ما فيكم شريف ؟ حسبي الله عليكم

[*مارلين_مونرو*]

انا وقت الغزو كان عمري 3 سنين و رب الكعبه اني اذكر اغلب اللي صار واللي شفته بالغزو ..

شلووون يبونا ننسى !! لا والله ماراح ننسى وراح اعلم عيالي و عيال عيالي على اللي سووه فينا العراقيين وعلى الالم و العذاب اللي شفناه منهم حسبي الله عليهم ..

وتلفزيون الكويت يالله من فضلك حطولهم تقرير بو نص ساعه و قلبوا القناة اغاني و بابايات !!

محد حاط عن الغزو الا الوطن و سكوب !!

والله مارااااااح ننسى و قلوبنا ماراح تصفى عليهم .. اللي شفناه منهم مووو شوويه .. غدروا فينا و شتتونا حسبي الله عليهم ..

 

[cherry kisses]

حرام عليج عورتي قلبي مادير شنو صار فييني بكلامج احس هزيتيييني
مع اني كنت صغيره وما اذكر ولا شي
بس امس الفير امي نعفسسسسسسسسسسسسسسسسست و قاعده تسولف عن الغزو وجذي والله الي يشوفها يقول امس صاير هالكلام
اكيد حبيبتي ماراح ننسى وعمرنا ماراح نسااااااااااااااااااااااااااااااامح
والفير الوطن كانوا مسوين تقرير عن الغزو وجذي ومادري عن باجي القنوات
ومشكورة حبيبتي على الموضوع

 

[كويتيه رزتها ملكيه]

حسبى الله عليهم 000 من صجهم 00ترى الغزو ماصارله 19 سنه مووو مئه سنه 00يعنى اذا ما ذكروا الغزو بوسائلهم الاعلاميه ببنسى الشعب ؟؟ متخلفيييييين 00وصدقتى مااافيهم شريف :eh_s(14):

خلى يشوفون الدول المجاوره مانسوااا 0 اليايان مانست الى ماتوا بالحرب العالميه 00وييبون ننسى 00شلوون ننسى حتى رفات شهدائنا 600 شهيد مو لاقين ولا قطعه عظم لهم بارض العراك ياااعلهم للحرااااق كلهم حسبى الله عليهم

عذبوا اهلنا 00وشردوا عوائل وشباب 00وحرقوا الاخضر واليابس 00دمروا مدخراتنا وحرقوا ابارنا 00عسى ربى يحرق ارضهم

بناااات كل كويتيه ااصيله تحب هالارض ترفع الموضوع 00فيه عضوات من بره الكويت مايعرفون الغزو شسوى فينا 00مايعرفون ان فيه شباب شهداء نفتخر فيهم ضحوا بارواحهم ودمائهم 00وناس انقتلت ظلم وعدوان 00 واطفال خدج ورضع انحرموا من الحياه بسبه الوحوش الى غزوونا

وماااقصرت سكوب برد ت جبدى فيهم هالهكره الوحوووش

ومشكوووووووره ديفاا على الموضوع الى يعووووووور القلب :0bee2e8d89:

 

[قـہۈه فـرنسيـہ™]

ايييييييييييه والله صاجه ديفاااااااا ...الإعلام عندنا xxx يبطون الجبد ,,فالحين يحطووووووون أغاني وقت الأذان بس,,,

الله يصبر قلبج ديفاااااا ,,, والله كلنا ما نسينا ,,,مع انه يوم الغزو كان عمري 4 سنوات بس سبحان الله تمر علي مقتطفات ...أذكر أشيااااااااء من الغزو

 

[زهرااا]

الله يحفظ الكويت و شعبها من كل مكروه

 

[laymona]

حبيبتي فديتج والله اوافقج بكل كلمه كتبتيها و اضم صوتي لصوتج

 

[هجير الريح]

حبيبتى حتى لو ماحطو شى بكل وسائل الاعلام تظنين بننسى لاوالله ماراح ننسى والعذاااب اللى حاش اهلنا وديرتنا انغرس بقلوبنا وراح نغرسه بقلوب عيالنا واحفادنا ليما تفنى الارض لايمكن ننسى والصور اللى حطيتيها اكبر دليل لجروحنا وتبينا ننسى حتى لو اعلامنا نسى والاعلام ماهو دليل على جرحنا يمكن يتكلم عن احداث وتاريخ مر لاكن الشخص اللى انجرح وتعذب وفقد ناس غالين وغير هذا فقد ديرته اغلى ما فى الوجود امانه قوليلى شلون بينسى وينطر من الاعلام يذكره ...... الجرح كبير حبوبه ومانحتاج له تذكير من اشخاص اعلاميين نسو او تناسو

