بسم الله الرحمن الرحيم
ازيكم يا بنات عاملين ايه رمضان كريم عليكم وعلى الامة الاسلامية هتقولوى انتى يا حجة كنتى عايزة ايه
هقولك طيب متزقيش هقول اهه انتم طبعا عارفين ان فيه جمعيات كتير بتعمل اعمال خيرية مثلا شنط رمضان ملابس العيد .....الخ ..الخ انا بقى من ضمن اعضاء احد الجمعيات
دى وكنا شغالين فى لبس العيد وبسم الله مما شاء الله الهدوم كانت من كترها محطوطة فى الاوضة والباب مش راضى يتفتح والله مهما قلت لن تتخيلو المنظر لكن ما هو مش
بالكترة لما جينا نفرز الهدوم علشان مثلا نقسمها نخلى الرجالى فى جنب والحريمى فى جنب .الخ .الخ ..فى ناس جايبة هدوم وحشة جدا لدرجة انها لا تصلح للاستخدام الادمى هادرة
غير صالحة طب بصو انا هديكم مثال :واحدة مثلا جيبالنا بنطلون جينز هتقولوى واية المشكلة اقلك ان البنطلون دة رجل سليمة وحلوة والرجل التانية لحد الركبة
اة واللهلحد الركبة طب دة ايه انتى مرضتيش تلبسيه ليه ترضى ان غيرك يلبسه مثلا واحدة تانية جايبة فستان الفستان بنبص نلاقيه متوسخ جدا جدا زى ما تقولى واقع عليه اكل واتعان كدة فالاكل لزق علية بس
حتى كبيرة خالص دة غير ان الفستان مقطوع من ورا طب بالذمة انا بانهى وش هروح ادى فستان زى دة لوحدة فقيره انتى ترضيها اذا ترضيها ملوش لازمة تقراى بقية الكلام واحدة تانية جايبة جاكت رجالى
جلد هتقولولى برضه ايه المشكلة هقولكم ان الجاكت الجلد بتاعه داب واتقشر خالص لدرجة واحنا بنطلعه من الكيس نلاقى الجلد بدا يطير ولزق فى هدومنا وعلى الحيطان ووسخ الارض وبقت حاجة اخر
مسخرة دة غير بقى اللى بيجيبو هدوم من ايام الستينيات والسبعينيان محدش عاد يبصلها اصلا احنا عندنا كذا قميص بقالهم معانا سنين والله ما حد بيرضى يبصلهم اة والله لدرجة ان احنا بقينا نقول
اة القميص دجة امال فين زميله اة والله ودة كله كوم واللى هقوله دة كوم تانى لما نلاقى ناس جايبة شرابات مقطعة وشرابات فردة وفردة
طب دة اسمه اية يعنى هبل مثلا ولا ايه النظاموالمفاجاة بقى اللى يعنى صدمتنا كلنا لما نلاقى واحدة جايبة فستان تقريبا كدة كانت بتولد بيه والفستان غرقان دم والدم نشف علي
ه طب قولولى دة اسمه ايه وفى حاجة اكتر من كدة ومن كدةلما نلاقى ناس جايبة اندر وبرا اقسم بالله اندر وبرا وبعدين دول مش جداد حتى لا دول مستخدمين ومقرفين جدا طب دة كلام انا اعرف ان الحاجات دى محدش بيستخدمها ولرا التانى حتى لو اخوات
بجد والله انا صدمت من الناس اللى بتقبل انها تتبرع بحاجة زى دى انا مش بقولك اتبرعى بحاجة جديدة لكن اتبرعى بحاجة تصلح للاستعمال الادمى علشان كدة حرام
انا بقى هوريكم مثال تانى خالص لنا فعلا نضيفة وعارفة هى بتتبرع بايه :
1_واحدة جايبة جلاليب بيضاء رجالى كلها جديدة ما شاء الله بالتكت بتعها ومحطوطة فى الكيس نضيف جدا وطلع الكيس مكتوب عليه الرياض يعنى جيباهم من السعودية تعرفم كانو كام جلابيه
كانو 14 جلابية شفتم بقى ناس عارفة هى بتتبرع باية بتراعى مشاعر الفقير وبجد الله يجازيهم خير.
2_واحدة تانية كانت جايبة بناطيل جينز 6 بناطيل كلهم ما شاء الله مغسولين ومتنضفين هما مسعملين لكن والله كانهم جداد ربنا يكرمها.
3_واحدة تالته جايبة سجاجيد هى بردو مستعملة لكن نضيفة جدا جيباهم للعرايس (احنا بنجهز عرايس) ربنا يديها على قد نيتها هى كمان.
4_واحدة رابعة كانت جايبة فستان فرح وبالطرحة بتاعته بجد كان شكله جميل ربنا يكرمها قادر كريم.
كدة انا جبتلكم مثالين انتى قولي لنفسك انه مثال احسن انه مثال له الجزاء الاكبر انا بقولك بس اتبرعى بحاجة تصلح للاستعمال الادمى مش حاجه انتى تدهلنا واحنا
نرميها طب ما ترميها انتى من الاول بجد يا جماعة لازم نراقى شعور الفقير ممكن يكون فقير لكن بجد عندهم كرامة بجد لية نجرحم علشان خاطرى يا فتوكات اى واحدة هتتبرع باى حاجة
شوفى الاول اذا كنتى ترضى انك تلبسى الحاجة دى او عارفة انها تصلح ان حد يلبسها اتبرعى بيها لو عارفة انها متنفعش يبقى ارميها ويكون لكى كل الاحترام والشكر.
عايزة ردود علشان اعرف رايكم فى الموضوع ربنا يكرمكم تقيمم علشان اكبر عدد ممكن يقرا الموضوع لعل وعسى يتثبت باى يا قمرات
[/list]
منقوول
...
