ما مصير الكويتية غير المتزوجة وتقدم بها العمر ...؟؟؟!!!

[بنت بابا جابر]

بناااات لو تلاحظووون واااايد قااااعدة اتطرق حق موضوع المرأة الكويتية الغير متزوجة ...؟؟؟!!!

لأني قااااعدة اشووووف الحااااله لايف جدااااامي ... تعور القلب وتكسر خااااطري ...وللأسف محد مهتم بموضوعهاااا

مهتمين بس بموضوووع المرأة اللي مااااخذه غير كويتي ويطااالبون بحقوق عيااالها اللي حقوقهم من المفترض محفووووظه في بلدهم الأم ... ونااااسين بنت البلد الكويتية اللي مااااعندها غير ربها وديرتها ... اللي مااا رضت تتنازل وتااااخذ أحد من غير ديرتها ... اللي تبي عياااالها من هالأرض... تبيهم كويتين منها وفيها ولا مااا تبي ...

يعني لازم تدفع الثمن انها ماا تقبلت تكوووون زوجة لمصري و سوري و سودااااني وغيره وغيره ...


والحين السؤاااال

ما مصير الكويتية غير المتزوجة وتقدم بها العمر وتوفي الوالدان وتم بيع بيت العائلة اين تذهب...؟؟؟!!!

عند الاخ او الاخت...؟؟؟!!!

وأين حقها في السكن الخاص بها ...؟؟؟!!!

 

[غموض المطيرى]

حبيبتي اللي اعرفه ان الكويتيه اللي ماتزوجت من حقها بيت الوالد ولاينباع اصلا دامها ماتزوجت وبصراحه هذا هو العدل والا يعنى وين تروح؟ خاصه ان اغلب النفوس ماتظل على حالها وكلن غرته هالدنيا

 

[عمرى شقا]

اى والله صاجه من المفروض وضع قوانين تحمى هذة الفئة من بنات المجتمع الكويتى وهذا فرض وواجب الدوله لمواطنيها

 

[uptown girl]

اختي موضوعج يعور القلب
جيرانا 4 بنات كلهم بالثلاثين اثنين تزوجوا وتطلقوا وماعندهم اعيال و اثنين بعد ما تزوجوا وحده معاها مرض ولا احد تقدم لها
المهم ابوهم شايب ومريض واخوهم اعوذ بالله واهو ومرته
مره شكوا الحال لامي تصوري اخوهم يقول تقضبوني فلوس والا اطردكم (واهو ما تغير جذي الا بعد ما تزوج من سنه)

قبل لا يهش ولا ينش
المهم قام يقول لهم طلعوا باللي ما يحفظكم اخذوا شقق ومن هالكلام
امي قالت لهم اياني واياكم تطلعون وين تروحون وصبروا
ذكرتيني بقصه المدرسه الكويتيه اللي قبل جم شهر اعتدى عليها عسكري وقتلها المسكينه راده شقتها واهو شافها ودخل وراها ولما حاولت تصارخ خنقها وقتلها
الله يرحمها انشاء الله الله يقبلها شهيده لانها كانت تدافع عن شرفها

 

[قـہۈه فـرنسيـہ™]

وبيت أبوووها وين رااح ؟؟

انزين مره مو متزووجه وكبييييييييييره تاخذ بيت بروووحها شتسوي فيه !

 

[uptown girl]

على فكره بيت الاب بعد وفاته يصير وريثه للكل من قال ان البيت يضل لغير المتزوجه من ابناءه
لا البيت وريثه للكل ينباع وكل واحد ياخذ حقه

 

[q8_84]

نهايتها بدار ببيت واحد من خوانها والله يعين

 

[( المـلاك )]

مصيرها ببيت واحد من اهلها يضفها و يستر عليها ..

 

[غير كل الناس]

في الكويت الحق محفوظ للكل عسي الله يتم علينا ولا يغير

 

[ورووووده]

بنات الحكومه تصرف لها شي؟
ومن اي عمر اذا ايه؟

( اللهم اني لما انزلت لي من خير فقير)

 

[مـوج البـحـر]

الله يكون بعونها ويكتب النصيب لكل بنات المسلمين..صحيح وضع البنت غير المتزوجة من أقسى وأصعب الأوضاع في المجتمع لكن
الله سبحانه مايضيع أحد اذا وكلناه امورنا ولجأنا إليه واحتمينا فيه..ياليت لو توفر الديرة سكن لهم

 

[الاميره]

بعد ما قطعوا بنصيبها و تقدم فيها العمر مصيرها واحد من اخوانها يذلها ويبهدلها وتالي يطردونها بالشارع
والله بالزمن هذا بعد وفاة الوالد لا ينفع لا اخ واخت

 

[فطووم 2009]

ومنكم نستفيد .. رفـع

 

[::كيك وعسل::]

بنات الحكومه تصرف لها شي؟
ومن اي عمر اذا ايه؟

( اللهم اني لما انزلت لي من خير فقير)

اذا ماني غلطانه ياليت يصححولي البنات
الكويتيه اللي وصل عمرها 30 ماتزوجت
يمشولها راتب ..@@
الله يعز ديرتي ..

