ما كان جذي بس تغير!!!!

[الدميره ..]

كويتيات رحت بيتي اخذ اغراضي شفت جهاز زوجي على الطاوله بطلته والا فاتح البلوتوث
وحاط رقمه بالبلوتوث حيييييييل غرت بس عرفت انه قاصدها عشان يقهرني .ّّ!!!
تعبت حيييل ومو عارفه شسوي قمت اوسوس 24 ساااعه وبس ازف اعيالي
وابجي من غير سبب وتهاوشت مع اختي اهو من حملت ومتغير علي حييل
لانه ما اعطيه حقه :eh_s(16): وانا الحين ابيت اهلي مو عارفه شسوي
تعبت منه ومن تصرفاته

لو انتو مكاني شتسووووون

 

[اشتياق]

خلج هاديه وعاديه ولا تتهاوشين مع احد

وفهميه انج بالنساة والنساة صعبه وذكريه بنساة عيالج قبل

وان شاء الله مافيه الا الخير

صيام مقبول<<توها فاطره

 

[ستروبريه]

حبيبتي ليش ماتعطينه حقه الريال من يحس ان المره مو مجابلتهخ اكيد بيروح بره
هدي بالج وعيالج المساكين شذنبهم تصرخين عليهم
وانتي شدراج قاصد يقهرج
قعدي معاه وبكلمه حلوه شوفي شفيه
ولاتخلين زوجج وعطيه حقه
هذا الغالي بو العيال

 

[احلى سماء]

تفاهمي معاه

قولي لازم تقدر وتعذر

وشسوالف هالمصبنه الفاسده

انت رجال وابو عيال

عيييييييييييييييييييييب عليك

 

[فوفو22]

شكووو رايحه بيت اهلج

والله هالبنات جنوني

حملوا راحوا بيت اهلهم ....يتنسون

بالشهور الاخيره لراحوا بيت اهلهم..... يرتاحون

بالاربعين تنفست ببيت اهلها

شسالفه

وهالرجاااااال من يرحم حاله

عجز يعبًر لج عن تعبه لفراقج

من تذمر ووضع رقمه بالبلوتوث

يبي يثيرج

ولكن رده فعلج للاسف

العكس

حطيتها باليهال واثاره المشاكل

وبعدين عندج عيال شنو مقعدج عند اهلج

حفظي بيتج وريلح وعيالج وضفيهم وروحي بيتج

فوفو

 

[جذابه بنت ذيابه]

رد : ما كان جذي بس تغير!!!!

اول شي الغلط منج مخليته ونايمه ابيت اهلج ..

الا اذا الشي جايد ما الومج ,,
انا وحام ويالله يالله انام ابيت اهلي حيل احاتيه بس غصبن عني


فعشان جذي ردي بيتج واخذي اعيالج وادعي له بالهدايه
وعليج بسورة البقررره والاستغفااار عجييييييييييب
عن تجربه ..

 

[انا مو هني]

رد : ما كان جذي بس تغير!!!!

لو انتي تطالعين حلقه زوارا الخميس راح اتعرفين الي مثلج شنو سوا ريلها

 

[بولندية]

بقولج شغله بس لاتزعلين انا مو فاهمه السالفه اهو يكلم ولاانتي شاكه ان يكلم و الحين بيت اهلج موداري عنج يعني ؟؟ ولا شنو اذا السالفه
جذي

شنو ينفع زعلج

لما كنتي عنده و كلم غيرج ومجابلته 24 ساعه مادرى عنج راح يحس فيج وانتي بعيدة عنه و لا رحتي بيت اهلج زعلانه على بونه تبينه يترجاج انج تردينله ؟؟

انا ما احب اكلم وحدة بهاسلووب و اول مرة جذي اسلوووبي بس بصراحة قهرتيني

دام ان زعل لانج ما تعطينه حقه هذا دليل ان ما يكلمج غيرج و حتى اذا كان يكلم كافي ان ما يخربط لو يخربط جان قال كيفها عندي 1000 وحدة غيرها

حبيبتي انا سألت وحدة متزوجة شلون اذا كانت حامل و نسات و ريلها قالت تعطيه حقه غصبن عنها مهما كان الريال ترى صبره مو نفس صبر المرا الحريم يصبرون اكثر من الرياييل والصبر اساسا بالفطره الله سبحانه و تعالى معطي الحريم صبر اكثر من الريال

وخصوصا سالفة حقه الشرعي

دقي عليه حاولي تراضينه تدلعي عليه حببيه فيج دزي له مسجات حب وشوووق


فاجأي انج رديتي بيتج شفايدة اعصابج على عيالج اصلا اهم مالهم ذنب باللي صار

حتى لو كلم المرا الذكيه ما تستلم من البدايه انتي مرته و الناس كلها راح توقف معاج ضد ريلج واللي كلمها ( لو كان يكلم الله لا يقوله )

ليش تستسلمين من البداية و الحق اساسا معاج لييييييش؟؟؟
هذا بيتج و ريلج انتي اولى فيهم من غيرج لا تخلين وحدة غيرج تستغل الفرصة انج زعلانه ومو داريه عن ريلج و الله تستغل الفرصة و تغررررررررررقه بالحجي الحلو و ينساج

حتى لو ردج بيردج علشان عيالكم يمكن مو علشانج غيري من نفسج خليه يفكر فيج قبل لا يفكر حتى بعياله


