هامور متزوج وعنده عيال ومرتاح كثير بعايلته
نظامه الاسبوعي
5ايام بالاسبوع في الخارج ما بين صفقات
واجتماعات ومزادات عالميه
يومين بالاسبوع بالكويت ويقضي وقته بين الاهل والديوانيه والنادي
***********************************
(ساره) عمرها 27 سنه مو متزوجه مقبوله الشكل
مشتركه بعده مجلات توصل للبيت وكل اسبوع تلاقي هالهامور عنده اجتماع او صفقه
بالاضافه الى انه وسيم
*******************************
بعد البحث والتحري عنه عرفت انه مشترك بنادي ويحضر يوم ثلاثا للنادي
راحت الثلاثا .........وما لقته
وسألت موظف الامن عنه وقالها:
(لا يامدام ده ميكش الا كل اسبوعين مره من الساعه 4 الى 6)
(ساره) لبست احلى ما عندها وراحت تستعرض جدامه يمين يسار فوق تحت
ما لفتت نظره ابدا ........
***************************************
بعد اسبوعين راحت وسكّرت على سيارته ودخلت النادي
وبعد ساعتين اختبّو موظفي الامن وبالسماعات يعلنون عن جيب مسكر على سياره
طلعت (ساره ) وهي تعتذر منه عن خطأ غير مقصود .....ايضا لم تلفت نظره
*******************************
بعد اسبوعين لبست سبورت ولما وصل قالها مساء الخير
انتي اللي سكرتي على سيارتي صح
قالت صح
بادرت هي وقالت ممكن تعلمني لعبه الاسكواش
هو مافي مانع
لعبوا مع بعض .....مع الضحك والسوالف
عطاها رقمه الخاص ....
وقالها اتصلي الحين خليني اخزن رقمج لاني ما ارد على كل الاتصالات
اتصلت رنه وخزنها باسم (سالم الاسكواش )
************************
استمرت المكالمات 4 شهور تبعه زواج سري
وسكنت بشقه على البحر باحد عقاراته
وبعد 8 شهور حملت ...........
وبالشهر التاسع من الحمل توفي الهامووووور
******************************************
وبالعزا انتشر خبر زواجه بين الحضور وزوجته المصدومه فيه بشده
وتم تقسيم الورث على الزوجتين وكل الابناء
********************************
بعد خروج ( ساره ) من العده ......لقت نفسها وسط ملايين
ومعها ولد من المرحوم
*********************************
هذا نوع من دهاء وخطط بعض البنات للحصول على زوج وسط مواصفات معينه
سؤالي للبنات : هل بنظركم الثروه هي السعاده؟؟
ملاحظه: القصه 100% مع تغيير اسم الزوجه
فوفو
