ما عندج سالفة تطلقتي بس عشان ريلج يطقج ؟؟

[المبدعة]

[font=&quot]السلام عليكم

[font=&quot]طبعا الموضوع مبين من العنونا[/font]
[font=&quot]للأسف في فئة بمجتمعنا [/font]
[font=&quot]ما تقدر إن الزوجة لها احترامها سواء بالقول و بالفعل[/font]
[font=&quot]و إذا تطور الأمر للضرب و أصرت الزوجة ع الطلاق[/font]
[font=&quot]يستهين بهذا السبب [/font]!!!!!!!!!!!!!!

[font=&quot]ليش ستهينون يا جماعة [/font]

[font=&quot]الحين لو اي احد شاري سيارة بمبلغ و قدره[/font]

[font=&quot]وقام احد من الجيران[/font]
[font=&quot]كل يوم يشخط عليها[/font]
[font=&quot]يا بقلم يا بمفتاح[/font]
[font=&quot]او ولده يشوت الكرة على السيارة و تصير اضرار[/font]

[font=&quot]ما تضايقون و يضيق خلقكم ع السيارة[/font]
[font=&quot]مع ان السيارة ما عندها احساس و لا مشاعر و لا دمعت و لا انجرحت[/font]

[font=&quot]فما بالكم بانسانة الله خلقها لهدف سامي[/font]
[font=&quot]الا و وهو الامومة [/font]
[font=&quot]انسانة مشاعرها حساسة تاثر باقل كلمة[/font]
[font=&quot]انسانة جسمها ضعيف اضعف من أي مخلوق ما يتحمل الظربة البسيطة[/font]

[font=&quot]اذا فالمراءة الانسانة الزوجة أولى بالمراعاة و تقدير الناس لها[/font]
[font=&quot]أولى بان نقف معاها ضد كل انسان يسئ لها[/font]
[font=&quot]أولى من اي شيء اخر[/font]
[font=&quot]الرسول عليه الصلاة و السلام قال في خطبة الوداع : رفقا بالقوارير[/font]
[font=&quot]شبه النساء بالقارورة لان سهلة الكسر و اذا انكسرت صعب ان ترجع لنفس حالة الاولى الا و لازم في اثر[/font]

[font=&quot]شخصيا من كل قلبي اقول لكل زوجة تعاني من قسوة زوجها الله يعينج[/font]

[font=&quot]ولكل مطلقة تطلقت لذات السبب اقولها زين سويتي لانج رافتي بحالج[/font]

[font=&quot]ولكل وحدة مقبلة على الزواج نصيحة وقت الخطبة لازم تشترطين ان ما يمد ايده عليج[/font]

[font=&quot]وان مد ايده عليج فقولي لها بيت اهلي مفتوح واذا بتردني رجعني باعتذار و معاها رضاوة[/font]

[font=&quot]انا ما اشيش احد بس من واقع تجربة ، افضل ان نضع النقط على الحروف من البداية[/font][/font]
[font=&quot]و ان يراعي الله فيج[/font]

 

[cat^q8]

اي صاجه

كل شي الا الطق عاد

الله يعين اللي تعاني من هالمشكله ويصبرها

بس مو معناه ان الطلاق اهو الحل

اكيد في خطوات للعلاج قبل الطلاق

 

[يا غرامي]

رد : ما عندج سالفة تطلقتي بس عشان ريلج يطقج ؟؟

الله المستعان .,,, الصراحه هالشي بالذات نحن عندنا ما ينسكت عنه ,, و منقووود منقووود ان ريال يمد ايده ع حرمته مهما كاان ,,
و الصراحه سمعت شي كدر خاطري من ربيعتي كويتية ,,و تقوللي معظم العوايل الكويتية يصير فيها ضرب للزوجه ,, يعني عادي الواحد يمد ايده ع زوجته لان ابوه يمد ايده على امه واهو نفسه يمد ايده على مرته فصار شي عادي و يصير ,,, الله المستعان

 

[-Angel-]

رد : ما عندج سالفة تطلقتي بس عشان ريلج يطقج ؟؟

والله كلامج عدل بس للاسف البعض تخاف انها ترجع مطلقة عند اهلها او تخاف من حجي الناس ولا والاهم الي تسكت بس عشان عيالها بالعربي تبي تمشي المركب ة عمرها يضيع طق وكراف ومافي اي تقدير .