 

[Om kan3an]

اي نعم صحيح اي بنت عمرها 30 ومافوق ومو متزوجه او مطلقه وماعدها عيال ومالها نفقه الحكومه تمشيلها راتب 400 دينار من الشئون

بعد ما اطلع كل ما يثبت انها مو متزوجه وماعندها راتب ثاني من الام او الاب وبعدين المشكله مو بالراتب ولا بالبيت المشكله لي ماتزوجت وصار عندها راتب وبيت بتقدر اتصون نفسها ولا بتاخذها حلاوه الدنيا على بو انه طافها القطار؟

وثاني شي بالكويت مافي احد يموت يوع ولا في ناس ماعندها مسكن بس مشكلتنا احنا الكويتيين وايد اتكاليين ونبي عازتنا توصل لي عندها محد له خلق يراكض حق شغله يا نبي عضو يا نبي وزير يتوسط واحنا قاعدين بالبراد

وتقبلوا مروري

 

[*أم*خالد*]

ام كنعان

شنو يعني ابتقدر اتصون نفسها ولا بتاخذها حلاوة الدنيا على ابو انه طافها القطار ؟؟؟

حتى البنت البكريه ماتسلم منكم ؟؟
المطلقه ونقول جربت الشغله بس حتى البكريه ماتسلم من النيل من شرفها ؟؟

استغفرالله ذكرتيني بقصة في سورة الكهف الرجل اللي دخل جنته "وهو ظالم لنفسه قال ما اظن ان تبيد هذه ابدا "

اسمحيلي كلامج يقهر .. استغفرالله واتوب اليه

وبالنسبه لي صاحبة الموضوع

المفروض الدولة تعطي مجال لبناتها يتزوجون من بره مثل ما فتحت الباب حق شبابها وخلت البنات يطيحون بجبد اهاليهم

والشي الثاني مادري ماسمعت انه لها شي من الحكومة .. وبيت الابو يظل بيت ورثه ينباع وتتقسم التركه
يا انها تسكن مع احد من اخوانها او تسكن بشقه اجار بروحها
خيارين واحد منهم أمر من الثاني

 

[ام ناصر 2009]

انا اشوف انه بيت الوالد يصير لها مثل اهل زوحي حماتي صار البيت لهااا اهي مو متزوجه

 

[الاميره]

اب
اب
اب

 

[بنت بابا جابر]

ام كنعان

شنو يعني ابتقدر اتصون نفسها ولا بتاخذها حلاوة الدنيا على ابو انه طافها القطار ؟؟؟

حتى البنت البكريه ماتسلم منكم ؟؟
المطلقه ونقول جربت الشغله بس حتى البكريه ماتسلم من النيل من شرفها ؟؟

استغفرالله ذكرتيني بقصة في سورة الكهف الرجل اللي دخل جنته "وهو ظالم لنفسه قال ما اظن ان تبيد هذه ابدا "

اسمحيلي كلامج يقهر .. استغفرالله واتوب اليه

يسلمووووووو ام كنعان على ردج
وبالنسبه لي صاحبة الموضوع

المفروض الدولة تعطي مجال لبناتها يتزوجون من بره مثل ما فتحت الباب حق شبابها وخلت البنات يطيحون بجبد اهاليهم

انا بهااااذي مو معااااج على فكرة البنت اللي تااااخذ من برا اتوهق ... مو بس عيااالها يصيرووون مو كويتين ...

لازم تنصاااع حق عاااادااات وتقاااليد اهل زوجها ... وهاااذاااا غير اللي يااااخذ كويتية عشاااان الإقااامة والقروووض المصااالح ...

والشي الثاني مادري ماسمعت انه لها شي من الحكومة .. وبيت الابو يظل بيت ورثه ينباع وتتقسم التركه
يا انها تسكن مع احد من اخوانها او تسكن بشقه اجار بروحها
خيارين واحد منهم أمر من الثاني

يسلمووو حبيبتي على المشاااااركة

 

[داريني]

افا عليكم انا خبره في هالسوالف
اذا كانت بكر مو متزوجه او مطلقة من غير اولاد
وساكن في بيت ابوها وفي حال وفاة الوالدين يصير البيت ورثه
واحد من الابناء استخدل البيت يشرط لها حق سكن وتاخذ فوقها نصيبها
بس اذا باعوه على واحد غريب مالها حق سكن وتتخارج حالها حال اخونها


بس اذا كانت مطلقة وحاضنه اولادها عندها حق سكن مع طليقها لحين يبلغ اخر ولد عمر 26 سنة

وانا عندي عمات الله ما كتب لهم نصيب ولما انباع بيت يدي
عماتي حطو فلوسهم على بعض و ابوي عمامي ساعدوهم وشرو لهم بيت وقاعدين فيه معزيزين ومكرمين
والدولة ما تقصر بس شاطره الي تبحث ولا تصير عاله على احد هذا راي