 

[MoNaY~]

قريت كلامج وحدي تأثرت
مستحييييل ننسىى لو يصير اللي يصير
مستحيييل ننسىى التعذيب والدمار والقتل والاغتصاب والبوق والنهب والتهديد والتخريب
شلون ننسىى دم شهدائنا وأسرانا اللي للحين ما يندرا مصير أغلبهم
شلون ننسىى اذا للحين في منهم طامعين بهالديره الطيبه الطاهره
اذا اعلامنا نسى او تناسىى .. مستحييييل احنا عيال هالارض ننسىى اللي صار
لو تمر ملايين السنين هالصفحه ما تنطوي بتظل موجوده بتاريخنا
بتظل موجوده جدام عيالنا جدام شباب المستقبلـ
خيعرفون شصار خيعرفون التضحيات خيعرفون الدمار الي حاشنا من ناس اعتبرناهم اخوان وجيران
خيعرفون ان هالارض ارتوت بدم الشهدا خيعرفون اسامي اللي ضحوا باعمارهم عشان الكويت
مستحييييل ننساااااهم
الله يحفظ هالارض من كل مكروه من كل طامع فيهاااا

تسلمين ولله على الموضوع اللي حرك فينا كلنا مشاعرنا تجاه هالوطن
ما قصرتي ولله مشكوووؤره

 

[حور العيون]

يالبـا قلبج والله


ما نقوول الا حسبي الله ونعم الوكيييل ع اللي كان السبب


الله يحفظ الكويت وامرينا وشعبناااا من كل مكروووه ياارب

 

[سلحوفه]

ماننسى تعتبرون الغزو سهل ينسي

ننسى الاسرى اللي محد يدري عنهم شي حيين ولا مييتييين

ننسى شلون يدشون فالبيت ويذبحون اللي بداخله من غير رحمه

ننسى اللي ذبحوا زوجها عند باب بيتهم

ماينسى هالشي بس اللي ناكر خير الكويت عليه

 

[ScarletteO'Hara]

مالي كلام من بعد كلامج يا ديفا
كفيتي ووفيتي

 

[㋡..PRINCESS..㋡]

لو شيصير مستحيل ننسى !

تصدقين أكثر شي قاهرني و باط جبدي انهم شالوا الغزو من المناهج ! انزين لييييييييييييييش شالسبب؟؟

والله شي يعور القلب ..

 

[ذره في المجره]

كلامج عدل 100% مو بس هالسنه ترا كل سنه يمر هاليوم بدون اي شي قوي

جان اغنيتين و صورتين بس

لازم يسون شي اقوى من جذي

صح و معاج بكل كلمه قواج الله

 

[ضحكه مستعاره]

تكفووووووووون شنو ننسى شنو ننسى بالضبط ننسى 7 شهور ديرتنا عاشتها ظلام بظلام ولا ننسى عيالنا اللي راحووو ولا ننسى بناتنا شلون ننسى شلون ينسى الشايب ولده اللي خذوه قدام عينه شلون تنسى الام ولدها شلون تنسى الزوجه زوجها اللي انذبح قدامها شلوووووووون قولوا لي شلون ينسون هذول

شلون ننسى دمعة بابا جابر علينا ياعساه بجنة الفردوس يارب
شلون ننسى الغدر شلووووووووووووون
لا ماراح ننسى
احذفووووو الغزو من المناهج
احذفووووووه من الاعلام

قولووووووو عفا الله عما سلف

قولووووووو افتحووووو صفحه جديده
والله تعبنا فتحنا صفحات وصفحات وخلص الدفتر وجبنا دفاتر ثانيه ماكو فايده ذيل الجلب ماينعدل

سووووووو كل شي
بس نقولكم باعلى صوتنا ماراح ننسى هذا تاريخنا وهذي ديرتنا اللي انغدر فيها
وبنتم ندرس عيالنا وعيال عيالنا ونعلمهم اللي صار لهم
بنعلمهم عن الغزو العراقي الغاشم مو عن الغزوووو الصدامي مثل ماتدعون
بنعلمهم عن اباءهم واجدادهم اللي ضحوا بارواحهم
بنعلمهم عن الفلسطن اللي قلبووو ضدنا
بنعلمهم عن العرب المتخاذلين
بنعلمهم عن الناس اللي شمتووووو فينا
بنعلمهم عن 7 شهور عصيبه
بنعلمهم عن بابا جابر ووقفته اللي هزت العالم كله
بنعلمهم وبنعلمهم وبنعلمهم وانتووووووو احذفووووو اللي تحذفون من المناهج والاعلام بس عقولنا وقلوبنا ماتقدرون تحذفون منها شي