 

[المبدعة]

اختي
cat^q8

ثقي تمام اهي ما اتخذت هالخطوة على بعد ما استنفذت كل وسائل النصح و الاصلاح

بس شتقولين في ريلا طبعه جذي

يبا بنات الناس مو لعبة و مو كل مرة تحصلك على زوجة سنعة نفسها
لافت الفوت ما ينفع الصوت

 

[المبدعة]

مرحب الساع يا يا غرامي

والله بالظبط هذا اللي حاصل بالكويت فعلا

بس اللي قاعدة اشوفه ان في عوايل ما ترضى على بناتها انها تنهان
وفي حريم واااااااااااااااايد رافعين قضايا على ريايللهم ( ازواجهم ) و السبه الظرب

والحمد الله على كل حال

 

[المبدعة]

-Angel-


شاللي يخليها تخااااااااااااااف ؟؟؟

المطلقة حاله احسن من وايد متزوجات مهانات من قبل رياييلهم

والشرع و القانون كافل لها كل حقوقها

فليش تخاف

 

[{}{}{ سكرة }{}{}]

أول شي بالنسبة للموضوع

الضرب بدون سبب هذا محد يرضاه حتى للحيوان عزكم الله


ولكم هناك زوجات تحد نفسها للضرب مثل تردد زوجها وتقل ادبها واطول السانها

هذي تستاهل الضرب التأديبي مو الضرب المبرح الي يكسر ضلوعها

وعلى فكرة هالشي موجود بالاسلام وفي حديث لرسول


وبالنسبة للأخت الي تقول انه هالشي منتشر بالكويت انا اقولج غلطانة الحمدلله اذا عندنا 10% يضربون حريمهم ف90% محترمينهم لانهم اهم فارضين احترامهم

وضرب الزوجة موجود بالعالم كله بما فيهم الامارات فقولي لربعتج لا تعمم

وبالنهاية مانقدر نحرم شي حلله رب العالمين

وارد اقوووووول ضرب التأديب للزوجه النااشز (( قليلة الادب الغير محترمة ))


اما الي يمد ايده بدون سبب وعلى اتفه الاسباب هذا لأسف مو رجال

 

[الأميرة جوري]

رد : ما عندج سالفة تطلقتي بس عشان ريلج يطقج ؟؟

اشكثر اسمع رفع قضايا علشان الطق ........وهم اشكثر اسمع حريم تتعرض حتى للكسر ومع هذا صابره وساكته

 

[المرتاحة]

انا اخالف الاخت اللي تقول ضرب غير مبرح

اصلا الضرب اعتبره اهانه

ما يجوز الضرب باي شكل من الاشكال لا حق الضغير ولا الكبير ولا خادم ولا غيره اشلون اذا كان الشخص هذي هي الزوجه

في وسائل و اسليب ثانيه غير الضرب

انا اصلا انقد على الام اللي اطق عيالها لانه ما يحق لاي احد يطق اي شخص و اي كيان مهما كانت الاسباب

 

[ًwo0ow]

صح في وايد رياييل يطقون حريمهم على اساس ان االرياييل يعتقدون بان الطق حق من حقوقهم يعني حق مكتسب لهم على اي سبب وهذا خطا وغلط وما يجوز حتى اللي تقول ناشز ما تنطق الطق اللي احنا نشوفه لان الرسول لما قال بحديثه اضربوهن كمل الحديث وحدد بالسواك يعني حركه فيها اهانه فقط مو طق وتكسر وطراقات حشى مو مرة هذي صارت جيس ملاكمه
ماتبي المرة طلقها ادبها بطرق ثانيه احرمها بس مو تكسرها
انا وحده صراحه عانيت من هالمشكله وسويت كل شي عشان اصلح لكن ماكان في فايده فقلت ماكو الا الانفصال لاني ما اقدر اعيش مع انسان مصدق ان الطق من حقه علي على اي شي
واللي يخليني اتاكد ان ان هالمعتقد عنده صحيح لما قالي وبكل قناعه لما يبي يراضاني انا طقيتج ووديتج بيت اهلج عشان ترتاحين وباجر اردج<< ليش الدينا فوضه خري مري السالفه ولا مالي كرامه انا