سألي نفسج جربتي الزعل و رحتي بيت اهلج فادج الزعل و روحتج حق بيت اهلج بشي؟؟؟


اكييييييييييييييييد و انا متأكده ان لأ ما فادج بشي

حاولي بطريقة ثانيه اللي قتلج عنها ردي بيتج و غيري من تفكيري ردي و جنج عروس في اشياااااااء وايد تخلينه يحبج


وسالفة رقمه بالبلوتوت انتي ما قلتلي شي مو زين بريلج غير هالشي

يعني هالسالفه و لا شي بالنسبه حق سوالف باجي الرياييل اللي يسوونها وانتي قلتلي ما حط رقمه الا علشان يحرج

انا احس ان اساسا ريلج ما يحط رقمه من قبل بس لاتزعلين يمكن غثيتيه و عرف شنو نقطة ضعفج و شنو الشي اللي يحرج و يزعلج وحط رقمه علشان يقهرج مثل ما قهرتيه مثلا بشكج؟؟

انا ترى رديت على موضوعج على اساسا انج تشكين فيه ومادري اذا كلامج بيزعلج

بس بالنهاية مهما اختلف الموضوع ردي حق بيييييييتج و حمدي ربج على النعمه اللي انتي فيها

والله يوفقج

 

[ام عثمانو]

رد : رد: ما كان جذي بس تغير!!!!

شكووو رايحه بيت اهلج

والله هالبنات جنوني

حملوا راحوا بيت اهلهم ....يتنسون

بالشهور الاخيره لراحوا بيت اهلهم..... يرتاحون

بالاربعين تنفست ببيت اهلها

شسالفه

وهالرجاااااال من يرحم حاله

عجز يعبًر لج عن تعبه لفراقج

من تذمر ووضع رقمه بالبلوتوث

يبي يثيرج

ولكن رده فعلج للاسف

العكس

حطيتها باليهال واثاره المشاكل

وبعدين عندج عيال شنو مقعدج عند اهلج

حفظي بيتج وريلح وعيالج وضفيهم وروحي بيتج

فوفو

ماشاءالله عليج حكيمه بكل افعالج وتصرفاتج احسج ثقيله ورزينه ماشاءالله عليج .. يعجبني كلامج واسلوبج عيييييين العقل عسى الرحمن يسخر لج .. احبج فالله

 

[انتظر حبه]

رد : ما كان جذي بس تغير!!!!

صاجه اخت بولنديه

 

[زهراء الركابي]

رد : ما كان جذي بس تغير!!!!

الله يهديكم حق بعض


الكلمة الطيبه صدقه


حاولي تردين بيتج وتتفاهمين معااااااااااااااااااااه بهدوووووووووووووء

 

[DooLy88]

رد: رد : ما كان جذي بس تغير!!!!

الريال مثل الياهل

ان صادج ظرق وبتتي بيت هلج
يدج بقلبج لان احتمال 75% يخون ويسوي حركات

شنسوي يعني؟ نجابل روحنا والا اليهال والا هالريال الياهل العود

بكل شي يخلون الغلط عالمرة

شقول لج حبيبتي !! الله يعينج

 

[بولندية]

رد: رد : ما كان جذي بس تغير!!!!

صاجه اخت بولنديه

تسلمين حبيبتي

 

[a7la MUM]

شكووووووو رايحه بيت اهلج!!!
امبيه يعني عشان حاط رقمه !انزين واذا؟؟؟ شالمشكله؟؟؟
حبيبتي لالالازم المرة تترس عين ريلها اذا انتي بالاول الاشهر مالج خلق والاشهر الاخيرة ماااالج خلق وتكونين نفاس وماااااااااااااااااالج خلق وبعد النفاس لويه البيبي واليهال وماااااااااااااااااااااااااااااالج خلق عيل متى لج خلقه
الله يقومج بالسلامه حبيبتي انتي

 

[الأميرة جوري]

الله يهديكم لبعض

 

[هيبة ملك]

أكيد من الفراغ والحرمان

يبه ردي بيتج وجابلي أبو عيالج

 

[أنا Top أنا]

رد : ما كان جذي بس تغير!!!!

والله عادي شنو يعني ؟؟

نفس اختي طاحت عليه حاط رقمه بالبلوتوث ولا سوت شي .. لا تسيئين الظن !!

وشكو تحطين حرتج بعيالج وتروحين بيت اهلج عشان البلوتوث والله ماعندج سالفه !

واذا متضايقه حيل كلميه .. وشوفي شنو رده ؟؟

 

[بحر الذكريات]

الله يهديه ويسخره لج

ولازم تغصبين نفسج وتعطينه حقه الا اذا كان السبب صحي

 

[đeɱɛɼɑ™]

انتي قلتيها >مووو معطيته حقه .. الريال يتزوج يحصن نفسسه وانتي تتمنعين عنه ؟
وبعدين ليش طالعة من بيتج
حتى لو تزعلون وتتهاوشون لا تطلعين
الريال يبي ليه رجع البيت يلقى مرته وعياله .. يبي الراحة النفسية
استهدي بالله وتعوذي من ابليس
وردي بيتج وعطي ريلج اللي يبيه

 

[خليفة العظماء]

عادي تحمليه مثل ما اهو متحمل نساتج وتعبج

هذي الدنيا اهو تعبان مثل ما انتي تعبانه متزوج و مو قاعد ياخذ حقوقه