ما عندج خدامه ؟ تعالي ابيج ..

[شامخة بأخلاقي]

السلام عليكم و رحمة الله وبركاته


اذا ما عندج خدامه ..
اشلون اتقسمين الشغل ؟؟


لأن انا ما عندي خدامه و بيتي صغير لكن احس اني مو مرتاحه مع اني احب شغل البيت بس مو قادره انسق في الاوقات مو عارفه من وين ابدي :bbbiu: ؟!!


فيدوني بخبراتكم
و جزاكم الله خير :eh_s(7):

 

[♥ ݤليے ﻁﻔووله ♥]

انا ماعندي خدامه وشقتي صغيره بس ماعندي نظام معين لهآ


يعني حزات ارتبهآ قبل لاانام عشان لاقمت اكون مرتاحه ومرات اقوم قبل ريلي وانظفهآ عالسريع واسوي الريوق وبعد مايطلع ابدا كراف


بس حاولي تنهين شغلج قبل لاتنامين عشان اريح لج وانظـم .. ومتا ماسويت لي جدوول معين بقولج حبووبه وموضوعج مفيد



يسلموؤو

 

[eastfem]

اول شي حددي شنو الزامات البيت اقصد شلي محتاج لتقسيم وتنسيق الوقت !؟

اعتقد التنظيف يكون الصبح والطباخ عالضحى والعصر تفضين لعيالج يعني الشغل يكون بالنهار فقط هدا ادا كنتي ملتزمه بجدول

خصوصا ان بيتج صغير يعني مايبيله شغل وايد

 

[ريـم إلـفـلآ]

أب











أب

 

[noooona]

انا شقتي كبيييييييييره حيييييييل وما عندي نظام امشي عليه

 

[برد ابو الذهب]

اب اب اب

 

[So0oKaRa]

لاتخلين كل شغل البيت بيوم واحد راح تتعبين
عندج يوم خليه بس لغسيل تكرمين الحمامات وتنظيف المطبخ وغسله
مع ترتيب بسيط للصاله وللغرفه
وثاني يوم نظفي الصاله وغرفه النوم اقصد التنظيف العميق يعني ستاير ومسح الارضيه وهالسوالف
وخليلج يوم بس تغسلين الملابس وتكوينهم

 

[m'3rOoOra]

اب

اب

اب

 

[سمو الغلآ]

رد : ما عندج خدامه ؟ تعالي ابيج ..

اب

اب

 

[ام غلا اخت سعود]

رد : ما عندج خدامه ؟ تعالي ابيج ..

حتى انامادري متعوده على الخدامه والحين بقعد شهر ونص على ماتوصل ...
مادري شسوي........

بس لازم جدول ونظام والا ماراح امشي على هالحال .......

 

[bdora]

انتي موظفه؟؟؟؟

لان اذا موظفه راح يقيدج الدوام على سيستم معين

بس نصيحتي كالتالي:
1-الغسيل ,, كل اثنين وخميس ويكون بحزة الظهر لما الجهال يردون من الدوام دايخين ومالهم خلق والافضل يكون عندج غساله اتوماتيك
2-الخم ومسح السيراميك,, كل يوم الصبح خمي بالمخمه الكهربا ويوم وترك تمسحين بكلوركس ملون وديتول
3- الزل ,,لازم كل يومين او متى ماودج تخلين الشمس تشخلها شوي
4-المطبخ ,,خلي عندج مواعين القصدير علشان اذا كنتي تعبانه ومالج خلق للغسيل تستخدمينها وتحذفين
5- الحمامات,,طبعا اذا حمامج الخاص راح يكون هين كل يومين اما الجهال فالله يعينج كل ماراحوا المدارس صبي عليه كلوركس وديتول والمرحاض تكرمين صبي عليه هاربيك وقفلي الباب وبعد نص ساعه ادخلي وغسليه بسهوله راح يتنظف والمرحاض اسحبي السيفون وغسلي الاطراف بماي وشوفي اللمعه والتعقيم
والحنفيه والمسبح هم حطي هاربيك روعه عن تجربه


وبعد اتذكر واردلج

 

[معالي السفيره]

رد : ما عندج خدامه ؟ تعالي ابيج ..

انا والله انظف الظهر

ارد من الدوام ابدل وغسل وحط الملابس بالغساله على ماتخلص اغسل مواعيني وامسح المطبخ
واذا خلصت الا الغساله خالصه احطهم عالمنشر وحط الملابس اذا بعد في
واخم البيت وامسح الارضيات واغسل الحمام
وخلاص خلص الشغل ماياخذ ساعتين وصراحه انا ماخلي شي كل شي يطيح اشيله على طول
والاوتي كل يومين او ثلاث حسب الملابس وكميتها

 

[شامخة بأخلاقي]

مشكورين بنات صج فدتوني بأفكاركم

بدوره اعجبتني طريقتج , اتوقع اني راح اطبقها

 

[شموع الفرح]

انا مع معالي السفيره حبيبتي لا تخلين شي طايح اول بأول ماراح تتعبين وطبعا فى اشياء يوميه مثل الخمام وغسال تكرمين الحمام والمواعين وبس اهو اللي يقص الظهر غسال الهدوم والأوتي ما احبهم والله يعينج