والحمدالله انفصلت عنه
انا كل ما اشوف موضوع جذي اتكلم عن قصتي لان احس ليلحين فيني حرة صحيح مرتاحه لاني بعيده عنه بس فيني حرة عليه لان طقني بهذلني وظلمني وما اخذت حقي منه وانا وحده اذا ما اخذت حقي بايدي ما ارتاح ياربي اخذ حقي منه اضعاف مضاعفه امين يارب العالمين

 

[المبدعة]

أول شي بالنسبة للموضوع

الضرب بدون سبب هذا محد يرضاه حتى للحيوان عزكم الله


ولكم هناك زوجات تحد نفسها للضرب مثل تردد زوجها وتقل ادبها واطول السانها

هذي تستاهل الضرب التأديبي مو الضرب المبرح الي يكسر ضلوعها

وعلى فكرة هالشي موجود بالاسلام وفي حديث لرسول


وبالنسبة للأخت الي تقول انه هالشي منتشر بالكويت انا اقولج غلطانة الحمدلله اذا عندنا 10% يضربون حريمهم ف90% محترمينهم لانهم اهم فارضين احترامهم

وضرب الزوجة موجود بالعالم كله بما فيهم الامارات فقولي لربعتج لا تعمم

وبالنهاية مانقدر نحرم شي حلله رب العالمين

وارد اقوووووول ضرب التأديب للزوجه النااشز (( قليلة الادب الغير محترمة ))


اما الي يمد ايده بدون سبب وعلى اتفه الاسباب هذا لأسف مو رجال

الله حلل الضرب يكون فقط بالسوك و ضربه خفيفة

عشان المراة ما تتمادى

مو ضرب الطراقات و هالشي الرسول عليه الصلاة و السلام نهى عن ضرب الوجه

الرياييل يا اختي الكريمة ما خذين المراه بشراع و ميداف

يقطقونها طق اليهد مافي في قلوبهم رحمه

هل بالحالة هذي نقول ان الظرب حلال ؟؟؟!!!!!!!!!!!!!!!!!

وبعدين انتي ترضين على نفسج ان ريلج يطقج ؟؟؟؟ اذا ا انتي متزوجة

او مستقبلا اذا ما كنتي متزوجة؟؟؟؟


يا معوده ناقشينا بالمنطق و الشرع اولا و بالقانون

و بعدين منو قالج ا ن نسبة 10% هم اللي يطقون ؟؟؟؟؟!!!!!!!!!!!!!

بالعكس هم 10% اللي محترمين حريمهم

عيدي النظر اختي

 

[المبدعة]

الأميرة جوري

بالظبط صح كلامج : )

 

[المبدعة]

المرتاحة

ما شالله كلامج عين العقل

 

[المبدعة]

صح في وايد رياييل يطقون حريمهم على اساس ان االرياييل يعتقدون بان الطق حق من حقوقهم يعني حق مكتسب لهم على اي سبب وهذا خطا وغلط وما يجوز حتى اللي تقول ناشز ما تنطق الطق اللي احنا نشوفه لان الرسول لما قال بحديثه اضربوهن كمل الحديث وحدد بالسواك يعني حركه فيها اهانه فقط مو طق وتكسر وطراقات حشى مو مرة هذي صارت جيس ملاكمه
ماتبي المرة طلقها ادبها بطرق ثانيه احرمها بس مو تكسرها
انا وحده صراحه عانيت من هالمشكله وسويت كل شي عشان اصلح لكن ماكان في فايده فقلت ماكو الا الانفصال لاني ما اقدر اعيش مع انسان مصدق ان الطق من حقه علي على اي شي
واللي يخليني اتاكد ان ان هالمعتقد عنده صحيح لما قالي وبكل قناعه لما يبي يراضاني انا طقيتج ووديتج بيت اهلج عشان ترتاحين وباجر اردج<< ليش الدينا فوضه خري مري السالفه ولا مالي كرامه انا

والحمدالله انفصلت عنه
انا كل ما اشوف موضوع جذي اتكلم عن قصتي لان احس ليلحين فيني حرة صحيح مرتاحه لاني بعيده عنه بس فيني حرة عليه لان طقني بهذلني وظلمني وما اخذت حقي منه وانا وحده اذا ما اخذت حقي بايدي ما ارتاح ياربي اخذ حقي منه اضعاف مضاعفه امين يارب العالمين