وانا وحده من الناس اللي عندي مكتبه كامله كلها مجلدات وصور واحداث انا سجلتها بخط يدي من كبار السن وقصص يشيب لها الراس ودي اكتب لكم منها بس مابي اعور قلوبكم اكثر

يالله بنات ارفعوووووو ايدينكم وادعوووو معاي
الله يحفظ الكويت من شر كل حاسد ومن كل مكروه يارررررررب

الله ينتقم من كل واحد تشمت فينا وبجرحنا

الله ينتقم من كل واحد تعاون مع الكواوله

الله ينتقم من كل واحد يترحم على صدام

ياربي ورينا فيهم يوم ياررررررررررررررب اخذ حقنا منهم
وعساهم بهالحال واردى واردى يارررررررررررررررب

ك

 

[بحر الرمال]

و لا يقولون يبون اييبون مدرسين من العراق
الله يرحم الشهداء

 

[أمووورة الكويت]

حسبي الله ونعم الوكيييييل والله انا مثلج بخاطري اشوف برامج عن الغزوو علشان هالجيييل يعرف ويحس شوي من الي شفناااااه

لان هالجيل قلبهم ميييييييت والله


وربي ميييييييييييته قهر حسبي الله علييييييهمممممم وهني مايتوبووووون جنه بخاطرهم غزو ثاني مادري ليش يايبين مدرسين عرااقيين ومادري ليش يايبين سسترات عراقيات ناااااااقصصصصص عليناااااا

الله لايوفقهمممممممممم جانهم ناوين ع شي

 

[اللمسة المخملية]

واااااااي عورتي قلبي يا ديفا

الله يحفظ لنا الكويت ويرحم شهدائنا ان شاءالله
وبديم علينا الامن والاستقلال..

وحسبي الله على كل من يضمر الشر على كويتنا حبيبتنا..

مشكورة عالتنبيه..

 

[جـــواهر]

لــــــــن ننسى ولو تمر 100 سنه لن ننسى ولا والف لا ......
وعسالله يرحم شهدائنا الابرار ويحفظ ديرتنا ويخليلنا بو ناصر يارب

وعــــــــــــــاشت الكويت رغم انف الحاقدين​

 

[really cat]

يا بعد عمرى والله

كلامج اثر فينى ودموعي انزلت
والله يبارك فيج ويكثر من امثالج
الكويت محتاجه ناس نفسج وشرواج
يا كويتيه
و كويتيه وكويتيه وكويته يا اصيلة يا بنت الاجواد

 

[مطيريه ماركه]

احنآ مآرآح ننسى

آنا صغيرة بوقت الغزو بس يوم درسونآ عن الغزو قآلولنآ الغزو العرآقي

الحين جيل جديد بتغير مفآهيمه قآموآ يقولون الغزو الصدآمي

لييييييييييييييش ؟؟؟؟

كل العرآق غزت الكويت مو صدآم بس

اعلآمنآ تآآآآآآآآآفه ومظلل وكثيرآ مآ يفقد مصدآقيته

أوكي علاقآت دبلومآسية لكن هالفآجعة ليش مآ تبينونهآ لآ تطبطبون عليهم

مووووووووووووووو كفو

حرقوآ قلوبنآ وللحين يغثونآ بحجيهم

شكو فيهم أحنا مآورآهم جنة ولآ ورىآم نآر

صحوآ عيآلنآ علموهم عن الغدر والطعنة اللي صآبتنآ من هالجآر الخسيس

ترآ مهمآ سووآ وحآولوآ يخفون الغزو وكأنه مآ صآر أحنا بنعلم عيآلنآ

آنا وحدة بقول للطلبة الغزو العرآقي ولو صآر مآصآر مآعلي من اكبر رآس

مآفقدنآ وآحد والا اثنين

أبونآ جآبر سعد أهل الكويت

كلنآآآآآآآآآآآ

تشردنآ وللحين يتشمتون فينآ

فيه أكبر من هالحرة ؟؟؟

احنآ شعب حر مآتعودنآ التشرد من خلقنآ الله عزيزين

انذلينآآآآآآآآ ويبونآ ننسى

لآ والله مآ ننسى

خل يرآجعون حسآبآتهم ويحيون هالذكرى المؤلمة