ما رأيك بالزوج الكاذب

[الوردة المكنونة]

سلام بنات شلونكم اليوم ان شاء الله تكونون عال العال

حبيت اعرف رأيكم في الزوج الكاذب يعني بصراحه انا ريلي كذاب بدرجه فظيعه ويعتقد اني مو كاشفه كذبه وحتى لو قلتله اني كاشفته يقولي انتي كل على بالج اقص عليج بس انا متأكده مليون بالمئه ان كذاااااااااااااااااااااااااااااااااااااااب احترت شنو اسوي معاه عشان يبطل كذب والله دخت

يعني تخيلي يدش عليج يقولج اليوم طقيت 50 واحد يعني شي ما يدش العقل ولا يقولج سويت هالشغله ويحلف 1000 مره وبعد فتره تكتشفين ان كل كلامه كذب

وصل الكذب معاه ان لو تعطينه اوراق رسميه يخلصها يقولج سويتها وبعد فتره تكتشفين ان ما لمس الاوراق وعلى حطتهم

اللي زوجها جذي تقولي شنو تسوي معااااه ولي عندها حل لا تبخل علينا

 

[عنايد]

الله يعينج صراحه واللي هذا طبعه عمرره مايغيره ذكرتيني بزوج اختي بس اختي ما استمرت معاه

 

[نفيشه]

المشكلة اذا يجذب بامور مصيرية
لكن سالفةانه طق واحد وشغل المبالغة بالكلام يمكن اهو مو حاس انها جذب
ولما يقول خلصت المعاملة واهو مو مخلصها هم اتوقع انه نوع من التهرب من المسؤولية

اتوقع مشكلة زوجج انه مو فاهم انه قاعد يجذب او موحاس بهالشي
انتي بهدوء عطيه الامان وحسسيه بالثقة
حسسيه انه مهما غلط او قصر راح تتفهمين وتعذرينه بس ماله داعي يجذب كلش لانه راح ينكتب عند الله كذاب
وهذي مافيها لعب وغشمرة وموقصدي
حاولي اتييبينها على غشمرة لاتواجهينه بالشي اللي انتي عارفة جوابه راح يضطر يجذب علشان يمرر الموضوع
حلي الامور بطريقة ثانية غير المواجهة علشان لا يجذب عليج
واذا تدرين انه ما سوى الشغلة قولي له ادري ماسويتها بس يريت تستعجل بالموضوع وووو .. عطيه خيار ثاني ... عطيه حل ومخرج علشان لا يجذب
دايما عطيه حل بديل يعوض عن تقصيره او اخطاءه
المهم توصلين للنتيجة اللي تبينها وتكون الامور واضحة بالنسبة لج

 

[lady_flana]

انا مع نفيشة..
بعدين يمكن اهو مثل ما يقولون حياته بسيطة ويجذب بسوي لج اكشن ويكبر بعينج..... انتي حاولي تعطينه ثقة وتورينه ان اهو كبير عندج وجذي يمكن يحس بثقة اكبر... بس اذا يجذب باشياء جايدة ..يبيلها حل اكبر..
الله وياج

 

[Xtina]

الله يعيييينج عاد انا شنو اكره الجذب وهذي صفة بايخه بالانسان بس انتي لازم تواجهينه يعني اذا كانت الامور اللي يجذب فيها ممكن تكون غشمرة اخذيها ع انها ضحك بس اذا كان الشي جايد حسسيه انج كاشفته بس لاتقولين له بعدين اهوا بينقد نفسه وماراح يجذب.

 

[ام مضاوي]

والله الامر كلش مو حلو
وانا حاسه فيج
بس لازم في طريقه توصلينله انج عارفه جذبه
بس المواجهه ما انصحج فيها
الرجال مايحب يكون طايح من عيونج
ويمكن تسببلج نتيجه عكسيه

 

[الوردة المكنونة]

الله يعينج صراحه واللي هذا طبعه عمرره مايغيره ذكرتيني بزوج اختي بس اختي ما استمرت معاه

شكرا لج على المرور بس صعبه ما اقدر اهده هذا ابو بنوتاتي وحبيبي حتى وهو كذاب لوووول

 

[الوردة المكنونة]

المشكلة اذا يجذب بامور مصيرية
لكن سالفةانه طق واحد وشغل المبالغة بالكلام يمكن اهو مو حاس انها جذب
ولما يقول خلصت المعاملة واهو مو مخلصها هم اتوقع انه نوع من التهرب من المسؤولية

اتوقع مشكلة زوجج انه مو فاهم انه قاعد يجذب او موحاس بهالشي
انتي بهدوء عطيه الامان وحسسيه بالثقة
حسسيه انه مهما غلط او قصر راح تتفهمين وتعذرينه بس ماله داعي يجذب كلش لانه راح ينكتب عند الله كذاب
وهذي مافيها لعب وغشمرة وموقصدي
حاولي اتييبينها على غشمرة لاتواجهينه بالشي اللي انتي عارفة جوابه راح يضطر يجذب علشان يمرر الموضوع
حلي الامور بطريقة ثانية غير المواجهة علشان لا يجذب عليج
واذا تدرين انه ما سوى الشغلة قولي له ادري ماسويتها بس يريت تستعجل بالموضوع وووو .. عطيه خيار ثاني ... عطيه حل ومخرج علشان لا يجذب
دايما عطيه حل بديل يعوض عن تقصيره او اخطاءه
المهم توصلين للنتيجة اللي تبينها وتكون الامور واضحة بالنسبة لج

والله حاولت معاه اول شي سويت نفسي مادري ان يكذب ماكو فايده وبعدين قلتله بس بالغشمره هم ماكو فايده بعدين قلتله حبيبي ادري ما سويت هالشغله بس حاول تستعيل قالي عبالج كل اكذب لا سويتها وواجهته اكثر من مره بس ماكو فايده

 

[الوردة المكنونة]

انا مع نفيشة..
بعدين يمكن اهو مثل ما يقولون حياته بسيطة ويجذب بسوي لج اكشن ويكبر بعينج..... انتي حاولي تعطينه ثقة وتورينه ان اهو كبير عندج وجذي يمكن يحس بثقة اكبر... بس اذا يجذب باشياء جايدة ..يبيلها حل اكبر..
الله وياج

لووووووووووووووووووووووووول والله ضحكتيني حلوه اكشن والله مسويلي اكشن عدل

مشكوره على النصيحه

 

[الوردة المكنونة]

الله يعيييينج عاد انا شنو اكره الجذب وهذي صفة بايخه بالانسان بس انتي لازم تواجهينه يعني اذا كانت الامور اللي يجذب فيها ممكن تكون غشمرة اخذيها ع انها ضحك بس اذا كان الشي جايد حسسيه انج كاشفته بس لاتقولين له بعدين اهوا بينقد نفسه وماراح يجذب.

انا هذا اللي قاعده اسويييه اتحمل كذبه واسمعه للآخر بس في شغلات مهمه ماتبي كذب لي متى يعني

 

[الوردة المكنونة]

ام مضاوي مشكوره على النصيحه

 

[هوى الدار]

طفارتي الجذب والمشكله يكون طبع وماله طب
الله يكون بالعون

 

[توت عنكبوت]

الله يعينج عليه بس حاولي تسمعين له وسوي نفسج مصدقة احسن ما يروح يدور احد من برة يسمع خيالاته