الله ينصرج عليه و تاخذين حقج بالكانل

يبا الشرع و القانون بصفج

واهم شي الله معااااااااااااااااااااج
الله ما ينسى عبده و لا ينسى المظلوم

اهم شي ادعي ربج

والله مراح يردج خايبة

والله يصبرج و يعوضج خييييييييييييييير

 

[*((كـارينـا))*]

wo0ow <<<<< الله يهدي نفسيتج ويريح بالج ويعوضج بزوج افضل منه يحبج ويصونج ويخاف عليج من الهوى


وموضوع الطق .. للاسف ماخذينه الريايل . رجووله واهو والله شي يخلي المراه تنفر منه وقد تحقد عليه وتكره .. لان الطق ماله مبرر ولا اهي حيوانه وحتى الحيوانات نرأف فيهم ورب العالمين ما يرضى بظلم والضرب نوع من الظلم للمراه .. ما أقول إلا حسبي الله ونعم الوكيل




ضيقتو خلقييييييييييي

 

[{}{}{ سكرة }{}{}]

أول شي انا ناقشتج بالمنطق والديين والقانون

بس أنتي لأسف ما فهمتي كلامي

قلت الضرب الغير مبرح = الضرب الخفيف


وقلت للمرأة الناشز

وهذا كلام رب العالمين مو كلامي أنا

والضرب يكون بعد النصيحة والهجر

وهذي الأية


إن بيان القرآن الذي يبيح للرجل ضرب الزوجة الناشز، والذي يصر كثيرون على فهمه فهماً خاطئاً في معظم الحالات، إنما يهدف إلى صيانة الحياة الزوجية، وحمايتها وتقويمها، كما تنص على ذلك الآية الرابعة والثلاثون من سورة النساء: (...وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا).النساء : 34 .

من هي المرأة الناشز في الاسلام

1)المرأة الناشز هي التي تخرج عن طاعة زوجها..


2)هى المراة التى لاتطيع زوجها وتعصيه


3)سليطة اللسان معاندة لزوجها غير مكرمة لنفسها لا تحفظ ما بينهما من أسرار ...


^

أي مرأة من هذا النوع شرعــــــــــــــــــا تستاهل الضرب التأديبي الغير المبرح على قولتج الخفيف بشرط ان يكون نصحها وهجرها


غير جذي قتلج الي يمد ايده على زوجته على سبب تافهة ويضربها ضرب مبرح فهو بنظري مو رجال ومن حفها تنفصل عنه


اعتقد كلامي واضح اذا انتي ماكنتي من النوع المقصود فأنا أأيد طلاقج والله يعوضج بالافضل

 

[سارة ة]

ااااااب
طمووشه

 

[غــلآ]

رد : ما عندج سالفة تطلقتي بس عشان ريلج يطقج ؟؟

حبيبتي

شفتي هذي الفئه

ترى اكثر فئه مو مرتاحه بدنياها

لانها تدور السوالف ومو مخليه احد بحالها وفوق هذا زين اذا شافت ويهه ريلها بالبيت من كثر ماهي غثيثه وتطفش الواحد بعيشته


مو اهم قالوا تطلقتي لانج انطقيتي ماعندج سالفه

قولي انا حره .. لا صرتوا بنفس موقفي لاتتطلقون منتوا ملزومين

سكتيهم عشان ترتاحين لان لو بتسكتين بتطول السالفه

 

[~LiBrA~]

رد : ما عندج سالفة تطلقتي بس عشان ريلج يطقج ؟؟

صج الريال ماله حق يطق

بس بالنسبه الي الرا الي لسانه طويل وتسب ومأذيه ريلها بالطالعه والنازله هذي تسهل الطق بس مو الطق القوي

لا التأديبي مثل ماقالت الاخت سكره

وطبعا يكون الطق اخر حل يعني محذرها زوجها من قبل اكثر من مره لكن ترد تسوي الغلط نفسه

والريال مامد ايده عليها الا لان يبيها تتأدب وتصير خوش وحده ومايبي الطلاق

اذا يبي الطلاق جان من اول مرة غلطت طلقها


طبعا انا اتكلم عن فئه معينه


لكن الي يمد ايده على الفاضي والمليان هذا الصراحه المرا ارحملها الطلاق خاصه اذا مظلومه


وكل واحد له وجهة نظر