ما هقيت الذاكرة بتاخذج مني(محمد & ندى)

[ALooy]

مشكووووووره على هالبارت وناااطرين البارت الجاااااي بسسرعه لاتطولين علينآ بليييز
دلالوووه قثيثه الله ياخذهآ لووول
محمد يارب يرجع لندى
ندى بترد لهاا الذاكره ان شاء الله
عبد الرحمن بيتزوج جود ومآرآح يطلقهآ ابدن

 

[Zainabo]

حياتي يلا ناطرين البارت

 

[بقايا قلب مجروح]

Witing for u

 

[miss i]

ka al7en bnzlkom eyah twne katbta sorry 6walt bs l2ana shway 6wel

 

[miss i]

part 27:

الساعه 2 بليل بدار جود:

تررررررررن...ترررررررررن(تلفونها)

جود مالها خلق:الوووو؟؟

ندى:عندي لج خبر ابمليوووون دينار....

جود بتعب:شنو؟؟

ندى:عبدالرحمن...

جود فز قلبها:عبدالرحمن؟؟ شفييه؟؟

ندى:بيخطبج....عبدالرحمن بيخطبج يا احلى وحده بهالدنيا ....

جود باستهزاء:هه...ادري...اليوم امه كلمت عمتي....وعساس باجر ايون يشوفوني....ههههههه لا تسئليني شحقه بيشوفني....ما جنه اخذ كل شي مني....

ندى ما عرفت شتقول:.....................
............................................................................

اليوم الثاني الصبح:
كانوا توهم رادين من المحكمه...

الام تبوس راس بنتها:مبروك حبيبتي..

ياسمين مبوزه:الله يبارك فيييج..

الام:هو؟؟!! وشفيج مبوزه؟؟؟ في وحده تبوز وهي توها راده من المحكمه؟؟

ياسمين:ايي..

الام:وليش شفيج؟؟

ياسمين:يعني يما ...شهالطريقه بعد؟ نملج بالمحكمه و لا في لا حفله ولا شي ...حتى عرس منتو مسويين لييي...شنو هذا...

الام و هي تقط عبايتها:بس بس بس ....مو انتي تبييين تفترين العالم ويه ويهج؟؟؟ من وييين نييب لج فلوس؟؟ بتروحين ايطاليه وبتروحين باريس و بتروحين امريكا وبتروحين اسبانيا ...........يالظالمه شهر العسل بدال لا تسوينه شهر سويته ثلاث تشهر....حمدي ربج وبوسي اييدج ويه و ظهر.........

ياسمين:ايي يعني مايصيير اتسفروني و تسوولي حفله؟؟؟ كاهم رفيجاتي ...سافروا و سوولهم عرس...شمعنه انا مخيريينييي يعنييي...

الام:ايي مو قالولج قاعديين على بنك...

ياسيمن ماده البوز شبرين::.............

(وصلها مسج)

فتحته:
ترى تزوجنا...


ردت عليه:
صججججججج؟؟؟؟؟؟؟؟؟ تصدق توني ادري؟؟


عقب خمس دقايق:
لاا عفيه ترى كلش مو مستوعب جد جد


ردت عليه:
ههههههههههه عادي عادي انا مو مستوعبه اكثر..


عقبها:
عادي مو شي يدييد عليييج...


بققت عيونها وردت:
لا والله؟؟


رد عليها:
كااااااااااااااااااااااااااااك....احبج..


............................................................................

بالجمعيه:

ندى قاعده تشوف الكاكاوات الي تبيها...

:ندى؟؟؟

ندى لفت على الصوت:...(استوعبت وابتسمت) هلا محمد..

محمد يبتسم:شلونج؟؟

ندى:تمااام انت شلونك؟؟و شلون دلول؟؟

محمد(تسئلين عن شريجتج؟؟):تماام..الحمدالله...

ندى:عيل وينها مو شايفتها معاك؟؟

محمد:اي لا دلال بالشقه ...بس انا ياي اهني ااخذلي شويه كاكاوات وخرابيط ....

ندى:اهاا...اهيا قالت تبي؟؟؟ اخاف حامل و تتنسى؟؟

محمد (الله لا يقووول ): لاااا وين حامل....وبعدين ياي اشتري كاكاوات حقي مو حقها...

ندى:اهاااا..هههههه شكلك تحب الكاكاو....

محمد(انا الي علمتج علييه وخليتج تحبينه...):..هههه ايي..

ندى تبتسم:ايي حتى انا احبه...هاليومين صايره مدمنه كاكاو....