 

[miss_Ba6oOo6a]

انا ماعندي خادمه بس ملابس البيت ملوتي وبنتي وريلي يوم بالاسبوع غسيل
وملابس الطلعه ملوتنا كله مصبغه حتا الشراشف واكفرات
والتلميح والحمامات والخم انا اييب مرات شركات تنضف كل الشقه ومرات ريلي اييبهم من بره كل شهر تنظيف شامل
واليومي اذا فيه وصخ ومسح عادي انا اسويه وبس ماكو جدول معين ماشيه علا هالنظام من 3 سنين وبنتي عمرها سنه ونص وانا شقه وحي
مستقله

 

[جنه الخلد]

رد : ما عندج خدامه ؟ تعالي ابيج ..

حبيبتى الصراحه واول شي كنت اتوقع انى الوحيده اللى بالكويت اللى ما عندي خدامه .ههههه مرات اشتكي ومرات اقول احسن استغنى عنهم وبكل الاحوال الاستغناء عنهم طبعا افضل . المهم انا عندي اربع بنات باعمار متقاربه والصراحه مهما التزمت بنظام لابد يجي يوم ويخترب انا بصراحه امشي على الساعه واذا تبين نصيحتى لو تمشين على الساعه راح يتنظم وقتج... وبعدين الوحده فينا هم تبي وقت لنفسها تسترخي وترتاح .. انا اودي بناتي مدارس وبعدين لما اجي اكون تعبانه انام لان عندي بنتى صغيره بالبيت وبعدين لما اقعد احط الغدا على النار واطفي عليه ولما اجيبهم من المدارس ارد اكمل طباخ وبعدين لما نتغدي اشيل الغدا وانظف اكنس الغرفه بس .. وبعد
ين ابدأ بتدريسهم حدود 3 ساعات يكون زوجي رد للبيت اغديه وأبدأ بترتيب البيت وهذي المشكله لاني ما يكون عندي وقت اقعد معاه يقعد اهو على النت او يتمدد على الفراش.. انظف الحمامات والمطبخ واكنس يعنى تنظيفات البيت العاديه.. بعدين اسوي العشا ويتعشون وانوم البنات.. اكون عاد وصلت حدي من التعب اسوي لزوجي عشا بروحه مرات نظل للساعه تقريبا 12 ننام ....بس على فكره يكون عندي يوم كل شهر ويكون باخر الاسبوع يعنى خميس او جمعه حق التنظيفات الصعبه مثل مسح الاطوف وغسل السجاد والبطانيات وترتيب ادراج الملابس والمطبخ بس اغسل الملابس يوم وترك والغساله اتوماتيك... اشرايكم ببروجرامي ممل وايد صح ... بس شسوي الصراحه مشكلتى ما اتفضا حق نفسي ابد ما اقدر اضبط نفسي مثلا... بس الشكوه لله والله يعينا جميعا .. سامحونى طولت عليكم..​

 

[العاطفية]

ههههه جنة الخلد أنا بعد نفسج حسبالي بس أنا ماعندي. بصراحة حده راحة بدون خدامة وترى مو لازم 24ساعة الشقة تلق وتبرق خلي يوم للغسيل ويوم للاوتي ويوم طبخ خفايف ويوم ترتيب لا تكودين الشغل وحابة اقول شغلة ترى والله تنظيف الخدامات من فوق وتحت السواهي دواهي وبلاوي بعد بس انتي راعية البيت تنظيفج بظمير وغير جذي أغراضج ماراح تظيعينها ومع الوقت بتتعودين عالشغل بس رتبي يومج على حسب ظروفج انتي وزوجج

 

[احساس2]

رد : ما عندج خدامه ؟ تعالي ابيج ..

اببب

 

[أحلى عيون]

رد : ما عندج خدامه ؟ تعالي ابيج ..

انا بعد سافرت خدامتي

وكنت الاحظ الخدم نص يومهم ماعندهم شغل من تروح الخدامه شغل البيت كل يوم يطلع ماتقدرين ترتاحين



نظامي كله الصبح العيال الله يحفظهم يروحون مدارسهم وعندي بنتي عمرها سنه تقعد علي الساعه١١الضحي


يومي كل المعتاد يوم وترك غسيل ملابس مسح وكنس البيت يوميا وبصراحه والله من اشتغل احس البيت فعلا نظيف

علي الضحي اسوي الغدا يجون من الدوامات ازهب الاكل علي المغرب اودي بنتي للتقويه طبعا مايطيح شي الا علي طول اشيله وانظفه


احب اشتغل الصبح لانه تنظفين كل شي ومافيه احد يظايقج


انا بالعطل اتعب انظف الصاله اروح للمطبخ ارجع الصاله القاها معفوسه صرخت علي عيالي ههههه

كان اعتمادهم كله علي الخدامه الحين انا ضبطتهم وكل واحد يوصخ يشيل وصاخته حتي زوجي ههههههه

 

[شووكولاته]

درايشي متروسين تراب كن حامل ومانظفتهم وتكود التراب شلون طرايقتكم بالتنظيف
؟؟