ما عندج سالفة تطلقتي بس عشان ريلج يطقج ؟؟

[ام شووووق]

رد : ما عندج سالفة تطلقتي بس عشان ريلج يطقج ؟؟

صاجه والله

 

[توته شيطونه]

علي بن ابي طالب قال (( هيهات هيهات من المذله )) يعني الواحد او الوحده لازم ما تذل نفسها لاي شخص لو منو كان بالدنيا

لانه الشخص الوحيد اللي انذل بين ايده الله سبحااانه وتعالي فقط واذا مطلقه بالعكس يمكن حال المطلقه افضل من مليون متزوجه

انا مطلقه صج اني بعض المرات اتضايق وجذي من سالفت اني مطلقه بس الحمدالله

المنحه التي تقربك من الله خير من النعمه التي تنسيك ذكر الله

 

[جوري 2007]

كلامج عدل

 

[noynoy]

انا اولهم لو زوجي طقني سيده بطلب الطلاق معنا عندي بنت بس ماراح ارضاها لعمري و اللي يطق مره يطق الف
و انا اعتبر الريال اللي يطق المره مو رياااال

 

[المبدعة]

*((كـارينـا))*



صاااااااااااااجة والله

 

[المبدعة]

أول شي انا ناقشتج بالمنطق والديين والقانون

بس أنتي لأسف ما فهمتي كلامي

قلت الضرب الغير مبرح = الضرب الخفيف


وقلت للمرأة الناشز

وهذا كلام رب العالمين مو كلامي أنا

والضرب يكون بعد النصيحة والهجر

وهذي الأية


إن بيان القرآن الذي يبيح للرجل ضرب الزوجة الناشز، والذي يصر كثيرون على فهمه فهماً خاطئاً في معظم الحالات، إنما يهدف إلى صيانة الحياة الزوجية، وحمايتها وتقويمها، كما تنص على ذلك الآية الرابعة والثلاثون من سورة النساء: (...وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا).النساء : 34 .

من هي المرأة الناشز في الاسلام

1)المرأة الناشز هي التي تخرج عن طاعة زوجها..


2)هى المراة التى لاتطيع زوجها وتعصيه


3)سليطة اللسان معاندة لزوجها غير مكرمة لنفسها لا تحفظ ما بينهما من أسرار ...


^

أي مرأة من هذا النوع شرعــــــــــــــــــا تستاهل الضرب التأديبي الغير المبرح على قولتج الخفيف بشرط ان يكون نصحها وهجرها


غير جذي قتلج الي يمد ايده على زوجته على سبب تافهة ويضربها ضرب مبرح فهو بنظري مو رجال ومن حفها تنفصل عنه


اعتقد كلامي واضح اذا انتي ماكنتي من النوع المقصود فأنا أأيد طلاقج والله يعوضج بالافضل

اي حبيبتي جذي اتضحت الصورة يا سكرة

يسلمواااااااااااااااااا

 

[المبدعة]

ام حيدر22

بس هم يقدر يكسبها بالكلمة الحلوة الطيبة

الطق مو اسلوب للحل بل بالعكس اسلووب للكره و الحق



الله يرحم الحال

 

[المبدعة]

ام شووووق يا صاجة ما جذبتي

 

[المبدعة]

توته شيطونه

معاج و مؤيدة و ما بعد كلام الخلفاء اي كلام

 

[المبدعة]

جوري 2007

شكرااااااااااااا ع التأييد

 

[المبدعة]

noynoy

والله صاجة مو ريال

حسبي الله ونعم الوكيل

 

[داريني]

في بعض بعض الحريم يحدون الريال انه يطق
او تزتفزه علشان يطقها و تطلعه اهوه غلطان

و هم العكس ريال ما يرحم يصبحها بطراق ويمسيها بطراق

وانا معاج والله ما ارضى بالضرب لو شنوو

والله لا يوريني ولا يوريكم هاليوم

 

[المبدعة]

داريني

مهما كان الزوجة لها تقدير

اه على بعض الريايلي ما يرحمون و لا يخلون رحمة الله تنزل

 

[ليلو جبريت]

رد : ما عندج سالفة تطلقتي بس عشان ريلج يطقج ؟؟

عين العقل

لازم اصفقلج على هالكلام

 

[Hello_kitty]

اذا الوحده طلبت الطلاق عشان الطق مالها حق عيل منو اللي حق يطلب الطلاق ان شاء الله؟؟؟


والله الطق انه اشوفه اهم واقوى سبب الوحده تطلب الطلاق عشانه اذا الحيوانات نرحمهم وما نطقهم..والخدم لو يوم جربي

مدي ايديج شوفي شنوتسوي فيج والله تنحاش وما تقعد عندج يوم واحد

الزوجه انسانه وعندها كرامه والزم ما عليها كرامتها منواهو وشنو عشان يرفع ايده عليها؟؟

واللي تقول بالإسلام حبيبتي القرآن قال عظوهن فهجروهون فاضربوهن يعني مرحله اخيره والشيوخ بينوا واشرحوا شنو الضرب

ما يتجاوز لسعه السواك فقط!!