محمد ما وده يهدها:ههههههههه عاد مو زييين يصير فيج كلسترول ديربالج..

ندى:وي صج؟؟ احلف.؟؟

محمد بضحكه:هههه والله ...

ندى:وي حسرتي...خل اقلل...

محمد:ايييي حده...
ندى تبتسم:ههه..اوكيي عيل انا ماشيه....تبي شي؟؟

محمد(بتهديني مره ثانيه؟):لا سلامتج...

ندى:هههه يالله مع السلامه ..ٍسلملي على دلال...

محمد بانكسار:يوصل..

ندى راحت:..................

محمد ظل يطالعها ويتذكر ايامه معاها....

ندى بينها وبين نفسها عند الكاشير:شنو هالشي الي قاعد يصير فيني؟؟ ليش كل ما اشوفه لازم يمر على بالي شي؟؟؟ انا لازم اروح حق دكتوري واقوله..لازم....

............................................................................

بدار مريم:

مريم اتدق:...طوط............طووط.............طووط....(المشترك لا يرد .. يرجى الاتصال في وقت لاحق)

مريم:تؤ....شفيها اهذا مايرد؟؟ شقصته اليوم؟؟ يعنييي حاقر ويا ويهك؟؟؟ هين....هين يا حميين ...ان ما خليتك تتعلق فينيي...ما اكون مريم بنت امي وابوي...

............................................................................

بالمستشفى:

:سلام عليكم....دكتور فيصل موجود؟؟

السستر:لا والله ليلحين ما وصل.....تقدرين تتفضلين تنطرينه ...تقريبا بعد عشر دقايق يوصل..

ندى تبتسم:اوك مو مشكله..(و راحت صوب الكراسي ووقعدت)..

مرت دقيقه..

دقيقتين..

ثلاث..

اربع..

خمس..

ست...

الدكتور فيصل يدخل:السلام عليكم (ودخل غرفته)

 

[miss i]

راحتله السستر وطلعت من الغرفه ..

السستر تكلم ندى:اوكي مدام تفضلي...

ندى تبتسم وتقوم:اوكي..

دخلت عليه...

كان حايس بملفات الحالات الي عنده..

ندى:السلام عليكم دكتور...

الدكتور رفع راسه وعلى طول عرفها:هلا...هلا بندى...شلونج؟؟

ندى وهي تقعد.. استغربت وابتسمت:الحمدالله تمام...تتذكرني دكتور؟؟

الدكتور:وشلون ما اتذكرج؟؟ انتي اكثر حاله تعبتني...

ندى:ههههههههههه..

الدكتور:هههههههههههه ها عسا ما شر...؟؟

ندى:ما شر انشالله..اهوو...في شي قاعد يصيرلي وانا مو فاهمته ..مو عارفه شلون اتصرف وياه...

الدكتور ومبين عليه الاهتمام:وشنو اهوه؟؟

ندى:ساعات اصادف مواقف......من الحياة العامه يعني......لمن اشوفها......تفكيري ياخذني لموقف قدييم....بس مادري وين صار هالموقف او مع منو صار....اشوف اشكال تمثلي الموقف...بس منو اهي؟؟ مادري....

الدكتور :مثل شنو يعني؟؟ عطيني مثال..

ندى:يعني مثلا.......مره شفت واحد يعبر الشارع وانا بغيت ادعمه ...............لمن شفت خوفه وانا اطق بريك......تذكرت صراخ وحده وهي تندعم...و صراخ واحد....


الدكتور يسمع وهو مهتم:........

ندى:ومره......ِشفت بنت عمي و زوجها.....شفتهم ماسكين ايد بعض....خذتني الذاكره ...لواحد مسك ايديي نفس هالمسكه .....بس منو اهو؟؟ مادري ماني قادره اعرفه.....تحوشني نوبه ذاكره مشوشه.......اسمع الاصوات و اعيش الموقف لكن ويوهم بالنسبه لي مجهوله.....


الدكتور يبتسم:....اممممم......

ندى خايفه:شنو دكتور؟؟

الدكتور:والله يا ندى ماقدر اقول شنو هالشي ...لاني مو متاكد منه....بس بعطيج رقم تلفوني الخاص.......(بطريقه تحذير) وابيج كلما يصير فيج هالشي...تتصلين وتقولينلي....اوكي؟؟

ندى:ليش دكتور؟؟ شنو هذا ؟؟ شقاعد يصير؟؟

الدكتور:.....احتمال ترجع لج الذاكره ........

ندى باستغراب:شنو؟؟

............................................................................

