخل ألآبله بتشرح سريع سريع همهآ الوحيد انهآ تخلص المنهج في الوقت المحدد
مآ همهآ الفهم < قله قليله تنعد على الاصآبع اللي همهآ انهآ تفهم


ألآختـلآف بالرأي لآ يفسد للود قضيه

​

 

[قوتشي بنت LV]

هل انت مع اطالة الدوام المدرسي ؟

آكيد لا ومرفووض :rgewrg:

هل انت ضد اطالة الدوام المدرسي ؟

يب يب

ما الجوانب الايجابية لتلك الفكرة ؟

والله ماكو جوانب آيجآبيه بس قعده حصه زياده عالفاضي

ما الجوانب السلبية لتلك الفكرة ؟

قاعدين لي الساعه 2 :rgewrg: < شالفايده من هالموضوع :bbbiu: !

ابعاد اخرى ترتبط بهذا الموضوع ترغب في تسليط الضوء عليها ؟

اممم بس ماعندي شي اقوله :eh_s(7):
ويعطيج العآفيه حبيبتي :eh_s(2):​

 

[اغلى دانة]

انا ضد اطالة اليوم الدراسي لأن :
الطلبة اولا يدوخون من اليوووع ومخهم بس يقفل يعني لو بتشرحين ضاااااايع استيعابهم صفر
لأن مو مسموح نشرح بحصة النشاط يعني المنهج طويل والوقت قصير والوضع مثل ما اهو ماراح نقدر نشرح زيادة لان مافي وقت للشرح بل وقت مخصص للنشاط فقط
لان المستفيد الوحيد : العاملين خارج نطاق المدرسة ودوامهم يخلص 2
لان المعلمات من الضغط الرهيب قاموا يغيبون بالهبل يوم الثلاثاء وخصوصا الحوامل
لأن الطلبة على بو نشاط يختفون في ظروف غامضة وتصييير بلاوي لمن احد يطيح عليهم !!! على بو موزيعين على انشطتهم مهما كان نظام الحضور والغياب في طلبة يختفون في ظروف غامضة والله اعلم وينهم وشيسوون واحنا مو اخطبوط بنلحق على بنات مانعرف حتى اساميهم !! واذا اهم مو بالصف ماندري اهم غايبين والا منحاشين احنا شدرانا ومن وين بنعرف .....فالمعلمة لازم تحط بلورة سحرية وتشووف وين منخشة الطالبة الفلانية هههههههه
حرام والله ظلم للطالب وظلم للمعلم
انا عندي سؤال واحد الغرب يتقدمون واحنا لي ورا ليش ؟
تدرون بامريكا سوو بحث قياس تركيز الطلبة اذا داوموا الساعة عشر الصبح ورجعو اربع العصر وعقب الدراسة درجات الطلبة وتركيزهم زااااد حييييل والغياب قل حيل والحضور المتأخر صار شبه معدوم لان قايمين من نومهم شباعى ومترقيين ويايين عالراحة و يبون يخلون هالشي نظام ثابت عندهم للسنوات المقبلة والمعلم عندهم يحضر بس حصته ويمشي مو هني عندنا من فزعة الصبح تجنيد والكل دايخ جنة راشينا فليت وطول اليوم دبجة ومراكض ونرجع بيوتنا جثث هامدة ندور الفراش ندور المخدة بطوننا توصوص ههههههه

 

[أحاسيس ومشاعر]

رد : ما هو رأيك في اطالة الدوام المدرسي ؟

هل انت مع اطالة الدوام المدرسي ؟ لا

هل انت ضد اطالة الدوام المدرسي ؟ نعم

ما الجوانب الايجابية لتلك الفكرة ؟ لا يوجد

ما الجوانب السلبية لتلك الفكرة ؟ صار يومنا كله دوام وشغل ما صار فيه وقت لحياتنا الخاصة

ابعاد اخرى ترتبط بهذا الموضوع ترغب في تسليط الضوء عليها ؟مضيعة وقت وما في نتيجة ايجابية واليهال ملوا وناموا بالصف :eh_s(16):

 

[ريم محمود]

رد : ما هو رأيك في اطالة الدوام المدرسي ؟

تطويل الدوام مرفوض من الطلبة و االمدرسين و مرهق للطرفين فلا فبة افادة و الا استفادة:krkrkr::krkrkr::krkrkr::krkrkr::krkrkr::krkrkr::krkrkr::krkrkr::krkrkr:

 

[q8eya]

هل انت مع اطالة الدوام المدرسي ؟​

نعم
هل انت ضد اطالة الدوام المدرسي ؟
لا​

ما الجوانب الايجابية لتلك الفكرة ؟​

اولا ما راح تفرق اذا اقروا الدوام من 9 الى 3 لا راح يكون عدد الساعات متساوي مع الدوام الحالي
ثانيا راح تخف الزحمة الصبح
ثالثا بالنسبة للجو مدارسنا الحين كلها مغطينها وتكييف وخير والحمدلله
رابعا تشجيع الطلبة على حب العلم والتفاؤل بدال الشكوى المتكررة
خامسا الطالب يكون شبعان نوم ومتريق وكاشخ وناطر بالسيارة او الباص وفي حفظ الله يروح ويرجع

ما الجوانب السلبية لتلك الفكرة ؟​

حاليا لازم يراجعون المناهج ويحترمون عقل الطالب مع تطوير مهارات التدريس بالنسبة للمدرسين وتصفيتهم حسب جودة الاداء
يعني يرافق تغيير اوقات الدوام تعديل جاد في المناهج واسلوب التدريس والتربية
وتشجيع المدرسين الاكفاء واعادة اعتبارهم وزيادة رواتبهم عشان يدرسون عيالنا من قلب ويحبون وظيفتهم
توزيع المهام يعني المدرس مسؤول فقط عن التدريس ويحطون سكرتارية لمتابعة الامور الادارية والامتحانات والاشراف والحضور والغياب وغيره
اعطاء وقت كافي للمدرسين لتقديم مشاريعهم واي واجب يكلفهم فيه الموجهين