وبعدين الرسول صلى الله عليه وسلم في حياته كلها ما ضرب زوجه اوخادم هذا الدين والشرع مو فوضى السالفه موكل شي تلصقونه بالدين!!

وبعدين معروف الريال اللي يمد ايده على مره مو ريال وفي عقده نقص مهزوز وضعيف شخصيه يطلع حرته وقوته يسترجل على المره

ومنو قال ان منتشر بالكويت..يمكن يكون منتشر في بيئات معينه بس الحمدلله وايد ناس وعوايل ما ترضى على بناتها المهانه
والله يكسرون ايده قبل يمدها على بنتهم

واحنا باهلنا اذا تقدم الريال اول شرط ان ما يمد ايده لو مهما كانت الأسباب

وامي دايما تنصحنا حتى قبل الزواج نصبر على كل شي لكن اذا مد ايده مالج قعده معاه يووووووووووووم واااحد

والحمدلله مهما تصير مشاكل وخلافات يظل الإحترام موجووووووووووود

 

[كرزة ضايعه]

يبطوون جبدي الي يقولون ..ويي فلانه ريلها مد ايده عليها ما نطرت سيده طلبت الطلاق..تقولين تبي الفكه؟..ما جافونا احنا قبل ..ازواجنا ادبونا تأديب ما يخلونا نرفع عيونه في عيونههم<< حشى علاقه زوجية ولا سجن
<< هالكلام وحده من معارفنا قالته مرة صج قهرتني لو ما انها مرة عوده جان قعدت احاججها ..بس خليتها على راحتها

صراحه انا اجوف ان الضرب من اهم الاسباب عشان البنت تتطلق..ما اتكلم عن ضرب الزوج لزوجته الخاينه مثلا ..او ضربة وحده صارت في خلال عشر سنين زواج بسبب شي قوي ..
لازم البنت تحكم عقلها في هالموقف وتقدر الامور
يعني الي زوجها يدخل ضارب ويطلع ضارب عشان "يأدب" هالشي يستحق انه البنت تتطلق ..شالي يحدها ع العيشة معاه ادا كانت معززة مكرمه في بيتها..والله كلمة مطلقه اهون بألاااف المرات ادا كان فيها عزة وكرامة..ولا يقولون عني متزوجة بالمدله والمهانه

اووف يا كرهي للي يطقون حريمهم..صج مو ريال ..يفكرون انهم متزوجين بنت 5 سنين الا عشان يأدبونها ويربونها من يديد..

الله لا يحط احد منكم في هالوقف ياا رب

 

[*peace*]

رد : ما عندج سالفة تطلقتي بس عشان ريلج يطقج ؟؟

الله المستعان .,,, الصراحه هالشي بالذات نحن عندنا ما ينسكت عنه ,, و منقووود منقووود ان ريال يمد ايده ع حرمته مهما كاان ,,
و الصراحه سمعت شي كدر خاطري من ربيعتي كويتية ,,و تقوللي معظم العوايل الكويتية يصير فيها ضرب للزوجه ,, يعني عادي الواحد يمد ايده ع زوجته لان ابوه يمد ايده على امه واهو نفسه يمد ايده على مرته فصار شي عادي و يصير ,,, الله المستعان

تستعبطين حضرتج !!

ياكرهي لهالاشكال

 

[لمسه حزن]

رد : ما عندج سالفة تطلقتي بس عشان ريلج يطقج ؟؟

كلامج صحيح و لله

حتىالرسول عليه الصلاه و السلام

قال رفقا بالقواررير

يعني

المعامله باللطف و اللين

مو بالشده و الضرب

ولله يكون بالعون

لازم نواجه انتقادات المجتمع

تحياتي

 

[_Pure_]

صح كلامج

 

[نماين]

الا الطق انا مارضاه كلش