الساعه 9 بليل ابيت جود:

عمه جود:هههههههههههههههههههه يحلوج يام عبدالرحمن و يحلو سوالفج...

ام عبدالرحمن:هههههههههههه بعد عمري والله....ربي يشهد اني ارتحتلكم والله....

عمه جود:من طيب اصلج والله.....

ام عبدالرحمن:مشكوره.....

عمه جود:العفوو.......

ام عبدالرحمن:......

عمه جود:........

ام عبدالرحمن:الا وين عروستنا؟؟

عمه جود:كا الحين اناديلج اياها..

(بدار جود)

جود تشوف ويها بالمنظره

جود(ليش سويت فيني جذي؟؟ شسويتلك؟؟ كل الي سويته اني حبيتك..عشقتك اكثر من روحي ):.........................(ودمعت عينه)


عمه جود تدخل:جود ماما..يالله نزلي امي....ناطرينج ....

جود:يالله اوكي...عمتي نزلي معاي لا تخليني انزل بروحي...


العمه:هههههههه اكيد حبيبتي بنزل معاج ...يالله ماما....

تحت...

عبدالرحمن يعدل غترته....و الغتره والعقال مخليته اينن...

انزلت جود وهي تصطنع الابتسامه...

العمه بصوت مرتفع شوي:وهذي عروستنا وصلت...

عبدالرحمن رفع عينه عليها طالعها من فوق لي تحت لا اراديا وتنح....بصراحه كان شكلها وايد حلو....و ميك ابها خفيف و لابسه نفنوف وردي فاتح (baby pink) و طالع شكلها اينن...

عبدالرحمن خذته ذاكرته:

جود طلعت من القاعه(تعلي صوتها عشان ينسمع):الوووو؟الو يما؟

امها:هلا يما ها ياو الرياييل؟

جود:ايي الحين بيدشون..

امها:خلاص الحين اطرش السايق..

......:منو هالحلوة؟

عبدالرحمن بينه وبين نفسه:..ما شالله عليها ...لا لا ..مريم احلا منها..اي اي مريم احلا...اخخخخ يا مريم ..لو بس توافقين...!!!!
........................................

جود:الو..

...:توقعتج ادقين..

جود:بس بغيت اعرف ..منو انت؟و شتبي..ووين شفتني؟...و شلي حاطه ببالك؟

........:ههههههههه كل هذا بقولج اياها ...بس اول لازم تعرفيني صح؟

جود:............

عبد الرحمن:انا اسمي عبد الرحمن..عمري 23 سنه..يعني اكبر منج ب3 سنين..واذا تبين تعرفين شلون عرفتج...فانا شفتج بعرس ندى..بنت عمي..

جود@شنووووووو؟انت ولد عم ندى رفيجتي؟

عبدالرحمن:ههههه اي ...ليش مستغربه..

جود:لا بس انا توقعتك...جد وايد و ما تتحاجة..

................................

جود:اممممم ؟؟؟شنسولف عنه؟؟؟

عبدالرحمن متنح فيها:.................

جود:يالله سولف

عبدالرحمن بدون مقدمات باسها...

جود استحت و خافت بنفس الوقت:.........

عبدالرحمن استوعب...(لا يا عبدالرحمن...البنيه وثقت فيك...لا تسوي فيها شي...يخليك تندم بعدين):ااا..اوك....شنو الي مو فاهمته من النوتات؟

جود (واااي اشوه انه ما كمل ولا جان رحت فيها)بارتباك:هذا...

عبدالرحمن:كله؟

 

[miss i]

جود:اي

عبدالرحمن:اوك...شوفي حبيبتي.....اهوه صاير جنه رسمه....حفظيه جذي(وقعد يشرح لها)


رجع للواقع:
عبدالرحمن(وسوييت الي كنت خايف منه....غلطت معاها....سامحيني يا جوود...ادري اني غلطت بحقج وايد .....سامحيني.....بس مريم؟؟ شلون بتستقبل زواجي..؟؟؟ شسوي؟؟؟):.............

صوت عمتها صحاه من سرحانه:يالله يما تفضلوا بالدوانيه عشان تاخذون راحتكم...

عبدالرحمن قام: يالله....

وصلوا الدوانيه...

قعدت جود...و قعد يمها عبدالرحمن...

جود:.............

عبدالرحمن:...........

جود:..............

عبدالرحمن يقطع الصمت: شلونج؟؟

جود بجديه:تمام..

عبدالرحمن:دوم انشالله..

جود:...

عبدالرحمن :ااا...مم.....ما عندج اسئله؟؟

جود لفت عليه باستهزاء:هه....ليش؟؟ في شي ما عرفته عنك بعد؟؟

عبدالرحمن: جود...بس عاد...انا يايج عشان اصلح الي انكسر..