ابعاد اخرى ترتبط بهذا الموضوع ترغب في تسليط الضوء عليها ؟​

تخصيص او اضافة وقت كافي لاداء الواجبات المدرسية
اعادة فترة الغداء والريوق لنظام المدارس
معاملة الطلبة بحب واحترام لتشجيعهم على الدراسة والارتباط بالمدرسة اكثر
حاليا هذا اللي ببالي ولما افكر واكلم ناس من التخصص راح ارجع واكتب ان شاءالله

 

[(كويتيه عسل)]

هههههههههههههههههههههههههههه 170 رافض :

واللي مؤيدين 14

 

[(كويتيه عسل)]

هل انت مع اطالة الدوام المدرسي ؟​

نعم
هل انت ضد اطالة الدوام المدرسي ؟
لا​

ما الجوانب الايجابية لتلك الفكرة ؟​

اولا ما راح تفرق اذا اقروا الدوام من 9 الى 3 لا راح يكون عدد الساعات متساوي مع الدوام الحالي
ثانيا راح تخف الزحمة الصبح
ثالثا بالنسبة للجو مدارسنا الحين كلها مغطينها وتكييف وخير والحمدلله
رابعا تشجيع الطلبة على حب العلم والتفاؤل بدال الشكوى المتكررة
خامسا الطالب يكون شبعان نوم ومتريق وكاشخ وناطر بالسيارة او الباص وفي حفظ الله يروح ويرجع

ما الجوانب السلبية لتلك الفكرة ؟​

حاليا لازم يراجعون المناهج ويحترمون عقل الطالب مع تطوير مهارات التدريس بالنسبة للمدرسين وتصفيتهم حسب جودة الاداء
يعني يرافق تغيير اوقات الدوام تعديل جاد في المناهج واسلوب التدريس والتربية
وتشجيع المدرسين الاكفاء واعادة اعتبارهم وزيادة رواتبهم عشان يدرسون عيالنا من قلب ويحبون وظيفتهم
توزيع المهام يعني المدرس مسؤول فقط عن التدريس ويحطون سكرتارية لمتابعة الامور الادارية والامتحانات والاشراف والحضور والغياب وغيره
اعطاء وقت كافي للمدرسين لتقديم مشاريعهم واي واجب يكلفهم فيه الموجهين

ابعاد اخرى ترتبط بهذا الموضوع ترغب في تسليط الضوء عليها ؟​

تخصيص او اضافة وقت كافي لاداء الواجبات المدرسية
اعادة فترة الغداء والريوق لنظام المدارس
معاملة الطلبة بحب واحترام لتشجيعهم على الدراسة والارتباط بالمدرسة اكثر
حاليا هذا اللي ببالي ولما افكر واكلم ناس من التخصص راح ارجع واكتب ان شاءالله

انتي شنو تشتغلين

 

[q8eya]

عاطلة عن العمل وبانتظار الوظيفة من زمااااااااااااااااااااااااان
ولي نشاط تجاري قادم باذن الله
وانتي ؟؟ شنو تشتغلين ؟؟

 

[q8eya]

للرفع

 

[PuPa^^SWeeT]

ضد و ضد و ضد
احنا من تصير الساعه 1 يصير طق عصي عالتوقيع !! ما بالكم لي صارت 3 ؟ بيصير ذبح مذابح و دم لي الركب
لما يعطونا احتياط الحصه السابعه نتبولعم من شطانه و بلاسه اليهال !! عيل لي صارت مثلا الحصه العاشره ؟؟ و شنو ما ورانا بيت ؟؟ ولا فاضين شغل ؟
و متى نسوي هالوسايل و نحضر ؟؟
عيل اعفو عنا التحضير و الوسايل و خلونا على قلم السبوره و ماكو زيارات و و زيدو معاشنا 300 دينار و الغو المناوبات والاحتياط والنصاب حده 10 و ماكو تربيه صف و موافقين :×

لووووووووووووووووووول

بالنسبة للي اتقوول عادي خل يخلصون المنهج خل يزيدون الساعات

لاا حبوبة بيزيدونلكم المواد مو عدد الحصص

يعني بتطلعلكم مواد غريبة عجيبة

واللي اتقووول الدوام من 9 لي 3

لو الحجي مثل ماقلتي ماقلنا شي بس اهمه يبوون الدوام من ال 7:30 ليل 3

عرفتي غيري حسبتج و جيكي

 

[q8eya]

لووووووووووووووووووول

بالنسبة للي اتقوول عادي خل يخلصون المنهج خل يزيدون الساعات

لاا حبوبة بيزيدونلكم المواد مو عدد الحصص

يعني بتطلعلكم مواد غريبة عجيبة

واللي اتقووول الدوام من 9 لي 3

لو الحجي مثل ماقلتي ماقلنا شي بس اهمه يبوون الدوام من ال 7:30 ليل 3

عرفتي غيري حسبتج و جيكي

شنو المواد اللي بيزيدونها ؟ ووين سمعتي هالكلام ؟ ومستحيل يخلون الدوام من 7.30 الى 3 وانا قريته بالجريدة مو من عندي يعني مصدري الجريدة مو كلام او مزاج ناس وللاسف ما عندي العدد والا كنت حطيته لج هني
عرفتي ؟ جيكي وعدلي حسبتج يا قلبي .