شوفي حبيبتي انا بقول لج تجربتي ...قبل سنه اكتشفت انه فيني اورام ليفيه بالرحم وكان حجمهم وااااااااايد كبير لدرجة انهم قالولي احتمال يشيلون الرحم وهالحجي ماصارلي 6 اشهر متزوجه..المهم اقترحت علي دكتورتي بالخاص اني احمل بسرعه على الاقل يصير عندي ياهل قبل لايشيلون الرحم...وبلشت بالعلاج والابر والمنشطات والتلقيح الصناعي وسبحان الله ماحملت الا بثالث شهر ..المهم رحت الصباح عقب ماعرفت اني حامل على اساس اني اراجع عندهم واسوي الربط واوفر فلوس العمليه...والله لااااااااااايوريج ذلوني ذل وخلوني ابات بالمستشفى 10 ايام وكل يوم يمر علي دكتور يرخصني وانا ارفض اني اطلع واقعد كل يوم اتناجر مع دكتور واقول له انا محتاجه حق العمليه مابي اخسر هالياهل على الاقل خل اطمن نفسيا ...والله العظيم كلهم قالوا احنا بالصباح مانسوي الربط الا اذا عندج على الاقل حالتين اجهاض من قبل ...ياسلااااااااام يعني يطيح اللي ببطني عشان تدرسون حالتي اذا استاهل ربط ولا لا !!!!!!
الحين خلصنا الربط ويت سالفة الولاده المبكره كان في احتمال كبير اني اولد مبجر نزين شنسوي؟؟ قالت دكتورتي انا اقدر اولدج بالخاص بس المشكله بالياهل الخديج ..استعدادات الخاص موذاك الزود بالاجهزه وباليوم الواحد تكلف الشيشه على الاقل 800 دينار...قلنالها مو مشكله اولد بالخاص وبعدين نحول ولدي الصباح ..تدرين شنو ردها والله الشاهد انه هذا كلامها قالت ياما وياما نحول اطفال خدج للحكومي وبالاسعاف وترفض المستشفى استقبالهم بحجة انهم مومولودين عندنا ومانقدر نتحمل مسؤوليتهم :eh_s(1):
المهم هالحجي توني بأول السادس وهني ريلي احتار شيسوي ؟؟ طلع واسطه ودخل على وزير الصحه ...هالحجي شهر 8 اللي طاف وشرحله كل شي وطمنه الوزير..وسبحان الله عقبه باسبوع بالضبط ولدت وكنت بالسادس ...والله والله لو اقولج شصار معاي جنه حلم ...الصباح صارت احسن من اي مستشفى خااااااص..لانه واسطتي الوزير ..اول شي غرفة الولاده كانت شي مو طبيعي مكتوب على الغرفه من بره VIP واللي فهمته مو اي وحده تولد بهالغرفه ... تخيلي انتي على سرير الولاده واجهزه غريبه عجيبه لج بروحج ...والله العظيم وقفوا على راسي 3 دكاتره استشاريين ومن احسن دكاترة الصباح اعتقد واحد منهم اسمه السعدني والثاني دكتوري ليلحين اسمه عاصم البياع والثالث ما اعرفه ودكتورين تخصص اطفال الخدج والله العظيم الممرضات اللي حقي بس انا 5 ممرضات مجابليني يعني تخيلي على راسي بس انا طاقم كامل من 5 دكاتره و5 ممرضات...لا والدكتور يسألني مرتاحه من هالممرضات والا تبيننا نغيرهم :eh_s(1):
والله ماكتبلي اولد طبيعي ولدت قيصريه وماله داعي اقولج شنو اللي صار عقب الولاده من دلع ولا بالاحلام ...
ديفا حبيبتي انا ملاحظتج اسم الله عليج من اول ما حملتي وانتي من طيحه لي طيحه الحمد الله على كل حال
بس اخاف فيج عوينه ديري بالج اقري على عممرج يوميا سورة البقره واذكار الصباح والمساء لاتخلين نفسج
والله يثبت حمالتج ويرزقج بالضنى المتعافي