جود:الي انكسر ما يتصلح يا عبدالرحمن..و صعب تصلحه بهالسرعه

عبدالرحمن بهدوء:امبلا...اكيد بيتصلح...انا داش بيتكم من بابه يا جود...

جود تطالعه وهي مشتاقتله: وليش ما دشيته من البدايه من بابه؟؟ ليش اخذت كل شي تبيه مني بالحرام؟؟

عبدالرحمن باسف: بالغلط ..والله بالغلط....حتى لو تلاحظين...ما لمستج من عقبها...ولا طلبت منج تيين شقتييي اصلاً........

جود بدت تلين من طريقته الي اشتاقتلها:بس ......

عبدالرحمن حس بشي غريب من ناحيتها :لا بس ولا شي...(ابتسم ) ولا تبين تخربين علينا وناستنا بهاليوم؟؟

جود عيونها غورقت و ابتسمت ...حست بالامان الي كانت تحس فيه وهي يمه:.....لا.....

عبدالرحمن بحنيه:عيل ابي اسمع ضحكتج....اشتقتلها وايد
............................................................................
بشقه محمد:

محمد قاعد يقره جريده...

دلال تتخصر:شرايك؟؟

محمد نزل الجريده وشافها...شاف الهبال الي مسويته:..............

دلال :حلوه الصبغه علي...صح؟؟

محمد باستغراب:صابغه شعرج اسود؟؟ ليش سويتي جذي؟؟

دلال:مو انت تحب الشعر الاسود؟؟

محمد استغرب اكثر:احب الشعر الاسود؟؟ لا مو شرط..منو قالج هالحجي؟؟

دلال بتردد:..عيل....عيل ....ليش.....عيل ليش تحب شعر ندوو؟؟

محمد :شعر ندوو؟؟ اااا ندى؟؟ شتقصدين ما فهمت؟؟

دلال والغيره ذابحته عالريال الي حبته:انت تحب شعر ندى...و ندى شعرها اسود...يعني اكيييد تحب الشعر الاسود...

محمد بضحكه و استغراب:ههه دلوله حبيبتي شفيج؟؟ الشعر الاسود حلو على ندى لانها وايد بيضه وانتي الشعر البني لايق عليج لانج حنطيه....يعني كل وحده لايق عليها شعرها ...

دلال بعصبيه:امبلاا...انت تحبها وما تحبنيي....تحبهااا و انا لااا(و بجت)

محمد وقف وراح صوبها:دلال شفيج؟؟ ليش تقولين هالكلام؟؟؟

دلال تبجي وشكلها يكسر الخاطر...المتكبره والمغروره انكسرت...:امبلاا..امبلاا انت ما تحبنييي....ما تحبنييي...

محمد كسرت خاطره خاصه انها مو نوعيتها تبجي و وايد تكابر:انزين ليش تبجين الحين....احنا مو يوم تزوجنا انت كنتي تدرين اني احبها؟؟؟ شلي تغير الحين؟؟

دلال بصراخ هستيري:الي تغييير اني حبييييتك....حبيييييييييتك...مابيييييييك تروووح لهاااا....حسسسسس ......انا تغيرت علشاانك.....سويت كل شي علشااانك.......قمت البس طوييل علشانك........غروووري خف علاشااااانك......كبريااائييييي انهدم علاشاانك.....قلبيييييي انكسر علاشاااانك....كل شيييي على شانك كل شيييييييييييي...

محمد يحاول يمسكها ويهديها:دلاال بس...بس دلااال...

دلال تبجي من قلب:اااااااااااااااااااااهههههه

محمد يلمها ويهديها:بس دلاال...

دلال وهي تشاهق:ا...احل..ف انك ...ما..ماراح....تهدني...

محمد يجذب عشان تهدى:بس بس..والله ماراح اهدج...

دلال وهي تبجي بحظنه:محمد احبك....والله العظييم احبك.....لا تهدني وتروووح....لا تهدني وتروووح مثل ما امي خلتني وراحت ....لا تتخلى عنييي..... لاااا تهدني مثل ما الكل هدنيييي وراااااااحح ولي يخليييييييييكك..

محمد حس ان الدنيا مطورقتها وايد ....و كسرت خاطره وايد...... حاول يهديها بهدوء.:اووووش بس بس...لا تبجييين مارح اهدج والله....شفيج خايفه......

دلال تبجي :...............

