ما فقدتوني ؟؟ شوفوا شصار فيني :(

[:: Diva ::]

السلام عليكم







وايد خوات يدرون اني من شهر 3 بالمستشفى !
و اي مستشفى الصباح و العياذ بالله
ازعاج وصاخه قلة اهتمام ادوية قديمه ماتسوين سونار هناك غرف عموميه حمامات متروسه حشرات
سسترات خشنات و غيره و غيره الله لا يعوده



السبب اني نزفت و المستشفى الخاص طلع لي تقرير بس رفض دخولي فيه لان فيني اجهاض منذر و احتمال يطيح البيبي
و ما يبون يشيلون السالفه على روسهم حولوني الطواري و دخلوني على طول


24 ساعه انزف ما سو لي سونار !!
فسويت لهم سالفه بالمستشفى ان البيبي لو مات فهو ميت من ساعات و محد فيكم يفحص
و النتيجة كتبو فيني تقرير قريته بالملف : مزعجه \ اعيق عمل الممرضات \ زواري وايد \ غير متقيده بالقوانين \ ازعج الكرضى
و بعد 4 ايام سلموه لاول طبيب يمر علي !

كتب لي خروج بدون لا يطل بالتقرير

نزلت الطوارئ للحين انزف دخلوني مره ثانيه و تهاشوا الدكاتره مع بعض و كل واحد يتهم الثاني بانه حمار و انتو بكرامه !!
رديت 4 ايام ثانيه مشيمتي نازله و انزف و فيني بكتيريا بالمهبل !
مروا علي كونسلتو يعني مجموعة دكاتره يات الكويتيه قالت انتي بالرابع و الرابع ما فيه مشيمه نازله خروج و راحه اسبوع !!
المهم قلت لها انزف و انا مدرسه و ادابج ورا اليهال تمننت علي باسبوعين راحه !!

طلعت من المستشفى
بعدها بيومين حاشني عوار فضيع طرت على الخاص ولا :

1- المشيمه نازله و ممكن تنفصل
2- عنق الرحم قصير 2.5 سم بس و 100% ولادتي مبكره بالسادس او السابع اذا ما طاح بالخامس

دخول على طول و عملية ربط سواها لي مدير المستشفى مع ان الاتفاق كان مع طبيبتي
بنج كامل 10 الى 30 د.ق
نزيف لمدة يوم واحد
الشعور بالطلق باليوم الاول و الالم بس باليوم الاول


الحين صار لي 4 ايام مسويتها
و فيني عوار خفيف تحت مكان الخياط

و عوار قوي بظهري
و الحين اوسوس اخاف البيبي يتضرر من كثرة الادوية و البنج



تعبت وايد بنات وااااايد و الحمدالله على كل حال
يارب يطلع البيبي صاحي مافيه شي سليم و بار فيني ياااارب

دعواتكم يالغاليات




نصيحه : حط فلوسك بالشمس و اقعد بالظل

 

[Stylist]

ماتشوفين شر حبيبتي
والله يثبته لج ان شاءالله

 

[bintq8]

كل هذا فيج وماندري عنج ماتشوفين شر والحمدلله على سلامتج والله يقومج انتي والبيبي بالسلامه وتشوفينه متعافي وبصحه انشالله

 

[:: Diva ::]

الله يطولي بعمركم ان شالله ولا يوريكم الي شفته يااارب

 

[ZajiL]

حبيبتي سلامتج ماتشوفين شر كله باجره ان شاء الله

 

[om_3azoz]

ياحياتي ماتشوفين شي ’’ وانشاءالله الله كريم يااارب الله يقومج بالسلامه ويطلع البيبي سليم كاامل ياااارب
قولي امين ياقلبي وكله بأجره عند الله ’’

 

[ام فهودي المزيون]

ما تشوفين شر حبيبتي
كل باجره

 

[^ام مشعل^]

سلامات حبيبتي الله يسلمج انشالله ويشافيج ويقومج بالسلامه انتي والبيبي انشالله

 

[daloola]

وع وع وع وع الصبااااااااااااااااااح
الله لا يحطنا تحت رحمتهم

الحمدلله على سلامتج
ماتشوفين شر

 

[([عطر رومانسي])]

ماتشوفين شر حبيبتي وعسى الله يثبته لج
والله انا حاسه فيج جربت الاجهاض وجربت الولاده المبكره
والله لا الخاص يريح ولا الحكومه يريح للي حالاتهم خاصه مثلنا
محد يدري شنو فيج وكل واحد يتفلسف على كيفه
حسبي الله عليهم

 

[([عطر رومانسي])]

صج اي مستشفى رحتي ومنو الدكتور اللي سوالج ربط؟؟
لان حملي الياي راح يسوونلي ربط

 

[نيلفار]

واي بعد عمري الله يعينج ويثبت حملج وتفرحين بشوفه البيبي

 

[ام سلومي قمرهم]

الله يواريج العافيه يقلبي ماتشوفين شر

 

[مراسي الحب]

الله يكتب لج الخير والصالح يا رب ويهدي بالج

 

[متغربةبأمريكا]

laaa 7awl wala gowa ela belaah !! 9j el7koma ay sh

 

[منورة الكويتية]

حبيبتي ماتشووفين شر اجر ان شاء الله
وان شاء الله ربي يثبتلج جنينج ويقر عينج بشوفته صاحي متعافي يارب ويطمن قلبج

 

[لولي]

سلامتج والله ......... ما تشوفين شر يا الغالية
الله يثبتة لج وتقومين بالسلامة

 

[م.أسومة]

حبيبتي سلامات و اجر و عافيه
اسأل الله العظيم رب العرش العظيم ان يثبت حملج و يقر عينج بشوفة ضناج
اسأل الله العظيم رب العرش العظيم ان يثبت حملج و يقر عينج بشوفة ضناج
اسأل الله العظيم رب العرش العظيم ان يثبت حملج و يقر عينج بشوفة ضناج

 

[منورة الكويتية]

اي وبما انج مسويه عمليه ربط ليش ماتسوين مجلس طبي عشان تريحين وماتداومين احسن لج والله

 

[ضي]

واااااي حبيبتي الله يعينج وان شاءالله تقومين بالسلامه ياااااااااااارب