محمد:بابا بس...لا تبجين ....واذا على صبغتج....فلا تحاتين......حلوه علييج ....وانا احب عليج كل شي.....اسود بني ازرق بنفسجي وردي اخضر كل شي حلو علييج...كل شي..

دلال تمسح دموعها:ههههههه ....

محمد يبتسم:اي يبا ظحكي....مابي اشوف هالدمووع هذي...زين بابا...

دلال تمسح الدموع:انزين...

محمد يبتسم ويلمها مثل الياهال:......

دلال:احبك...

محمد(جان زين اقدر احبج مثل ندى يا دلال): وانا بعد...
............................................................................
بالمخفر:

العسكري: انحااش....انحاش من السجن!!!!!!!!!!!!!!!

الظابط طق على الطاوله ووقف:شنوووووووووو؟؟؟
............................................................................
w bss
mno ele n7ash?? dlal shno ma9erha??nda ra7 tt7asan 7aalatha??3bdelr7man bytzaawaj jod??witha tzawjhaa bey6alegha
wmriam??shno ma9erha??
chnkom bt3'yron raykom mn na7iat tw83atkom??

 

[جفاكـ ضيع غلآكـ]

دلال كــسسررت خـآآططري


ومريم سـخييفه .. اتووقع اللي انحاش اهو صالح مادري صلاح مادري شنو اسمه ..؟!

 

[روآني]

لآآآآآ
لآ تعورين قلبي و تقولين أن محمد بدآ يحب دآنه
ليش حلف لهآ جذب اوووف
صج كسرت خآطري بس مآ احبهآ
ودي أطقه أهوآ ويآهآ
يآآآآآ رب محمد يرد ندى يآآ رب
و الي أنحآش الي دعم ندى !~
و عبدالرحمن يضل مع جودو مآ يطلقهآ
رآح يعرف أن مريم مو زينه
و مآدري هذي توقعآتي
يعطيج العآفيه عمري كملي نآطرين التكمله

 

[miss i]

لووووول ايي اهيا دلال تكسر الخاطر و توقعااتكم عجيبه ثنكيو عالردووود وانشالله ماني مطوله عليكم ;*

 

[zoqa]

waaay la2 5la9 dalal eksrat 5a6re

w ba3den ya3ni 5la9 maku amal ya m7amad

it's over 5la9 oho tzawaj w aly ysaweeeh 7raaaaaaaam !!

plz nabe kl yom chthy paart

waiting u :$​

 

[miss i]

Okkk
7beebty b7awel anazel partat 6weela ^_*

 

[بقايا قلب مجروح]

Laa wii3 dlal la tdfar ras m7mad
W anshala trga3 althakro 7g nada w tthkar m7mad w yrad ya5thha
W 3bdalr7maan ya5th jood bs may6lghaa
W mryaam troo7 w t3lam jood ana 3abdalr7man kaan 7bibha aw yklmha
Thank you glby
Witing

 

[روآني]

لا لا محمد لآزم يرجع حق ندى
خل تولي دلآل ندى أولى فيه أهوآ قلبه عند ندى
امووت و أعرف اذآ محمد بيرجع حق دلآل و لآ لآ
أمبييه جذي ندى ترجع لهآ الذآكره بس مآ تقول حق أحد اذبحهآ << مجرد فكره طرت على بآلي

 

[بشاريه طربانه]

واي اكسرت خاطري دلال
اما ندى ان شاء الله ما ترجع لها الذاكره وتنصدم
ومنو الي انحاش الله يستر

 

[terenaam]

وااي دلال كسرت خاطري ..~
بس لييش محمد يحلف جذب ..!!!
ناااطرينج ..~

 

[-dust-]

محمد ليش يحلف جذب

امم اتوقع ندى ترجع لها الذاكرة بس ماترد حق محمد

عبدالرحمن بيظل مع جود ويدري انه مريم مو زينه

 

[انين الانتظار]

وااااااااااااااااااااااي بعد عمري على هالبارتين الحلوين فديتج وفديت اللي يقدرووون والله ؛**

امبيه لا محمد انت حق ندى لا تروح حق دلال عفية

ياسمين راح يسون لها العرس وبتسافر بعد

ودلال راح تندعم لان اللي دعم ندى انحاش من السجن وراح يموتها

وحمود حبيبي راح يرجع حق ندوووو

واااااااااااااي اكره مريم ودلال اف ما احبهم

واي كملي ناطرينج فديت عمرج انا

وبس

وثااااااااااانكس^_^​

 

[بقايا قلب مجروح]

Mta alpart ?????

 

[بشاريه طربانه]

متى البارت ؟؟